| e-texts navigator |
| Wylie |
277a1 ལན་ཅིག་སྟེ། །ལན་གྲངས་རོལ་མཚོའི་ཁྱད་པར་གྱིས། །ཕྱིར་མི་ཟློག་ཅིང་སྲོག་གཏོར་བྱེད། །དེ་རྗེས་གསོལ་གདབ་བཅོལ་བསྐུལ་བྱ། །ཤིན་ཏུ་མྱུར་བར་རྟགས་རྣམས་འགྲུབ། །ནག་པོ་ཆེན་པོའི་གསང་བའི་ལས། །མ་གྲུབ་ལན་གསུམ་སྤོགས་པ་དང་། །ས་བོན
277a2 འཕྲོག་ཅིང་གཅུད་པས་འགྲུབ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དྲག་པོའི་སྦྱིན་སྲེག་བསྟན་པའི་ལེའུ་སྟེ་བཅུ་པའོ།། །།དེ་ནས་དཀྱིལ་འཁོར་ཆེན་པོ་ཡི། །དུར་ཁྲོད་གནས་པའི་ཞིང་སྐྱོང་དང་། །ཉི་ཤུ་རྩ་བཞིའི་ཞིང་སྐྱོང་བཅས། །དེ་དག་རིམ
277a3 པ་བཤད་པར་བྱ། །རྡོ་རྗེ་རིགས་ཀྱི་ཕོ་ཉ་མོ། །དྲུག་ཅུ་རྩ་བཞིའི་ཕྲིན་ལས་དང་། །འདི་ཉིད་གསང་བའི་མགོན་པོ་ཡི། །ཐབས་མཆོག་འདི་ནི་ཀུན་དུ་སྦས། །དཔལ་ལྡན་མགོན་པོ་རྡོ་རྗེ་ཅན། །ཁྲོ་བོ་དེ་བཞིན་གཤེགས་པའི་སྐུ། །དཀྱིལ་འཁོར་དབུས་བཞུགས་དཔའ་བོ་ནི། །ཤིན་ཏུ
277a4 འགྱིང་ཞིང་འབར་བའི་སྐུ། །ལེ་ཚེ་དགུ་པའི་དབུས་སུ་ནི། །སྣ་ཚོགས་པདྨ་ཉི་དབུས་ལ། །དཔའ་བོ་ཆེན་པོ་ཕྱེད་སྐྱིལ་ཚུལ། །ཞལ་གཅིག་པ་ལ་ཕྱག་བཞི་པ། །སྤྱན་གསུམ་བྱི་རུ་ལ་ལྟར་དམར། །སྐུ་མདོག་སྔོན་པོ་འཇིགས་ཆེན་པོ། །ཐོད་པའི་ཕྲེང་བས་རྣམ་པར་བརྒྱན། །ཕྱག་རྒྱ་ལྔ
277a5 ལྡན་གར་གྱིས་རོལ། །དང་པོས་གྲི་གུག་ཐོད་པ་དང་། །གཉིས་པ་རལ་གྲི་ཁ་ཊྭཱ~ཾ་ག། །ཀླུ་བརྒྱད་རྒྱན་གྱི་ཕྲིན་ལས་ཅན། །དེ་ཡི་ཐུགས་ཀར་གནས་པ་ཡི། །ས་བོན་སྤྲོ་དང་བསྡུ་བའི་དངོས། །ོ~ཾ་མ་ཧཱ་ཀཱ་ལ་ཨཱ་ཀཪྵ་ཡ་མ་མ་པྲ་ཤ་མ་ནཱ་ཡ་ཧ་ས་མ་ཡ་སྟྭ~ཾ། ཐམས་ཅད་སྡུད་ཅིང་དབང་བྱེད་པ། །
277a6 སྐད་ཅིག་ཙམ་གྱིས་བསྐྱེད་པར་བྱ། །དེ་ཡི་ཤར་གྱི་ལེ་ཚེ་ལ། །དྲག་པོ་ཤིན་ཏུ་འཇིགས་པ་སྟེ། །ཞལ་གཅིག་ཕྱག་བཞི་སྤྱན་གསུམ་པ། །མཐིང་ནག་རྔམ་པའི་ཚུལ་དུ་གནས། །དེ་ཡི་མདུན་དུ་རྒན་བྱེད་མ། །གཡས་སུ་མི་སྡུག་དྲག་པོ་ཆེ། །གཡོན་དུ་འཇིགས་མ་གནས་པ་དང་། །རྒྱབ
277a7 ཏུ་ཨུ་མ་རྣམ་པར་རོལ། །ནག་པོའི་ལྷོ་ཡི་ཕྱོགས་སུ་ནི། །དྲག་པོ་ཆེན་པོ་དུ་བའི་མདོག་།ཞལ་གཅིག་ཕྱག་བཞི་སྤྱན་གསུམ་པ། །ཐོད་ཕྲེང་གིས་བརྒྱན་གཙིགས་པའི་ཚུལ། །དེ་ཡི་མདུན་དུ་རྣམ་རྒྱལ་མ། །གཡས་སུ་རྣམ་པར་རྒྱལ་བ་མ། །རྒྱབ་ཏུ་མི་སྡུག་མ་གནས་ལ། །གཡོན
iiif viewer powered by OpenSeadragon
