| e-texts navigator |
| Wylie |
243b1 སོགས་ཟུང་རྩ་མཁའ་འགྲོ་སྟེ། །ཕྱི་ནས་རྩ་རེ་མཁའ་འགྲོ་རེ། །མཁའ་འགྲོ་ནས་བསྐོར་མཚམས་ཀྱི་བར། །སུམ་ཅུ་རྩ་བདུན་མཁའ་འགྲོ་མ། །ལྟེ་བ་སྤྲུལ་པར་ཡང་དག་གནས། ། སོགས་བརྒྱད་ནི་མཁའ་འགྲོ་བརྒྱད། །དེ་བཞིན་ཟུང་རྩ་མཁའ་འགྲོ་བཞི། །སྙིང་ག་རུ་ནི་ཡང
243b2 དག་གནས། །ཟུང་རྩ་གསུམ་ནི་མཁའ་འགྲོ་རེ། །གཞན་རྣམས་རྩ་རེ་མཁའ་འགྲོ་རེ། །བཅུ་གཉིས་བཅུ་བཞི་མགྲིན་པར་གནས། །རྡོ་རྗེ་ཕག་མོ་ལྟེ་བར་གནས། །གཞན་ནི་སྤྱི་བོར་ཡང་དག་གནས། །དེ་ནས་སྡོམ་པ་བཤད་བྱ་སྟེ། །སངས་རྒྱས་ཀུན་གྱི་བདེ་ཆེན་པོ། །བདེ་དེ
243b3 སྡོམ་པར་ཡང་དག་བཤད། །གང་ཞིག་བདེ་བ་ཁྱད་པར་ཅན། །ངེས་པར་སྡོམ་པ་ཡིན་པར་འདོད། །རྡོ་རྗེ་ཕག་མོ་མི་འདའ་བས། །སྡོམ་པ་དམ་ཚིག་ཏུ་ནི་བཤད། །མི་ཕྱེད་པས་ནི་ཕྱག་རྒྱར་གསུངས། །རྡོ་རྗེ་ཕག་མོས་ཡང་ཞུས་པ། །དམ་ཚིག་ཉམས་པའི་རྒྱུ་གང་ལགས། །རྐྱེན་ནི
243b4 གང་ལགས་དུས་གང་ལགས། །ཚད་ནི་གང་ལགས་བསྲུང་དུས་གང་། །ལུས་ངག་དམ་ཚིག་ཇི་ལྟར་དབྱེ། །དང་པོར་ཉམས་པའི་རྒྱུ་ཉིད་ཀྱང་། །མི་ཤེས་པ་དང་བག་མེད་དང་། །ཉོན་མོངས་ལྡན་དང་མ་གུས་དང་། །བརྗེད་ངས་དྲན་པ་མི་གསལ་བ། །འདི་དྲུག་དམ་ཚིག་ཉམས་པའི་རྒྱུ། །
243b5 བླ་མ་མ་བསྟེན་གྲོགས་ངན་འགྲོགས། །མདོར་ན་སྒོ་གསུམ་གཡེངས་པའི་ཡུལ། །དེ་དག་ཉམས་པའི་རྐྱེན་དུ་གསུངས། །གདོན་གྱིས་བར་ཆད་ཆང་གིས་མྱོས། །ལོག་ལྟ་སྐྱེས་དང་ཁེངས་གྲགས་འདོད། །ཉོན་མོངས་ཟིལ་ནོན་བླ་མས་སྐྱོ། །འདོད་ཆགས་ཆེན་པོ་སྐྱེས་པ་དག་།དམ་ཚིག
243b6 ཉམས་པའི་དུས་ཡིན་ཏེ། །སྤྱིར་ནི་རྩོད་ལྡན་དུས་སུ་གསུངས། །གདོན་སོགས་གཞན་གྱིས་བྱིན་བརླབས་ཚེ། །བསྲུང་བའི་འདུ་ཤེས་སྔོན་སོང་ན། །ཆེན་པོ་རྫོགས་ཀྱང་ཆུང་ངུར་གསུངས། །འདུ་ཤེས་སྔོན་དུ་མ་སོང་ན། །བག་མེད་ཉམས་པ་སོ་ནས་གནས། །གདོན་སོགས་རང་གིས་མ
243b7 མཐོང་ན། །དེ་ཡང་ཉམས་པ་ཆུང་བར་གསུངས། །འཁོར་བས་སྐྱོ་དང་རྣམ་སྨིན་དྲན། །བླ་མ་དྲན་དང་འདོད་པ་སྐྱེས། །བར་ཆད་བྲལ་བ་བཤགས་པའི་དུས། །སྦྱོར་བ་དངོས་གཞི་མཇུག་དང་གསུམ། །གང་རྫོགས་ཚད་ནི་མཐར་ཕྱིན་ཏེ། །ཆེ་འབྲིང་དབྱེ་བས་ཤེས་པར་བྱ། །སྦྱོར་བ
iiif viewer powered by OpenSeadragon
