| e-texts navigator |
| Wylie |
245b1 དང་གྲགས་པ་རྙེད་དང་དགའ། །རྒྱུ་དེས་ལོག་རྟོག་སྣ་ཚོགས་བསྐྱེད། །དེ་བས་ཧེ་རུ་ཀར་གྲགས་པའི། །དངོས་གྲུབ་འདོད་པའི་རྣལ་འབྱོར་པས། །དད་ལྡན་གུས་བཅས་ཕ་རོལ་ཕྱིན། །རྫོགས་བྱས་བླ་མ་དམ་པ་ལས། །མན་ངག་ཡང་དག་བླང་བར་བྱ། །མ་མོའི་ཚོགས་ཀྱིས་ཡང
245b2 ཞུས་པ། །ཧེ་རུ་ཀ་དཔལ་དེ་ལྟར་ན། །རྡོ་རྗེ་ཕག་མོ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་གསུམ་སྟེ་ཕག་མོ་གཉིས། །དོན་གྱི་རྡོ་རྗེ་དེ་ནས་བརྟགས། །ཐ་མ་རྫས་ཀྱི་རྡོ་རྗེ་སྟེ། །དོན་གྱི་རྡོ་རྗེ་བཞི་པ་སྟེ། །གཟུང་འཛིན་རྣམ་པར་རྟོག་པ་ཡིས། །མི་ཕྱེད་ཕྱིར་ན
245b3 རྡོ་རྗེ་སྟེ། །དབང་བཞིས་རྡོ་རྗེ་རེ་རེའོ། །རྟགས་ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་སྟེ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡིན་ཏེ། །ཁམས་གསུམ་དགུ་འཇོམས་པ་ཡི། །རྟགས་སུ་རྡོ་རྗེ་རྩེ་དགུའོ། །རྫས་ཀྱི་རྡོ་རྗེ་བཞི་ཡིན་ཏེ། །ཟླུམ་པོ་ལ
245b4 སོགས་རྣམ་པ་བཞི། །མི་ཤེས་དྲི་མས་ཆེས་གོས་པའི། །དུད་འགྲོར་སྐྱེས་པའི་ཕག་མོ་དང་། །ཤེས་རབ་ཆར་བྱུང་ཕག་མོ་སྟེ། །དེ་ཉིད་རྣམ་པ་བཞི་རུ་ངེས། །བུམ་དབང་ཞེ་སྡང་གཏི་མུག་ཕག་།གསང་དབང་རླུང་གི་གཏི་མུག་ཕག་།གསུམ་པ་ཆགས་དགའ་གཏི་མུག་ཕག་།བཞི
245b5 པ་ཆོས་དབྱིངས་གཏི་མུག་ཕག་། འདི་ཉིད་ཁྱོད་ལ་ལེགས་པར་གཏད། །ཐམས་ཅད་རྗེས་སུ་ཡི་རང་ངོ་། །དཔལ་མེའི་ཕྲེང་བའི་རྒྱུད་ཀྱི་རྒྱལ་པོ་ཤྲཱི་ཧེ་རུ་ཀའི་ངེས་པར་འབྱུང་བ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས
245b6 ཀྱིས་བསྒྱུར་ཅིང་ཞུས་པའོ། ། @##། །རྒྱ་གར་སྐད་དུ། ཤྲཱི་ཌཱ་ཀི་ནཱི་གུ་ཧྱ་ཛྭ་ལ་ཏནྟྲ་རཱ་ཛ། བོད་སྐད་དུ། དཔལ་མཁའ་འགྲོ་མ་གསང་བ་འབར་བའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །ཀྱེ་ཨ
245b7 ལ་ལ་ཧོ། ཀྱེ་ཨ་ལ་ལ་ཧོ། མཁའ་འགྲོ་གང་ལགས་མ་གང་ལགས། །གསང་དང་རྒྱུད་དང་རྒྱལ་པོ་གང་། །ཉོན་ཅིག་བྱང་ཆུབ་སེམས་དཔའ་ཁྱོད། །མཁའ་འགྲོ་བཞི་སྟེ་མ་ནི་གསུམ། །གསང་བ་དྲུག་སྟེ་རྒྱུད་བརྒྱད་དོ། །རྒྱལ་པོ་བཅུ་དགུ་དག་ཏུ་བསྟན། །དང་པོ་མཁའ་འགྲོ་དབྱེ
iiif viewer powered by OpenSeadragon
