| e-texts navigator |
| Wylie |
245a1 དེ་ནས་གསུམ་པའི་ཧེ་རུ་ཀ། །རླུང་སོགས་རང་བཞིན་གནས་པ་ཡི། །རྒྱུ་སྤངས་ཕྱིར་ནི་ཧེ་ཞེས་བརྗོད། །རླུང་སོགས་ལམ་ལ་བརྟེན་པ་ཡི། །ཚོགས་དང་བྲལ་ཕྱིར་རུ་ཞེས་བརྗོད། །རླུང་དང་རྩ་དང་ཐིག་ལེ་དང་། །ཙཎྜཱ་ལཱི་ཡི་ཁ་དོག་དང་། །དབྱིབས་ལ་མི་གནས་ཕྱིར
245a2 ན་ཀ། །སེམས་ཉིད་བདེ་བར་གནས་པས་སོ། །ནང་གི་ཐབས་དང་ཤེས་རབ་མེད། །དེ་ཡི་ཕྱིར་ན་ཤྲཱི་རུ་གསུངས། །མིག་སེར་ནད་ཀྱིས་བཏབ་པ་ལྟར། །རང་སེམས་བདེ་བར་གནས་པས་སོ། །སེམས་ཉིད་བདེ་བར་གནས་པ་དང་། །བདེ་བ་ལ་བསྟེན་ཚོགས་དང་ལྡན། །ལྷན་ཅིག་སྐྱེས
245a3 པའི་རྒྱུ་རྐྱེན་ལྡན། །སེམས་དང་བདེ་བ་ཐ་དད་མེད། །སེམས་དང་བདེ་བ་གང་གནས་པ། །མཆོག་དང་ཆད་པའི་དབུས་གནས་པ། །གསུམ་པའི་དཔལ་ལྡན་ཧེ་རུ་ཀ། །དེ་ནས་བཞི་པའི་ཧེ་རུ་ཀ་།རང་རིག་སྟོང་པར་གནས་པའི་ཚེ། །ལྷན་ཅིག་སྐྱེས་པའི་རྒྱུ་རྐྱེན་བྲལ། །དེ་ཡི་ཕྱིར་ན་ཧེ
245a4 ཞེས་བརྗོད། །ཕ་རོལ་ཕྱིན་དྲུག་བདེ་བའི་ལམ། །ཐམས་ཅད་སྟོང་པར་རོ་གཅིག་པས། །ཚོགས་གཉིས་བྲལ་ཕྱིར་རུ་ཞེས་བརྗོད། །བདེ་བ་ཙམ་ལའང་མི་གནས་ཕྱིར། །ཀ་ཞེས་ངེས་པར་བརྗོད་པ་ཡིན། །སེམས་ཉིད་རང་རིག་སྟོང་པར་གནས། །སྟོབས་སོགས་ཕུན་སུམ་ཚོགས་པས
245a5 ན། །རང་བཞིན་ལྷན་ཅིག་སྐྱེས་པ་དང་། །གཟུགས་སྐུའི་རྒྱུ་རྐྱེན་ལ་སོགས་ལྡན། །ཤྲཱི་ཞེས་བྱ་བ་མངོན་པར་བརྗོད། །དབྱིངས་དང་ཡེ་ཤེས་གཉིས་སུ་མེད། །དངོས་པོར་རོ་མཉམ་མཐའ་ཡས་པའི། །སེམས་ཀྱི་དེ་ཉིད་ལ་གནས་པ། །བཞི་པའི་དཔལ་ལྡན་ཧེ་རུ་ཀ། །བདུད་རྣམས་ཀུན
245a6 ལ་ཐོ་འཚམ་ཞིང་། །ལྷན་ཅིག་སྐྱེས་པའི་དུར་ཁྲོད་རོལ། །མི་གསལ་གསལ་བའི་རང་བཞིན་མེད། །སྣང་ཞིང་གསལ་ལ་རང་བཞིན་མེད། །མེ་ལོང་བཞིན་འདྲ་ཆུ་ཟླ་བཞིན། །མཁས་པས་འབད་དེ་འཁྲུལ་པ་སྤང་། །དེ་ལྟར་དོན་ནི་མ་རྟོགས་པར། །ཁ་ཅིག་སྐུ་མདོག་ཕྱག་མཚན་ལ། །
245a7 ཧེ་རུ་ཀ་ཡི་རྣམ་པར་རྟོག་།ཁ་ཅིག་གཟུགས་བརྙན་རྣམ་པར་རྟོག་།ཁ་ཅིག་རང་གི་ངོ་བོར་འདོད། །དེ་བཞིན་རྩ་དང་རླུང་འདོད་སོགས། །དེ་བཞིན་རང་རིག་ཧེ་རུ་ཀ། །བླ་མ་མ་བསྟེན་བརྩོན་འགྲུས་མེད། །ཤེས་རབ་མི་ལྡན་བཟོད་སོགས་མེད། །རིགས་དང་རིག་པའི་ང་རྒྱལ་ཅན། །ཁེ
iiif viewer powered by OpenSeadragon
