| e-texts navigator |
| Wylie |
268a1 ཏུ་ཤིས། །ཤ་ཆེན་གྱིས་ནི་བརྒྱན་པ་ཡི། །ཚོགས་རྫས་པཱུ་ཛ་གུས་པས་དབུལ། །ཕྱི་ནང་གསང་བ་ཁྱད་པར་ལས། །བསྟན་པའི་ཚུལ་གྱིས་ཕྲིན་ལས་ལས། །བྱེ་བྲག་རྒྱུན་དང་གནས་སྐབས་པ། །གྲུབ་དང་སྒྲུབ་པས་མངོན་དུ་འགྱུར། །དུས་རྣམས་ཀུན་ཏུ་ཞེ་སྡང
268a2 གིས། །རྣམ་པ་ཀུན་ཏུ་གཞོམ་མི་བྱ། །ཡུལ་མིན་པ་ལ་གསད་བྱ་ན། །རྣལ་འབྱོར་དམ་ཚིག་ལས་ཉམས་ཕྱིར། །གྲུབ་པ་ནམ་ཡང་ཡོད་མི་སྲིད། །ཁྱད་པར་ཡེ་ཤེས་བླ་མེད་པ། །དམ་ཚིག་མགོན་པོ་སྒྲུབ་པ་ཡི། །དམ་ཚིག་འདི་ནི་རྨད་པོ་ཆེ། །བདེ་བར་གཤེགས་པའི་ལམ་སྦྱོར་མཛད། །
268a3 བྱང་ཆུབ་སེམས་ཀྱི་ཟླ་བ་འདི། །ཡར་ངོ་མར་ངོ་རབ་ཏུ་གནས། །ཡར་ངོ་ཡིས་ནི་སྐྱེད་བྱེད་ལ། །མར་ངོ་ལ་ནི་འགྲིབ་པར་བྱེད། །ཡར་ངོ་ཡི་ནི་ལྔ་ལ། །བྱང་ཆུབ་སེམས་ཀྱི་མཁའ་འགྲོ་ཡང་། །བདེ་བ་ཆེན་པོར་འདུ་བར་མཛད། །འདི་ནི་ངེས་པའི་དོན་དུ་གསུངས། །དཀྱིལ་འཁོར་ལྷ
268a4 ཉིད་ལུས་ཉིད་ཡིན། །གཞན་དུ་ལྷ་དང་དཀྱིལ་འཁོར་ནི། །བཙལ་ཡང་རྙེད་པར་མི་འགྱུར་ཞེས། །འདྲེན་པ་དཔའ་བོས་རྟག་ཏུ་གསུངས། །སྐུ་གསུང་ཐུགས་ཀྱི་གསང་བ་ལ། །དྲག་པོ་ཀུན་གྱི་སྲོག་གྱུར་པ། །ཡོན་ཏན་ཕྲིན་ལས་དབང་ཕྱུག་གི། །ཕྱི་ནང་གསང་བའི་བདག་པོ་ཡིན། །
268a5 སྟོན་པ་གནས་པའི་རང་བཞིན་ལས། །འཁོར་ལོ་དགུག་བྱ་གཉིས་མེད་བསྟིམ། །དངས་སྙིགས་ལས་ནི་རྒྱུ་འབྲས་དང་། །གནས་པ་ཁྱད་པར་རྟེན་འབྲེལ་ཏེ། །འཁྲུལ་དང་འཁྲུལ་པ་མ་ཡིན་པ། །ཁམས་གསུམ་ཀུན་ལ་དབང་བྱེད་པས། །འཇིག་རྟེན་ལས་དང་ཡེ་ཤེས་ཀྱི། །མགོན་པོའི
268a6 ཁྱད་པར་མངོན་དུ་འབྱུང་། །གདགས་པ་ཐ་སྙད་ཁྱབ་པ་པོ། །ཐུན་མོང་བར་ནི་བསྟན་པ་ཡིན། །འདི་དག་ལས་དང་སྐྱེ་བོ་ལས། །སྒྲིབ་པ་ཐུན་མོང་ལྷ་ཡི་ཆ། །དངོས་དང་བརྒྱུད་པས་ལུང་བསྟན་པ། །སྲོག་དང་སྲོག་མ་ཡིན་པ་སྟེ། །རྒྱུ་དང་རྐྱེན་དང་བསྐུལ་བ་ཡིས། །གསང་སྔགས
268a7 བཟླས་པ་མངོན་པར་ཕྱེ། །འདི་ནི་མངོན་དུ་འབྱུང་བའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་མངོན་པར་འབྱུང་བའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་བྱ་བ། །ཧེ་རུ་ཀ་དཔལ་མགོན་ཉིད་ཀྱི། །གསང་བའི་སྤྲུལ་པ་ནག་པོ་ཆེ། །འདི
iiif viewer powered by OpenSeadragon
