| e-texts navigator |
| Wylie |
276a1 བསྟིམ་དང་བསྔགས་པར་བྱ། །དེ་ནས་ཐོད་པ་མཚན་ངན་དུ། །ཡུངས་ཀར་ཉུངས་ནག་ལ་སོགས་པའི། །ཐུན་རྫས་རྣམས་ལ་སྔགས་བཟླས་ཤིང་། །དུས་དུས་དག་ཏུ་བརྡེག་པར་བྱ། །སྐབས་སྐབས་དུག་གི་ཆུ་ཡིས་བརྡེག་།གལ་ཏེ་གུ་གུལ་ནག་པོ་དང་། །
276a2 ཤ་ཆེན་དག་གིས་བདུག་པར་བྱ། །ཡང་ན་འབྲས་ཕུབ་མེ་ལ་ནི། །སྤྲ་ཚིལ་མ་ཞུ་ཙམ་དུ་བསྲོ། །དེ་ནས་སྔགས་ཀྱིས་བརྡེག་པར་བྱ། །འདིས་ནི་ཉེ་བར་འགྲུབ་པར་འགྱུར། །དེ་ལྟར་ཆོ་གའི་ཐབས་འདི་ཡིས། །དགྲ་ཡི་ཁང་པར་བྱ་རོག་དག་།མང་པོ་འབའ་ཞིག་སྐད་འདོན་དང་། །ལུས
276a3 ལ་ཚ་བས་ཐེབས་ལ་སོགས། །དུ་མའི་ཆོ་འཕྲུལ་འབྱུང་བར་འགྱུར། །དང་པོར་ནང་རྟགས་གསལ་བར་འཆར། །ཕྱི་རྟགས་རིམ་གྱིས་འབྱུང་བར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དྲག་པོའི་མངོན་སྤྱོད་བསྟན་པའི་ལེའུ་སྟེ་དགུ་པའོ།། །།
276a4 དེ་ནས་གདུག་པ་འདུལ་དོན་དུ། །ནག་པོ་ཆེན་པོ་ཁྲོས་པ་ཡི། །བསྒྲུབ་པའི་རིམ་པ་མཆོག་གྱུར་པ། །གཞན་ཡང་རབ་ཏུ་བཤད་པར་བྱ། །རྗེ་བཙུན་ཧེ་རུ་ཀ་དཔལ་དང་། །ནག་པོ་ཆེན་པོའི་ལྷ་ཚོགས་རྣམས། །ནམ་མཁར་མངོན་པར་བལྟས་ནས་ནི། །བདུན་པོ་ཡོངས་སུ་དག་པར་བྱ། །
276a5 བཟོད་པར་གསོལ་ལ་གཤེགས་སུ་གསོལ། །དེ་རྗེས་སྟོང་བའི་ངང་ལས་ནི། །ཚད་མེད་བཞི་པོ་བསམ་པར་བྱ། །བྱང་ཆུབ་སེམས་ཀྱི་ངང་ལས་ནི། །པདྨ་ཟླ་ཉིར་གནས་པ་ཡི། །ཧཱུ~ཾ་ཡིག་ནག་པོ་བསམ་པར་བྱ། །དེ་ཡི་འོད་ཀྱིས་ཁྱབ་པ་ལས། །བསྡུས་ཤིང་སྐད་ཅིག་ཡོངས་གྱུར
276a6 པ། །དཔལ་ལྡན་ནག་པོ་ཆེན་པོ་ནི། །ཞལ་གཅིག་པ་ལ་སྤྱན་གསུམ་པ། །ཕྱག་གཉིས་སྐུ་མདོག་ཤིན་ཏུ་ནག་།དབུ་སྐྲ་ཁམ་ནག་གྱེན་དུ་བརྫེས། གཡས་པ་གཤིན་རྗེའི་ལྕེ་འདྲ་བའི། །གྲི་གུག་རྣོན་པོ་འཛིན་པར་མཛད། །གཡོན་པ་ཐོད་པ་ཁྲག་བཀང་བསྣམས། །ཐོད་པས
276a7 སྐྲ་མཚམས་བཅིངས་པ་དང་། །ཡན་ལག་ཐུང་ཞིང་རགས་པའི་གཟུགས། །མཆེ་གཙིགས་འཇིགས་སུ་རུང་བ་སྟེ། །ལྟོས་འགྲོ་བརྒྱད་དང་རིན་ཆེན་བརྒྱད། །རྒྱུ་མའི་ག་ཤ་སྟག་ལྤགས་ཅན། །མི་མགོ་རློན་པའི་ཕྲེང་བ་འཕྱང་། །ཞལ་ནས་ཁྲག་འཛག་གད་རྒྱངས་ཅན། །ཕྱག་རྒྱ
iiif viewer powered by OpenSeadragon
