| e-texts navigator |
| Wylie |
256a1 སྣ་ཚོགས་འཇིག་རྟེན་མཁའ་འགྲོ་རྣམས། །ཤིན་ཏུ་འཇིགས་པའི་གཟུགས་ཀྱིས་ནི། །རོ་ལ་སྤྱོད་ཅིང་མཁའ་ལ་རྒྱུ། །གཞན་ཡང་རྣལ་འབྱོར་མཆོད་རྟེན་དང་། །ཆུ་དང་མེ་སོགས་རིམ་པ་སྟེ། །གཟའ་དང་བར་ཏ་གྲུབ་པ་རྣམས། །རོལ་པ་ཆེན་པོའི་ཚུལ་དུ་གནས། །
256a2 འབྱུང་པོའི་གདོན་དང་རོ་ལངས་དང་། །སྟག་དང་ཁྱི་དང་ཅེ་སྤྱང་དང་། །ཝ་དང་འུག་པ་བྱ་རྒོད་དང་། །ཕྱེད་ཚིག་པ་དང་རྣམ་པར་དབྱངས། །མགོ་བོ་ལུས་པོ་ཀེང་རུས་རྣམས། ། ལ་ཕཻཾ་གྱི་སྒྲ་སྒྲོགས་པ། །དེ་ནས་ནང་གི་དུར་ཁྲོད་ནི། །ལུས་ཀྱི་སྐྲ་སེན་སྤུ་ལ་སོགས། །སྐྱེ་ཞིང་འཇིག་པར་བྱེད
256a3 པས་ན། །དུར་ཁྲོད་ཆེན་པོ་ལུས་ལ་དགོད། །དེ་ནས་གསང་བའི་དུར་ཁྲོད་ནི། །རྩ་ཆེན་སུམ་ཅུ་རྩ་གཉིས་ནས། །འབྱུང་འཇུག་གནས་པའི་རླུང་རྣམས་ནི། །དབུགས་རྒྱུ་ཞེས་པ་དུར་ཁྲོད་དོ། །རྣམ་པར་ཤེས་པའི་ཚོགས་བརྒྱད་དང་། །དངོས་པོའི་རྟོག་པ་སྣ་ཚོགས་པ། །ཆོས་ཀྱི་དབྱིངས་ཀྱི་དུར
256a4 དུ་མཆི། །གསང་བ་རིག་པའི་ཡེ་ཤེས་ཁྲོད། །དེ་ནས་དུར་ཁྲོད་དགོངས་པ་ནི། །རྣམ་ཤེས་དག་པས་དུར་ཁྲོད་ལ། །ཕྱོགས་སྐྱོང་མི་དགེ་བཅུ་པོ་སྤོང་། །སངས་རྒྱས་བརྒྱད་ཀྱི་མཚན་མ་ཤིང་། །ཐུགས་རྗེའི་རྟགས་སུ་ཤིང་བརྒྱད་ལ། །ཞིང་སྐྱོང་སྔགས་ཀྱི་ཐེག་པ་བསྲུང་། །གདུག་པ་འཇོམས
256a5 ཕྱིར་ཀླུ་བརྒྱད་དགོད། །མཆོད་རྟེན་རང་སངས་རྒྱས་ཀྱི་གནས། །རྣལ་འབྱོར་བརྟུལ་ཞུགས་སྤྱོད་པ་བྱེད། །ཆུ་ནི་བརྗོད་བྱ་ཟབ་པ་ལ། །མེ་སོགས་རྟོག་པ་བྲལ་བའོ། །རྡོ་རྗེ་སྙིང་པོས་ཡང་གསོལ་པ། །བཅོམ་ལྡན་འདས་ནི་ཇི་ལྟར་ལགས། །དེ་བཞིན་གཤེགས་པ་ཐམས་ཅད་ཀྱི། །སྐུ
256a6 དང་གསུང་ཐུགས་ཇི་ལྟར་ལགས། །བཙུན་མོའི་བྷ་ག་ཇི་ལྟ་བུ། །བཞུགས་པའི་དོན་ནི་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་མོངས་བདུད་དང་འཆི་བདག་བདུད། །ལྷ་ཡི་བུ་དང་ཕུང་པོའི་བདུད། །བདུད་བཞི་བཅོམ་པས་བཅོམ་པ་ལ། །ལྡན་པ་ཡོན་ཏན་དྲུག་ཉིད་དེ། །
256a7 དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང་སྐལ་བ་བཟང་། །ཡེ་ཤེས་ཕུན་སུམ་ཚོགས་པ་ནི། །དྲུག་པོ་དེ་ལ་ལྡན་ཞེས་གསུངས། །འཁོར་བའི་ཆོས་ནི་མྱ་ངན་ཏེ། །དེ་དང་བྲལ་ཕྱིར་འདས་པའོ། །འདས་པའི་དེ་བཞིན་གཤེགས་པ་ཀུན། །འགྲོ་བའི་དོན་མཛད་དེ་བཞིན
iiif viewer powered by OpenSeadragon
