| e-texts navigator |
| Wylie |
267b1 ཉམས། །གདུག་པ་ཚར་གཅོད་སྙིང་རྗེས་ཁྲོས། །ངོ་མཚར་ཉོན་མོངས་འཇོམས་མཛད་ཅིང་། །ཁྲོ་ཆགས་མི་གཡོ་ཞི་བའི་ཐུགས། །གཡས་ཀྱི་དང་པོས་གྲི་གུག་བསྣམས། །གཡོན་གྱི་དང་པོས་ཐོད་ཁྲག་འཛིན། །གཡས་ཀྱི་གཉིས་པས་རལ་གྲི་འདེབས། །གཡོན་པས་ཁ་ཊྭཱ~ཾ་འཛིན་པར
267b2 མཛད། །གསུང་གིས་ཧ་ཧ་ཞེས་སྒྲོགས་པ། །ལོག་པར་ལྟ་བ་འཇོམས་པར་མཛད། །སྟག་གི་པགས་པའི་ཤམ་ཐབས་ཅན། །སྣ་ཚོགས་ཆུ་སྐྱེས་ཉི་མར་བཅས། །རང་བྱུང་རོལ་པའི་སྟབས་ཀྱིས་གནས། །དེ་ཡི་མདུན་དུ་གཏུམ་པ་མོ། །ལྷ་མོ་ཞལ་གཅིག་ཕྱག་གཉིས་མ། །མུན
267b3 པའི་མདོག་ཅན་ཞལ་གཅིག་མ། །ཕྱག་གཉིས་སྤྱན་གསུམ་ཁྲོ་ཚུལ་ཅན། །གྲི་གུག་ཐོད་པ་བསྣམས་པར་མཛད། །ཡབ་ལ་ཕྱག་རྒྱ་དྲུག་གིས་བརྒྱན། །ཡུམ་ལ་ལྔ་ཡིས་རྒྱས་བཏབ་གནས། །སྐུ་དང་གཉིས་མེད་འཁྲིལ་བར་བཞུགས། །མེ་འོད་ཕྲེང་བས་ཡོངས་སུ་བསྐོར། །ཡེ་ཤེས
267b4 རྒྱ་མཚོའི་འཁོར་སྲུངས་མ། །ཤར་ཕྱོགས་མཁའ་འགྲོ་འཕྲོག་མ་དང་། །ལྷོ་ཕྱོགས་གླང་སྣ་མ་ཞེས་བྱ། །ནུབ་ཀྱི་སྲིན་མོ་རལ་པ་ཅན། །བྱང་དུས་ཡི་གཙུག་ཡིན་ནོ། །གང་དུ་རྒྱ་མཚོ་ཆུ་ངོགས་དང་། །ནག་པོའི་ཆུ་དང་འདྲ་བའི་སྐུ། །མ་རུངས་འཇོམས་བྱེད་ནག་པོ་ཆེ། །འབད་པས་སྙིང་རྗེ
267b5 བསྐྱེད་པ་ཉིད། །གསད་པར་བྱ་བ་བརྗོད་པ་ཉིད། །སྙིང་རྗེ་མེད་ན་མི་འགྲུབ་པས། །དེ་ཕྱིར་སྙིང་རྗེ་བསྐྱེད་པར་བྱ། །མཚམས་མེད་ལྔ་ནི་བྱེད་པ་དང་། །སངས་རྒྱས་བསྟན་པ་འཁྲུག་བྱེད་པ། །ཞེ་སྡང་རིགས་ཀྱི་ཏིང་འཛིན་གྱིས། །རེ་ཞིག་ཙམ་དུ་གསད་པར་བྱ། །གཟས་པའི་ཤལ་རྟག་ཏུ
267b6 རོལ། །ཀུན་ཏུ་གཏུམ་པའི་ཤུགས་འཆང་བ། །ཡུལ་དང་ཡུལ་དུ་རོལ་བྱེད་པས། །ཤིང་རྣམས་ལ་ནི་གནས་ནས་ཀྱང་། །དཀྱིལ་འཁོར་ཞིང་རྣམས་སྐྱོང་བར་བྱེད། །དུར་ཁྲོད་གནས་ཀྱིས་ཡོངས་སུ་བསྐོར། །མ་མོའི་གནས་སོགས་ཁྱབ་པར་བྱེད། །ཀླུ་ཡིས་མཆོད་པའི་ཞིང་སྐྱོང་བ། །
267b7 མེ་ཡི་ཕྱེ་མས་ཡོངས་སུ་བསྐོར། །སྒོ་དང་མིག་གིས་ཁྱད་པར་འགྱུར། །གཙོ་བོའི་སྔགས་ཀྱིས་ལུས་ཅན་ཏེ། །སྒྲུབ་པ་པོ་ཡི་ལུས་ལ་གནས། །དེ་དག་རིམ་པར་དུས་བསྟན་པ། །དམ་ཚིག་ལྡན་པའི་སྔགས་པ་ཡིས། །སྒྲུབ་པའི་རྫས་རྣམས་ཁྱད་པར་ལས། །འབྲུ་ནག་གཏོར་མ་རབ
iiif viewer powered by OpenSeadragon
