| e-texts navigator |
| Wylie |
277b1 དུ་གཞན་གྱིས་མི་ཐུབ་མའོ། །ལྷ་གཏེར་མཉམ་གནས་ནུབ་ཕྱོགས་སུ། །ཞལ་གཅིག་ཕྱག་བཞི་སྤྱན་གསུམ་པ། །མདོག་སེར་རྒྱུ་མའི་ཕྲེང་བས་དཀྲིས། །ཤིན་ཏུ་བཞད་པའི་ཚུལ་དུ་གནས། །དེ་ཡི་མདུན་དུ་ནག་མོ་ཆེ། །གཡས་སུ་དྲག་ཆེན་དྲག་ཤུལ་ཅན། །རྒྱབ་ཏུ་ནག་སྦོམ
277b2 མ་ནི་གནས། །གཡོན་དུ་བཟང་མོ་མཆེ་བ་ཅན། །ནག་མོ་ཁྱབ་བྱེད་བྱང་ཕྱོགས་སུ། །ཞལ་གཅིག་ཕྱག་བཞི་སྤྱན་གསུམ་པ། །ཆར་སྤྲིན་ནག་པོའི་མདོག་འདྲ་བ། །ཤིན་ཏུ་གདངས་ཤིང་ལྗགས་འདྲིལ་བ། །དེ་ཡི་མདུན་དུ་དབང་མོ་སྟེ། །གཡས་སུ་ཟླ་བ་མོ་ཞེས་བྱ། །རྒྱབ་ཏུ་དྲག་ཏུ་སྡང
277b3 བ་ལ། །གཡོན་དུ་རྣ་བ་འཕྱང་བའོ། །གཙོ་བོ་ནག་པོ་ཆེན་པོ་ནི། །ཤར་ལྷོ་མཚམས་ཀྱི་གནས་བཞུགས་པ། །གཙིགས་པ་ཅན་ནི་ཤེལ་གྱི་མདོག་།སྟག་ལྤགས་གོས་ཀྱིས་དཀྲིས་པའོ། །མདུན་དུ་ལྷ་མོ་འཕྲོག་བྱེད་མ། །གཡས་སུ་འབར་བྱེད་མ་གནས་ལ། །དེ་ཡི་རྒྱབ་ཏུ་འཇིགས
277b4 བྱེད་མ། །གཡོན་དུ་ཡུལ་སྐྱོང་མ་གནས་སོ། །གཙོ་བོར་གྱུར་པའི་སྐུ་ཡི་ནི། །ལྷོ་ནུབ་མཚམས་སུ་བཞུགས་པ་ནི། །མི་སྡུག་པ་ནི་དུ་བའི་མདོག་།ཤིན་ཏུ་མི་སྲུན་གཟུགས་འཆང་བ། །གཟིག་གི་ཀོ་བ་རློན་པས་དཀྲིས། །མདུན་དུ་འཇིགས་བྱེད་དྲག་མོ་ཆེ། །གཡས་སུ་གཟུགས་ཆེན
277b5 མོ་ཞེས་བྱ། །རྒྱབ་ཏུ་མཆེ་བ་གཙིགས་མ་སྟེ། །གཡོན་དུ་ཐོད་ཅན་མ་ཡིན་ནོ། །ནག་པོ་ཆེན་པོའི་སྐུ་ཡི་ནི། །ནུབ་བྱང་མཚམས་ཀྱི་གྲཝར་བཞུགས་པ། །དགའ་བར་ལྡན་པ་པད་དམར་མདོག་།གླང་པོའི་པགས་པ་འཛིན་པའོ། །དེ་ཡི་མདུན་དུ་ཐོད་ཕྲེང་འཛིན། །གཡས་སུ་ཕྲེང་བ་འཛིན
277b6 མ་སྟེ། །རྒྱབ་ཏུ་ཏྲི་ཤུལ་འཛིན་མའོ། །གཡོན་དུ་ལྟོས་འགྲོ་བསྣམས་པའོ། །གཙོ་བོ་ནག་པོ་ཆེན་པོ་ཡི། །བྱང་ཤར་མཚམས་སུ་གནས་པ་ནི། །ལོག་སྲེད་ཅན་གྱི་རྫ་གསར་མདོག་།སྤྲེའུའི་པགས་པ་འཛིན་པའོ། །དེ་ཡི་མདུན་དུ་རལ་གྲི་མ། །གཡས་སུ་དགྲ་སྟ་འཛིན་མ་སྟེ། །རྒྱབ
277b7 ཏུ་རྡོ་རྗེ་མདའ་ཐོགས་མ། །གཡོན་དུ་རྡོ་རྗེ་གཞུ་མའོ། །ཁྲོ་བོའི་ཕོ་ཉ་འདི་དག་ནི། །ཞལ་གཅིག་ཕྱག་བཞི་གར་གྱིས་རོལ། །དང་པོ་གྲི་གུག་ཐོད་པ་འཛིན། །གཉིས་པས་ཌཱ་མ་རུ་དང་ནི། །ཏྲི་ཤུལ་ནི་འཛིན་པར་མཛད། །ཕོ་ཉའི་རྣལ་འབྱོར་མ་འདི་དག་།འདི་དག་ཕལ་ཆེར་ཞལ
iiif viewer powered by OpenSeadragon
