| e-texts navigator |
| Wylie |
268b1 ཡི་སྒྲུབ་རིམ་བཤད་པར་བྱ། །གསང་བའི་སྒྲུབ་པའི་ཐབས་མཆོག་སྟེ། །སྐལ་བ་ཅན་ལ་སྦྱིན་པར་བྱ། །གང་དུ་སྒྲུབ་པའི་ས་ཕྱོགས་སུ། །མི་མཐུན་གཡེང་བ་སྤང་བྱས་ནས། །དེ་ནས་ནག་པོ་བསྒྲུབ་པར་བྱ། །འགྲོ་བ་ཀུན་ལ་རབ་བལྟས་ནས། །ཚད་མེད་བྱང་ཆུབ་སེམས་ཀྱི་བློས། །
268b2 སྙིང་རྗེ་ཆེན་པོ་བསྐྱེད་བྱས་ནས། །བདེ་བའི་སྟན་ལ་འདུག་ནས་ནི། །ལྷོར་བལྟས་སྐྲ་གྲོལ་གཅེར་བུ་ཡིས། །དང་པོར་སྐད་ཅིག་ཙམ་གྱིས་ནི། །རང་ལྷར་བསྐྱེད་པའི་སྙིང་ག་རུ། ། ལས་ཟླ་བའི་དཀྱིལ་འཁོར་ཡང་། །བསིལ་ཞིང་འོད་དང་བཅས་པ་བསམ། །དེའི་སྟེང་ར~ཾ་ལས་ཉི
268b3 དཀྱིལ་འཁོར། །རྟ་བདུན་འོད་ཟེར་ཚ་བ་དང་། །མེ་ཡི་རང་བཞིན་འཕྲོ་བ་བསམ། །དེ་དབུས་ཡི་གེ་ཧཱུ~ཾ་ནག་པོ། །ཡེ་ཤེས་ལྔ་ཡི་རང་བཞིན་ཅན། །དེ་ཡི་འོད་ཀྱིས་སྣང་བ་ལས། །དཔག་མེད་ཁ་དོག་བཞི་བཅས་བསམ། །རང་བཞིན་གནས་སུ་འཕྲོས་པ་ལས། །བླ་མ་དང་ནི
268b4 ལྷག་པའི་ལྷ། །དཀྱིལ་འཁོར་འཁོར་ལོ་བཅས་པ་དང་། །ནག་པོ་ཆེན་པོ་འཁོར་དང་བཅས། །མདུན་གྱི་ནམ་མཁར་བཞུགས་པ་ལ། །སྐྱབས་སུ་འགྲོ་དང་མཆོད་པ་དབུལ། །སྡིག་པ་བཤགས་པ་ལ་སོགས་བྱ། །བཟོད་པར་གསོལ་ནས་གཤེགས་སུ་གསོལ། །དེ་རྗེས་དངོས་པོ
268b5 ཐམས་ཅད་ཀུན། །མ་ལུས་སྟོང་པ་ཉིད་གཞུག་ཅིང་། །ོ~ཾ་སྭ་བྷཱ་བ་ཤུདྡྷཱཿསརྦ་དྷརྨྨཱཿསྭ་བྷཱ་བ་ཤུདྡྷོུ྅ཧ~ཾ། ཨོ~ཾ་བཛྲ་ཤུདྡྷཱཿསརྦ་དྷརྨྨཱཿབཛྲ་ཤུདྡྷོུ྅ཧ~ཾ། ཨོ~ཾ་ཡོ་ག་ཤུདྡྷཱཿ་སརྦ་དྷརྨྨཱུ྅ཡོ་ག་ཤུདྡྷོུ྅ཧ~ཾ། ཞེས་བརྗོད་པར་བྱའོ། །ཕྱི་དང་ནང་གི་དངོས་པོ་ཀུན། །གདོད་ནས་དག་པའི་ངང་དུ་བསམ
268b6 ། །དེ་ཉིད་ཧཱུ~ཾ་དང་བཅས་པ་ཡང་། །ནཱ་ད་ཙམ་དུ་གནས་པ་ལས། །ནམ་མཁའ་ལྟ་བུའི་ངང་ལས་ནི། །ཚངས་པའི་གནས་བཞི་ཁྱབ་པར་བྱ། །དེ་ལས་ས་བོན་འདི་དག་ནི། །འཆད་བཞིན་པ་ལས་རིམ་པས་བསམ། །ཡ~ཾ་ལས་རླུང་གི་དཀྱིལ་འཁོར་དང་། །ར~ཾ་ལས་མེ་ཡི
268b7 དཀྱིལ་འཁོར་དང་། ཁ~ཾ་དཀར་ཆུ་ཡི་དཀྱིལ་འཁོར་ཏེ། །ལ~ཾ་ལས་གསེར་གྱིས་གཞི་ཉིད། །དེ་སྟེང་བྲུ~ཾ་ལས་རི་རབ་འབྱུང་། །དེ་དག་ཕྱི་ནང་ངོ་བོ་ཉིད། །དེ་དག་སྟེང་གི་ཆ་ལ་ཡང་། །དབུས་སུ་པ~ཾ་ལས་པདྨ་ནི། །སྣ་ཚོགས་པདྨ་རྒྱ་ཆེ་བ། །ལྟེ་བ་གེ་སར་བཅས་དབུས་སུ། །ཧ
iiif viewer powered by OpenSeadragon
