| e-texts navigator |
| Wylie |
254b1 ངན་སྣང་། །ཁ་དོག་གཅིག་ཏུ་བསྒྱུར་བ་ཡི། །བདེ་བ་ཆེན་པོའི་འཁོར་ལོ་མཆོག་།རྣལ་མ་ལ་གནས་འཆིང་གྲོལ་འགྱུར། །གང་ཞིག་བླ་མའི་དྲིན་ཤེས་དག་།སྐྱེ་བ་མེད་པ་ཉིད་དུ་སྟོན། །བླ་མའི་བཀའ་དྲིན་མི་ཤེས་པ། །དེ་ཡིས་ལྷན་སྐྱེས་ཅི་ལ་མཐོང་། །ལྷན་ཅིག་སྐྱེས་པ་དེ་ཡིས་བཅིངས། །
254b2 དེ་ལ་འགྲོ་བ་སྐྱེ་ཞིང་འཆིང་། །ཐ་དད་གཟེངས་པས་ནད་དུ་གྱུར། །དུས་དང་གནས་སུ་བགྲངས་པས་ལྡོག་།བདག་དང་གཞན་དུ་བལྟས་པས་ལྡོག་།འདི་དང་ཕྱི་མར་བསྙད་པས་གོལ། །སྐྱེ་མེད་ལྷན་སྐྱེས་བཅོས་པས་འཆིང་། །དེ་སྐད་བཅོམ་ལྡན་འདས་ཀྱིས་བཤད། །འཆད་པའི་སྐྱེས
254b3 བུས་འདི་སྐད་བསྟོད། །ེ་མའོ་རྣམ་དག་ཡེ་ཤེས་སྐུ། །ཁྱབ་བདག་གསུང་གི་ལྡེ་མིག་སྒོ། །མ་རིག་སྒྲིབ་པ་དྲལ་བའོ། །བདེ་བར་གཤེགས་པ་ཡེ་ཤེས་སྐུ། །ེ་མའོ་རྣལ་འབྱོར་ཐུགས་ཀྱི་བཅུད། །འགྲོ་བ་སྡུག་བསྔལ་གཟིར་ལས་བསྒྲལ། །མ་སྐྱེས་ལྷན་ཅིག་འགག་མེད་ཅིང་། །བྱང
254b4 ཆུབ་སེམས་ལ་ཕྱག་འཚལ་བསྟོད། །ཕན་ཡོན་གྱི་ལེའུ་སྟེ་ལྔ་པའོ།། །།དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོའི་དོན་གྱི་རྒྱུད་རྫོགས་སོ།། །།རྗེ་བཙུན་གུ་རུའི་ཞལ་སྔ་ནས་དང་། ལོཙྪ་བ་སེང་ཀར་ཤཱཀྱ་འོད་ཀྱིས་ཕམ་ཐིང་དུ་བསྒྱུར་ཅིང་གཏན་ལ་ཕབ་པའོ།།
254b5 @##། །རྒྱ་གར་སྐད་དུ། ཤྲཱི་ཙཀྲ་ས~ཾ་བ་ར་ཏནྟྲ་རཱ་ཛ་ཨདྦྷུ་ཏ་ཤྨཱ་སཱ་ན་ཨ་ལ~ཾ་ཀཱ་ར་ནཱ་མ། བོད་སྐད་དུ། དཔལ་འཁོར་ལོ་སྡོམ་པའི་རྒྱུད་ཀྱི་རྒྱལ་པོ་དུར་ཁྲོད་ཀྱི་རྒྱན་རྨད་དུ་བྱུང་བ་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན
254b6 འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་རྣམས་ལ་བཞུགས་སོ། །དེ་ནས་རྡོ་རྗེ་སྙིང་པོ་ལ་སོགས་པའི་དཔའ་བོ་དང་དཔའ་མོ་རྣམས་ཀྱིས་ཕྱིའི་མཆོད་པ་དང་། ནང་དང་། གསང་བ་དང་། དེ་ཁོ་ན་ཉིད་ཀྱི་མཆོད་པས་མཆོད་ནས་འདི་སྐད
254b7 ཅེས་གསོལ་ཏོ། །ཀྱེ་ཧོ་བཅོམ་ལྡན་རྡོ་རྗེ་འཛིན། །དཔལ་ཞེས་བགྱི་བ་ཇི་ལྟར་ལགས། །འཁོར་ལོ་ཞེས་པ་གང་ལ་བགྱི། །སྡོམ་པ་ཉིད་ཀྱང་ཇི་ལྟ་བུ། །རྒྱུད་ཀྱི་དོན་ནི་ཇི་ལྟར་ལགས། །དེ་བཞིན་རྒྱུད་ཀྱི་རྒྱལ་པོ་ཅི། །བཅོམ་ལྡན་འདས་ཀྱིས་བཀའ་སྩལ་པ། །དཔལ་ནི་གཉིས་མེད་ཡེ་ཤེས་ཏེ། །
iiif viewer powered by OpenSeadragon
