| e-texts navigator |
| Wylie |
276b1 དྲུག་གིས་སྐུ་ལ་སྤྲས། །དྲག་པོའི་ཉམས་དང་ལྡན་པ་སྟེ། །སྐད་ཅིག་ཙམ་གྱིས་བསྐྱེད་པར་བྱ། །དེ་ཡི་ཐུགས་ཀར་ཉི་མ་ལ། །ཡེ་ཤེས་སེམས་དཔའ་གསལ་བར་དམིགས། །ཏིང་འཛིན་སེམས་དཔའ་དང་བཅས་པ། །རྟེན་དང་བརྟེན་པར་བཅས་པ་བསམ། །དེ་ལ་འདི་ཡི་གསང
276b2 སྔགས་བྱུང་། །ོ~ཾ་བཛྲ་མ་ཧཱ་ཀཱ་ལཱ་ཡ་ཧཱུ~ཾ་ཧཱུ~ཾ་ཕཊ། ཇི་སྲིད་སྐྱོ་བར་མ་གྱུར་པ། །གསང་སྔགས་ཕྲེང་བ་བཟླས་པར་བྱ། །དེ་ནས་ཤ་ཆེན་སྤོས་བསྲེག་ཅིང་། །གཞན་ཡང་དུག་དང་ཁྲག་ལ་སོགས། །བདུག་པའི་དུ་བས་མཆོད་པར་བྱ། །མ་ཤ་འབྲས་དང་སོ་བ་དང་། །འབྲུ་ནག་མེ་ཏོག་བྱུག་པ་དང
276b3 སྒྲོན་མ་ལྔ་དང་མི་འཆི་ལྔ། །ཁུ་བ་ཆན་དང་ཆང་ལ་སོགས།། །གཏོར་མ་ནག་པོ་ཆེ་ལ་དབུལ། །མཆོད་དང་བསྟོད་པ་ཚུལ་བཞིན་བྱ། །འདི་ཡི་ཉེ་བར་སྤྱད་པ་ནི། །བསྒྲུབ་བྱའི་ཟག་པའི་རྫས་རྣམས་དང་། །ཚ་བ་གསུམ་ལ་སོགས་པ་ལ། །གང་གི་མིང་དང་བཅས་པའི་གཟུགས། །བྱས
276b4 ཏེ་དུག་གིས་བྱུགས་ནས་ཀྱང་། །ཚེར་མས་བཀང་སྟེ་ཐབ་ཁུང་དུ། །འབྲས་ཕུབ་མེ་ལ་གདུང་ལ་སོགས། །བྱ་བ་སྣ་ཚོགས་ལས་བྱས་ན། །སྐད་ཅིག་གིས་ནི་བརླག་པར་བྱེད། །རྡོ་རྗེ་སློབ་དཔོན་སྨོད་བྱེད་ཅིང་། །སངས་རྒྱས་བསྟན་པ་འཇིག་བྱེད་པ། །དཀོན་མཆོག་གསུམ་ལ་སྡང་བ
276b5 དང་། །སེམས་ཅན་ཀུན་ལ་འཚེ་བ་རྣམས། །འདི་དག་ནག་པོ་ཆེན་པོས་སྒྲོལ། །ཡན་ལག་དག་གི་ཤ་ཆོད་ལ། །མགོན་པོ་ནག་པོའི་ཞལ་དུ་གསོལ། །ཡང་ན་དེ་ཡི་སྤྱི་ནས་ནི། །ཏིལ་ཙམ་དུ་ནི་མཛད་དུ་གསོལ། །ཁྲག་གི་རྒྱུན་ཡང་འཐུང་བར་མཛོད། །དེ་ལྟར་ཕྲིན་ལས་ལས
276b6 བཅོལ་བྱ། །དེ་ནས་སྦྱིན་སྲེག་བརྩམ་པར་བྱ། །ཕུང་ཤུལ་གཡུལ་སྤྲད་ལ་སོགས་པ། །དུར་ཁྲོད་སོལ་བས་བྱུག་བྱས་ཏེ། །གྲུ་གསུམ་རིམ་པ་ཁ་སྒྱེར་ལྡན། །དེ་ཡི་ནང་དུ་དྲག་པོའི་ཤིང་། །ཚེར་མ་ཅན་གྱིས་བརྩིག་པར་བྱ། །མཆོད་དང་བསྲེག་རྫས་གཏོར་མ་དང་། །བསྒྲུབ་བྱའི་ལིངྒ
276b7 ཤ་ཆེན་དང་། །ཡུངས་ཀར་བཅས་པས་ཡོངས་སུ་བསྐོར། །སྔགས་པས་ལྷོར་བལྟས་ཏིང་འཛིན་ཞུགས། །མེ་ལྷ་བསྐྱེད་ཅིང་དགུག་གཞུག་བྱ། །ལིངྒ་ཕུར་བཏབ་གཏུབས་བྱས་ལ། །མེ་སྦར་བསྲེགས་པས་ལྷ་ལ་མཆོད། །གསང་སྔགས་འདོད་ཡོན་སྒྱུར་ལྡན་པ། །བྲག་གཅིག་གིས་ནི
iiif viewer powered by OpenSeadragon
