| e-texts navigator |
| Wylie |
274a1 བ་ཙ་པ་ཙ། སརྦྦ་དུཥྚཱ~ཾ། དི་ན་མེ་ཀེ་ན་མཱར་ཡ་ཧཱུ~ཾ་ཧཱུ~ཾ་ཕཊ་སྭཱ་ཧཱ། ཨོ~ཾ་མ་ཧཱ་ཀཱ་ལི་ནི་ཀྲོ་དྷ་ས་ཀི་ལ་རཀྵི་ཎཱི་ཙཎྜ་ཨཀྵི་ཎཱི་ཙ་ཎྜ་ཀྵཱི་ཡེ་ཧཱུ~ཾ་ཕཊ། ཨོ~ཾ་ཧྲཱིཿཧཱུ~ཾ་ཀཱ་ལི་མ་ཧཱ་ཀཱ་ལི་རཀྟ་མཱ~ཾ་སེ་ན། བྷཀྵ་ཎི་ཨ་མུ་ཀ་སྱ། སརྦྦ་ལཾ་སྟོཾ་པྟ་ཡ་ཧཱུ~ཾ་ཕཊ། ཨོ~ཾ་ཨཱཿམ~ཾ་ཧྲ~ཾ་ར~ཾ་ཧཱུ~ཾ་ཕཊ་སྭཱ་ཧཱ། ཨོ~ཾ་ཀ་རཱ་ལི་མ~ཾ་ཧཱུ~ཾ་ཕཊ། ཨོ~ཾ
274a2 ཀང་ཀཱ་ལ~ཾ་ཧྲཱིཿཧཱུ~ཾ་ཕཊ། ཨོཾ་ཀཱ་ལ་ར་ཏྲི་ར~ཾ་ཧཱུ~ཾ་ཕཊ། དེ་ལས་དངོས་དང་ཉམས་སུ་ཡང་། །ནག་པོ་ཆེན་པོའི་ཞལ་སྟོན་དང་། །ཐ་མ་རྨི་ལམ་ལུང་སྟོན་པ། །མི་ནག་བོང་ཐུང་གསུས་འཕྱང་དང་། །བྱ་ནག་ཁྭ་ཏ་ལ་སོགས་འོང་། །དེ་ཡང་རབ་འབྲིང་ཐ་མ་ཡི། །བྱེ་བྲག་རྟགས་སུ་འཆར
274a3 བར་འགྱུར། །གྲངས་ནི་བདུན་འབུམ་དག་དང་ནི། །མངོན་སུམ་གསལ་བའི་ངེས་པ་འཆར། །ཁྲི་ཕྲག་བདུན་དང་ཁྲི་ཕྲག་དགུ། །སྟོང་ཕྲག་བདུན་གྱིས་ཉེ་བར་འགྱུར། །ཐབས་དང་ཤེས་རབ་བཅས་པ་ཡི། །སྔགས་ཀྱི་སྟོང་ཕྲག་བཅུ་དག་ནི། །དུས་ནི་ཟླ་དྲུག་ཞག་བདུན་བར། །རྣལ
274a4 འབྱོར་སྨྲ་བ་བཅད་དེ་བཟླས། །མི་ཚིག་བར་མ་ཆོད་པ་ཡི། །གསང་སྔགས་ཕྲིན་ལས་ངེས་པར་འགྲུབ། །ཐུན་མཚམས་མཆོད་དང་གཏོར་མ་དང་། །བསྟོད་དང་བཅོལ་བསྐུལ་ལས་ལ་འབད། །རང་ཉིད་ཧེ་རུ་ཀར་གསལ་བ། །རི་རབ་སྟེང་དུ་ཡུམ་བཅས་བསམ། །དེ་མདུན་ནག
274a5 པོ་ཆེན་པོ་ཉིད། །གསལ་བ་བསྐྱེད་ཚུལ་དབྱེ་བ་ཡིས། །རྒྱན་དང་ཆ་ལུགས་རྫོགས་པ་ནི། །མངོན་སུམ་ལྟ་བུར་བལྟ་བར་བྱ། །བདག་དང་མདུན་གྱི་མགོན་པོ་ཡི། །ཐུགས་ཀའི་ས་བོན་རང་སྔགས་ལས། །དེ་ལྟར་སྤྲོ་བསྡུས་ཏིང་འཛིན་བསམ། །དེ་ལྟར་དུས་དང་གཞན་དུ་ཡང་། །
274a6 རྟེན་བཅས་དཀྱིལ་འཁོར་བཞེངས་པ་དང་། །རྟེན་བཙུགས་བརྟན་བྱེད་དེ་ཉིད་བསྙེན། །དེ་ནས་རྟེན་བཅས་ཙམ་གྱིས་ནི། །ངེས་པར་དེ་ཡི་མདུན་སོང་བ། །མཆོད་དང་གཏོར་མ་བཤམ་པར་བྱ། །ཤ་ཆེན་བསྲེག་སྤོས་ཕུལ་ནས་ནི། །དམིགས་པ་གཏོད་པར་བྱེད་པ་དང་། །གང
274a7 ལ་བྱ་བའི་བསྒྲུབ་བྱ་དེ། །དམིགས་པས་བཀུག་ཅིང་བསྟབ་པ་དང་། །གཏོར་མར་དབུལ་ཞིང་བཀའ་བསྒོ་བྱ། །ལྷ་དང་བྲལ་ཞིང་ཉེས་པ་བསྒོ། །དེ་ནས་མ་ཉེས་ཉེས་པ་བསྒྲག་།དཔང་བཙུགས་ལས་ལ་བཅོལ་བསྐུལ་བྱ། །དེ་ཡིས་ངེས་པར་འགྲུབ་པར་འགྱུར། །དེ་ལས་ཁྱད་པར
iiif viewer powered by OpenSeadragon
