| e-texts navigator |
| Wylie |
256b1 གཤེགས། །ཐམས་ཅད་དུས་གསུམ་སངས་རྒྱས་ཀྱི། །སྐུ་གསུང་ཐུགས་ཀྱི་ངོ་བོར་གནས། །བཙུན་མོ་ཞེས་པ་ཆོས་ཀྱི་དབྱིངས། །དེ་ལ་ཡོད་ཕྱིར་བྷ་ག་སྟེ། །མི་ཕྱེད་པས་ན་བཞུགས་ཞེས་བྱ། །རྡོ་རྗེ་སྙིང་པོས་ཡང་གསོལ་པ། །དཔའ་བོ་ཞེས་པ་གང་ལ་བགྱི། །དེ་བཞིན་དཔའ་མོ་ཉིད
256b2 ཀྱང་ཅི། །དེ་ཡི་མཆོད་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དཔའ་བོ་ལ་ཡང་རྣམ་བཞི་སྟེ། །བུམ་པའི་དབང་དང་འབྲེལ་པ་ཡི། །ལྷ་ཡི་རྣལ་འབྱོར་བསྒོམས་པ་ཡིས། །ཐ་མལ་པ་ཡི་རྣམ་རྟོག་སྤོང་། །དེས་ན་ཕྱི་ཡི་དཔའ་བོར་བཤད། །གསང་བའི
256b3 དབང་དང་འབྲེལ་བ་ཡི། །རྩ་རླུང་ཐིག་ལེ་བསྒོམས་པ་ཡིས། །མཚན་མའི་རྣམ་རྟོག་འཇོམས་པ་ནི། །ནང་གི་དཔའ་བོར་བཤད་པ་ཡིན། །གསུམ་པའི་དབང་དང་འབྲེལ་པ་ཡི། །དགའ་བ་བཞི་ཡི་དོན་བསྒོམས་པས། །གཟུང་དང་འཛིན་པའི་རྟོག་པ་འཇོམས། །དེ་ནི་གསང་བའི
256b4 དཔའ་བོ་ཡིན། །བཞི་པའི་དབང་དང་འབྲེལ་བའི་ཡི། །གཉིས་སུ་མེད་པ་གང་བསྒོམས་པས། །ཐ་དད་རྟོག་པ་འཇོམས་པའི་ཕྱིར། །དེ་ཁོ་ན་ཡི་དཔའ་བོར་བཤད། །དཔའ་མོ་ལ་ཡང་རྣམ་པ་བཞི། །མ་ནི་ཤེས་རབ་ཕ་རོལ་ཕྱིན། །གདོད་ནས་སྤྲོས་བྲལ་ལྷུན་གྲུབ་ལ། །ལྟ་བའི་ཞེན་པ
256b5 སྤོང་བ་ནི། །དེ་ནི་ཕྱི་ཡི་དཔའ་མོར་བཤད། །ནང་དུ་རྩ་དང་ཐིག་ལེ་སོགས། །རང་བཞིན་མེད་པར་བྱེད་པས་མ། །གསང་བར་དགའ་བ་བཞི་རྣམས་ལ། །རང་བཞིན་ལྷན་ཅིག་སྐྱེས་བསམ། །རང་རིག་སེམས་ཀྱིས་ངོ་བོ་ནི། །ནམ་མཁའ་ལྟ་བུར་གང་བསྒོམ་པ། །དེ་ཁོ་ན་ཡི་དཔའ
256b6 མོའོ། །མཆོད་པ་ཡང་ནི་རྣམ་པ་བཞི། །ཕྱི་ནང་གསང་བ་དེ་ཁོ་ན། །དང་པོ་ཕྱི་ཡི་མཆོད་པ་ནི། །མེ་ཏོག་བདུག་སྤོས་མར་མེ་དང་། །དྲི་དང་ལྷ་བཤོས་བཏུང་བ་དང་། །རོལ་མོ་སིལ་སྙན་དབྱངས་ཉིད་དང་། །གཟུགས་དང་སྒྲ་དང་དྲི་དང་ནི། །རོ་དང་རེག་བྱ་འཇམ་པ་དང་། །འཁོར
256b7 ལོ་རིན་ཆེན་གླང་པོ་རྟ། །བཙུན་མོ་དམག་དཔོན་བློན་པོ་རྣམས། །ཕྱི་ཡི་མཆོད་པ་ཐུན་མོང་ངོ་། །རང་གི་ལུས་ལས་བྱུང་བ་ཡི། །བདུད་རྩི་ལྔ་དང་བཏུང་བ་དང་། །ཤ་ལྔ་ལྷག་པའི་རྫས་རྣམས་ནི། །ཕུང་པོ་ཁམས་དང་སྐྱེ་མཆེད་ཀྱི། །འཁོར་ལོ་རྣམས་ལ་མཆོད་པ་ནང་། །དེ་ནས
iiif viewer powered by OpenSeadragon
