| e-texts navigator |
| Wylie |
267a1 རྟེན་ཚུལ་ཁྱད་པར་ཤེས་པར་བྱ། །སྟོབས་ནི་ཆོས་རྣམས་ཐམས་ཅད་ལ། །སྒྱུ་མ་ལྟ་བུར་ཤེས་པ་དང་། །ཡང་དག་བདེན་པའི་སྟོབས་ཀྱིས་ནི། །རང་བཞིན་མེད་པར་རྟོགས་པས་འབྱུང་། །འཇུག་པ་ཐུན་མོང་མ་ཡིན་པ། །བྱམས་པ་སྙིང་རྗེ་བྱང་ཆུབ་སེམས། །ཚད་མེད་བཞི
267a2 དང་ལྡན་པ་ཡིས། །འགྲོ་བའི་དོན་ལ་སེམས་པ་པོ། །མངོན་དུ་བྱེད་པ་ཉེར་སྒྲུབ་སྟེ། །དུས་དང་གྲངས་དང་མཚན་མ་སྟེ། །དང་པོ་བར་དང་ཐ་མར་ཡང་། །གཙོ་བོ་དང་ནི་འཁོར་རྣམས་ཀྱི། །གང་གྲུབ་རབ་འབྲིང་ཐ་མ་རུ། །རྟགས་ཀྱི་དབྱེ་བ་བསྟན་པ་ཡིན། །རྒྱུ་ནི་ཐོགས་པ་མེད་པ་ཡི། །རྟེན
267a3 ཅིང་འབྲེལ་བར་འབྱུང་བ་སྟེ། །མངོན་སུམ་དུ་ནི་འབྱུང་བ་ལ། །གང་གིས་དགག་པར་མི་ནུས་པ། །དེ་ལས་འབྲས་བུ་ཕུན་སུམ་ཚོགས། །སྙིང་པོ་སྨིན་པ་བཞིན་དུ་འབྱུང་། །གང་དུ་ཐོགས་མེད་རྡོ་རྗེ་ཡི། །སྙིང་པོ་ཟད་པ་མེད་པའི་དོན། །ཡང་དག་ཡེ་ཤེས་སྣང་བ་པོ། །བླ་མའི་དྲིན་ལས་ཐོབ
267a4 པར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བའི་རིམ་པ་བསྟན་པའི་ལེའུ་སྟེ་གསུམ་པའོ།། །།དེ་ནས་དབང་ལྡན་བདུད་འཇོམས་པའི། །སྒྲུབ་པ་ཡང་དག་རབ་ཏུ་བཤད། །གསང་བའི་མགོན་པོ་ཆེན་པོ་ཡི། །སྦས་པའི་ཡུམ་དང་བཅས་པ་ཡི། །
267a5 གསང་བ་མཁའ་འགྲོ་མ་བཞི་དང་། །ལྷན་ཅིག་ཏུ་ནི་དགྱེས་པར་རོལ། །ཞལ་གཅིག་པ་ལ་ཕྱག་བཞི་བ། །གདུལ་དཀའ་འདུལ་བའི་དཔའ་བོ་ནི། །ཞལ་གཅིག་པ་ལ་སྤྱན་གསུམ་པ། །མི་ཐུང་ཁྲོས་པ་ཨུཏྤལ་མདོག་།མགོ་སྐྱེས་གྱེན་འགྲེང་རྔམ་པའི་སྐུ། །རོ་ཡི་གདན་ལ་བཞུགས
267a6 མཛད་ཅིང་། །ཀླུ་བརྒྱད་རྒྱན་གྱིས་བརྒྱན་པ་པོ། །ཁྲོས་པས་ཆར་སྤྲིན་ནག་པོ་ལྟར། །མེ་སྟག་ཕུང་པོ་ལྟ་བུ་ཡི། །སྤྱན་གསུམ་དྲག་པོའི་ལྟ་བས་གཟིགས། །གླང་པོའི་ཚུལ་ཅན་སྟོབས་ལྡན་པ། །རྒྱུ་མའི་དོ་ཤལ་དབྱངས་པ་ཡི། །མི་མགོ་རློན་པའི་ཕྲེང་བས་བཀླུབས། །ཤིན་ཏུ་མི་སྲུན་སྒེག
267a7 པའི་སྐུ། །བདུད་འདུལ་ཆེན་པོ་ལྷ་ཡི་ལྷ། །ཉམས་ལྡན་གཟི་བརྗིད་ཕུན་སུམ་ཚོགས། །མ་རིག་མུན་སེལ་སྒེག་པའི་ཉམས། །རྨད་བྱུང་ཆོས་སྒྲོགས་བཞད་པར་སྟོན། །བརྟུལ་ཞུགས་སྤྱོད་པ་དཔའ་བོ་སྟེ། །གདུག་པ་འདུལ་མཛད་འཇིགས་པར་སྟོན། །ལོག་ལྟ་སྤོང་བྱེད་གཙིགས་པའི
iiif viewer powered by OpenSeadragon
