| e-texts navigator |
| Wylie |
242a1 གཤེར་སྐྱེས། །གང་གི་རྐྱེན་གྱིས་མ་སྐྱེས་པར། །གདོད་ནས་བདེ་བའི་རྒྱུར་སྐྱེས་ལ། །བདེ་བ་སྐྱེས་པ་རྫུས་སྐྱེས་སོ། །གཏུམ་མོ་གོ་བཟློག་རྐྱེན་གྱིས་སྦར། །གཏུམ་མོ་རྐྱེན་གྱིས་སྦར་བ་དང་། །གཏུམ་མོ་གོ་བཟློག་སྦར་བ་དང་། །གཏུམ་མོ་རང་བཞིན་སྦར་བ་ནི། །
242a2 མངལ་སྐྱེས་སྒོང་སྐྱེས་དྲོད་གཤེར་སྐྱེས། །རྫུས་སྐྱེས་རིམ་པར་སྦྱར་བར་བྱ། །དུ་མའི་གཞི་བཅས་གཞི་བཅས་དང་། །གཞི་མེད་ཤིན་ཏུ་གཞི་མེད་དེ། །མངལ་སྐྱེས་སྒོང་སྐྱེས་དྲོད་གཤེར་སྐྱེས། །རྫུས་སྐྱེས་བཞི་ཆར་རིམ་པར་སྦྱར། །རྒྱུ་དང་ལམ་སྟེ་འབྲས་བུ་ཀུན། །སྐྱེ་བ་བཞི་ཡི་ངོ་བོར
242a3 གཅིག་། དེ་ཕྱིར་སངས་རྒྱས་སེམས་ཅན་གཉིས། །དངོས་པོ་རོ་མཉམ་གྱུར་པ་ལ། །ལོག་རྟོག་སྒྱུ་མས་གཉིས་སུ་འཁྲུལ། །རྡོ་རྗེ་སྙིང་པོ་སྙིང་རྗེ་ཆེ། །ནང་དང་གསང་བའི་དཀྱིལ་འཁོར་ཡང་། །ང་ཡིས་བཤད་ཀྱིས་ལེགས་པར་ཉོན། །སྐུ་ཡི་དཀྱིལ་འཁོར་སྤྱི་བོར་བསྒོམ། །གསུང་ནི་མགྲིན
242a4 པ་ཐུགས་ནི་སྙིང་། །ཡོན་ཏན་ལྟེ་བ་ཕྲིན་ལས་ནི། །སྣ་རྩེ་དག་ཏུ་བསམ་པར་བྱ། །འབར་བ་བཞི་ཡི་ཨ་ལ་ཡང་། །རྡོ་རྗེ་ཕག་མོ་རབ་ཏུ་གྲགས། །ཧ~ཾ་ནི་བདེ་མཆོག་ཧེ་རུ་ཀ། །དཔའ་བོ་གཅིག་པ་ཡིན་པར་འདོད། །བདུན་པ་དང་ནི་དགུ་པ་དག་།གསུམ་པ་ཧཱུ~ཾ་ལས་རབ་ཏུ་གྲགས། །བཅུ
242a5 གསུམ་པ་དང་ལྔ་པ། །བཅུ་དགུ་ཨོ~ཾ་ལས་རབ་ཏུ་གྲགས། །ཉི་ཤུ་རྩ་ལྔ་ཉི་ཤུ་དགུ། །ཧ~ཾ་གི་ངོ་བོར་ཡང་དག་གནས། །སུམ་ཅུ་བདུན་དང་དྲུག་ཅུ་བཞི། ། ཡི་དཀྱིལ་འཁོར་ཡིན་པར་ངེས། །རྩ་ནི་རྡོ་རྗེ་ཕག་མོ་སྟེ། །གཡས་གཡོན་ཕྱག་ལ་དབུ་མ་ཞལ། །དཔའ་བོ་བྱང་ཆུབ
242a6 སེམས་ཡིན་ཏེ། །སྐྱེ་མཆེད་བཅུ་གཉིས་དངས་པ་ཡང་། །བཅུ་གཉིས་ཕྱག་ཏུ་རབ་ཏུ་གྲགས། །འབྱུང་བཞིའི་དངས་མ་ཞལ་བཞིར་ངེས། །མཛེས་པའི་ཕྱིར་ན་རྒྱན་དུ་བཤད། །གསུང་མཆོག་བླ་མའི་ཞལ་ནས་བླང་། །གཡས་གཡོན་སྟེང་འོག་སྒོ་བཞི་སྟེ། །འདོམ་གང་མཉམ་པ
242a7 གྲུ་བཞི་ཡིན། །བདུད་རྩི་ལྔ་ནི་ཚོན་རྩི་ལྔ། །རྩ་ནི་ཐིག་གི་རང་བཞིན་ཏེ། །ཀ་བ་བརྒྱད་ནི་རྐང་བརྒྱད་དོ། །སོ་སེན་བ་སྤུ་ཏྭ་ར་སོགས། །མཁས་པས་བརྟག་ཅིང་ཤེས་པར་བྱ། །འདི་དག་རང་བཞིན་དཀྱིལ་འཁོར་ཏེ། །དཔེར་ན་རང་བྱུང་གསེར་དང་འདྲ། །འདི་ནི་བཅོས་མ་མ
iiif viewer powered by OpenSeadragon
