| e-texts navigator |
| Wylie |
263a1 ཀྱི་མཁའ་འགྲོ་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །གཅེར་བུ་ཐལ་བའི་མདོག་ཅན་ཏེ། །ཉི་ཤུ་རྩ་བཞིའི་ཡུལ་རྣམས་འགྲིམ། །ལྔ་པ་དང་ནི་དྲུག་པའོ། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་སྔགས་ནི་གང་། གཏོར་མ་ནི་གང་ལགས། བཅོམ་ལྡན་འདས
263a2 ཀྱིས་བཀའ་སྩལ་པ། ཨོ~ཾ་ཛྭ་ལ་མུ་ཁི་ཌཱ་ཀི་ནཱི་ཀ~ཾ་ཀ་ནི་ཧཱུ~ཾ་ཕཊ། ཨོ~ཾ་པ་རི་ནཱ་ཡ་ནི་ཌཱ་ཀི་ནཱི་ཧཱུ~ཾ་ཕཊ། ཨོ~ཾ་མ་ཌི་ར་ཌཱ་ཀི་ནཱི་ཧཱུ~ཾ་ཕཊ། ཨོ~ཾ་པ་ར་མུ་ཁི་ཌཱ་ཀི་ནཱི་ཧཱུ~ཾ་ཕཊ། ཨོ~ཾ་ཨུ་ལུ་ཀ་ཏི་ཌཱ་ཀི་ནཱི་ཧཱུ~ཾ་ཕཊ། ཨོ~ཾ་ཨ་ར་ཎ་མ་ཎི་ཌཱ་ཀི་ནཱི་ཧཱུ~ཾ་ཕཊ། ཆུ་སྐྱེས་དག་གིས་རྣམ་བརྒྱན་ཅིང་། །བདུད་རྩི་ལྔ་ཡིས་རྣམ་པར་མཛེས། །དཔའ་མོ་དྲུག་ནི
263a3 མཉེས་པར་འགྱུར། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་སྨིན་པའི་ལམ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །བཞི་པའི་རང་བཞིན་ངོ་བོ་སྟེ། །དེ་ཡི་རྣམ་པ་དེ་ལ་གནས། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་རྣམ་པའི་ངོ་བོ་ནི་གང་། སྤྲུལ་པའི་ངོ་བོ་ནི་གང་ལགས། བཅོམ
263a4 ལྡན་འདས་ཀྱིས་བཀའ་སྩལ་པ། །རྣམ་པའི་ངོ་བོ་ལྷ་ཉིད་དེ། །སྤྲུལ་པ་ཚོགས་ཀྱི་བདག་པོར་བཤད། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་ཚོགས་ཀྱི་བདག་པོ་ནི་གང་། བཅོམ་ལྡན་འདས་ཀྱིས་བཀའ་སྩལ་པ། །དབང་གི་ཁ་དོག་དམར་པོ་སྟེ། །ཞལ་གཅིག་པ་ལ་ཕྱག་བཞི་པ། །སྤྲུལ་པ་འཁོར
263a5 ལོའི་རྩིབས་ལ་གནས། །བརྐྱང་བསྐུམ་ཚུལ་གྱིས་མནན་པའོ། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་བསྙེན་པར་བྱ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །བསྙེན་པར་བྱ་བ་སྔགས་ཉིད་དེ། །ོ~ཾ་ག་ཎ་པ་ཏ་ཡེ་སྭཱ་ཧཱ། ནག་པོ་འབྲུ་ཡི་རིལ་བུ་ལ། །བསྙེན་དང་སྒྲུབ་པའི་ལྷར
263a6 གནས་པ། །སྔགས་ཀྱི་ངོ་བོར་ཤེས་པར་བྱ། །དཔལ་བདེ་མཆོག་ནམ་མཁའ་དང་མཉམ་པའི་རྒྱུད་ལས། ལས་སྣ་ཚོགས་ཀྱི་དུམ་བུ་སྟེ་ལེའུ་གསུམ་པའོ།། །།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་རྡོ་རྗེ་སྙིང་པོ་དང་། བྱང་ཆུབ
263a7 སེམས་དཔའ་རྡོ་རྗེ་གནོད་གནས་ལ་སོགས་པ་དང་། རྣལ་འབྱོར་མ་དཔག་ཏུ་མེད་པའི་འཁོར་དེ་དག་རྗེས་སུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ཁ་ཆེའི་མཁན་པོ་ཛྙཱ་ན་བཛྲས་རང་འགྱུར་དུ་མཛད་པ་རྫོགས་སོ།། །།
iiif viewer powered by OpenSeadragon
