| e-texts navigator |
| Wylie |
275b1 སོགས། །བྱ་རོག་ཁྭ་ཏ་ལ་སོགས་པས། །ཡོངས་སུ་བསྐོར་ཅིང་ཕྲིན་ལས་བྱེད། །དེ་ནས་རང་དང་མགོན་པོ་དང་། །ལྷ་མོ་བཞི་ལ་སོགས་པ་ཡི། །ས་བོན་ལས་ནི་འོད་ཟེར་ཡང་། །ལྕགས་ཀྱུ་ལྟ་བུ་དཔག་མེད་པས། །བསྒྲུབ་བྱ་དེ་དག་མ་ལུས་པ། །སྙིང་གི་སྲོག་རྩ་ནས་དྲངས
275b2 ཏེ། །རང་དབང་མེད་པར་རླུང་གིས་བཏེག་།མྱུར་དུ་འོངས་པ་མདོག་ཉམས་པ། །རིད་ཅིང་སྐྲ་འཛིངས་ཤིན་ཏུ་འདར། །ཡེད་ཡེད་སྡང་ཞིང་སྐྲག་པ་དེ། །ཞགས་པས་བཅིངས་དང་བསྡམས་པ་དང་། །དྲིལ་བུ་ལ་སོགས་སྒྲ་ཡིས་ནི། །ཤིན་ཏུ་དབང་པོ་མྱོས་གྱུར་ཏེ། །དེ་ཡི་རྣམ
275b3 པར་ཤེས་པ་ནི། །མིང་དང་བཅས་པའི་གཟུགས་ལ་བསྟིམ། །དེ་ཡི་དུས་སུ་གསང་སྔགས་ནི། །ཕྲིན་ལས་སྔགས་མཐའ་རུ་ནི། །ཱ་ཀརྵ་ཡ་ཛཿཞེས་བརྗོད། །མགོན་པོ་ནག་པོ་ཡབ་ཡུམ་གྱི། །ལྟེ་བར་གྲུ་གསུམ་ལྕགས་ཁང་ནི། །བཙོན་དོང་མུན་ཁང་གནས་པ་བསམ། །
275b4 དེ་ལས་ཐར་དུས་མེད་པར་བྱ། །དེ་ནས་དོང་དེ་རོ་གཡམ་ལ། །རྡོ་རྗེ་རྒྱ་གྲམ་བྲིས་པས་མནན། །མཐའ་མར་ལས་སྦྱོར་དུས་སུ་ཡང་། །བསྒྲུབ་བྱའི་ཐེམ་པའམ་ལམ་དག་ཏུ། །མནན་པ་བྱས་ལ་ཕྲིན་ལས་བཅོལ། །གལ་ཏེ་དེ་ཉིད་སྦྱིན་སྲེག་གིས། །ལས་སྦྱོར་བསྒྲུབ་བྱའི་ཆུ་རྗེས་སོགས། །
275b5 དྲི་མ་གོས་དང་སྐྲ་སོགས་དང་། །ཚ་བ་གསུམ་དང་དུག་སྣ་དང་། །ཁྲག་དང་སྐྱེ་ཚེ་ཤང་ཚེ་དང་། །ད་དྷུ་ར་དང་དེ་ལ་སོགས། །ས་སྣ་གཞན་དང་སྦྱར་བར་བྱ། །བོང་བུའི་ཆུ་དང་བསྲེས་ནས་ནི། །འཇིམ་པ་བྱས་ལ་གཡོག་པར་བྱ། །དུག་ཆུ་རོ་སོལ་དག་གིས་ནི། །དེ་ལ་བྱུག་ཅིང
275b6 གནས་ལྔ་རུ། །སེང་ལྡེང་ལྕགས་ཕུར་བཏབ་ལ་གཞག་།དེ་ཡི་ལུས་པོ་ཐམས་ཅད་ལ། །སྤྲ་ཚིལ་གྱིས་ནི་བྱུག་པར་བྱ། །དེ་ལ་དྲག་པོའི་ཤིང་གི་ནི། །ཚེར་མ་སྣ་ཚོགས་བཙུགས་ལ་གཞག། །གྲུ་གསུམ་ཨ་ཡི་ནང་དུ་ནི། །དེ་གཟུགས་ཕྱི་གན་དག་ཏུ་གཞག་།ཁ་ནང་དུར་ཁྲོད
275b7 ཐལ་བས་བརྫང་། །དེ་ནས་དོང་ཁ་བཅད་ལ་གཞག་།དེ་ལ་ཐུན་བཞིར་བྱ་བའམ། །དུས་དྲུག་དག་ཏུ་བྱ་བ་ནི། །རྣལ་འབྱོར་པ་ཡིས་ལྷོར་བལྟས་ལ། །ཉིན་ཕྱེད་མཚན་ཕྱེད་དུས་སུ་བྱ། །ཡང་ན་དུས་བཞིར་ལས་ལ་སྦྱར། །ཕྱོགས་ཀྱི་ཌཱ་ཀི་བཞི་ཡིས་ནི། །དགུག་གཞུག
iiif viewer powered by OpenSeadragon
