| e-texts navigator |
| Wylie |
269b1 ནག་པོ་ཆེན་པོ་བསམ་པར་བྱ། །ཞལ་གཅིག་ཕྱག་བཞི་འཇིགས་པའི་གཟུགས། །དཔའ་བོ་ཆེན་པོ་རོལ་པས་བཞུགས། །ཡབ་ཡུམ་གཉིས་སུ་མེད་པར་བསམ། །དེ་ལྟར་ཡབ་ཡུམ་རྫོགས་བསྐྱེད་ནས། །མཁའ་གསང་བྱིན་གྱིས་བརླབ་བྱ་སྟེ། །སྔགས་བརྗོད་པས་ནི་དགྱེས་པ་བསྐྱེད། །
269b2 དེ་ལས་དཀྱིལ་འཁོར་ལྷ་ཚོགས་རྣམས། །ཡབ་ཡུམ་སྙོམས་པར་ཞུགས་པ་ལས། །ཡུམ་གྱི་མཁའ་དབྱིངས་བདེ་ཆེན་དུ། །སོ་སོར་ཆོ་གས་བསྐྱེད་བྱས་ལ། །ཕྱི་རོལ་དུ་ནི་རིམ་གྱིས་འབྱུང་། །དང་པོར་གཙོ་བོའི་རྒྱན་དང་བཅས། །རྫོགས་པར་ཕྱུང་སྟེ་དྷཱུ་ཏཱི་ནས། །གྱེན་དུ་ཐུགས
269b3 ཀའི་པདྨ་ལས། །འཐོན་ཏེ་འགྲོ་བའི་དོན་བྱས་ལ། །སླར་འདུས་རང་ལ་ཐིམ་གྱུར་པ། །དཔལ་ལྡན་སྙིང་རྗེའི་སྟོབས་སུ་གནས། །དེ་ལས་རིམ་པ་ཇི་བཞིན་དུ། །ཕྱུང་ནས་སོ་སོའི་གདན་ལ་བཞུགས། །གཙོ་བོའི་ཕྱོགས་བཞིར་མཁའ་འགྲོ་བཞི། །ཞལ་གཅིག་ཕྱག་ནི་བཞི་པ་སྟེ། །
269b4 གར་སྟབས་ལྡན་པའི་ལྷ་མོ་ནི། །གཡས་བརྐྱང་བ་ནི་རྣམ་པར་འགྱིང་། །དཔའ་མོ་བདེ་བའི་སྐུར་བསྐྱེད་པའོ། །མཚམས་བཞིར་ཐོད་པ་བདུད་རྩིས་བཀང་། །སྣ་ཚོགས་པད་འདབ་ལ་གནས་པ། །ཉི་མ་ལ་གནས་མགོན་པོ་ནི། །ཤར་དུ་སྐུ་ཡི་མགོན་པོ་དང་། །ལྷོ་རུ་ཡོན་ཏན
269b5 མགོན་པོ་དང་། །ནུབ་ཏུ་གསུང་གི་མགོན་པོ་དང་། །བྱང་དུ་ལས་ཀྱི་མགོན་པོ་སྟེ། །ཐམས་ཅད་ཞལ་གཅིག་ཕྱག་གཉིས་པ། །གྲི་གུག་ཐོད་པ་བསྣམས་པའོ། །སོ་སོའི་གཡོན་དུ་ཡུམ་རེ་རེ། །གཏུམ་མོ་དང་ནི་དྲག་མོ་དང་། །ཟློག་བྱེད་མ་དང་དཔའ་མོ་སྟེ། །ཞལ་གཅིག་ཕྱག
269b6 གཉིས་རྒྱན་དང་བཅས། །དེ་ཡི་ཕྱི་ཡི་གྲུ་ཆད་ལ། །བདེ་འཛིན་པ་དང་ཁ་ཊྭཱ~ཾ་ག་།གཎྜཱི་འཛིན་དང་རྒྱལ་མཚན་འཛིན། །སོ་སོའི་ཡུམ་དང་བཅས་པ་སྟེ། །ཞལ་གཅིག་ཕྱག་གཉིས་འབར་བའོ། །དེ་ཡི་ཕྱི་རོལ་སྒོ་དང་གྲཝར། །ལྷ་མོ་བརྒྱད་པོ་གར་གྱིས་རོལ། །ཐམས་ཅད་ཞལ་གཅིག
269b7 ཕྱག་གཉིས་པ། །གར་སྟབས་ལྡན་པས་བཞུགས་པའོ། །དཀྱིལ་འཁོར་ལྷ་རྣམས་རྫོགས་པ་དང་། །དེ་ནས་གཙོ་བོ་ཡབ་ཡུམ་དག་།སྙོམས་པར་ཞུགས་པས་འོད་དུ་ཞུ། །དེ་ནས་ལྷ་མོ་བཞི་ཡིས་ནི། །རྡོ་རྗེ་ཚད་མེད་དབྱངས་ཀྱིས་བསྐུལ། །ེ་པ~ཾ་སི་ཏ་ཨུ་ཌ་ན་ནཱི་བཱ། ཛ་ཏིདྷ་མདྷ
iiif viewer powered by OpenSeadragon
