| e-texts navigator |
| Wylie |
241b1 པ་ཏ། །རྣམ་ཤེས་མཐའ་ཡས་ལས་འདས་ནས། །ཅི་ཡང་མེད་པ་ལ་གནས་ཏེ། །དེ་ཉིད་རྫོགས་པ་པ་ཡིན་ནོ། །ཅི་ཡང་མེད་པ་ལས་འདས་ཏེ། །འདུ་ཤེས་མེད་མིན་ལ་གནས་ཏེ། །འདུ་ཤེས་མེད་མིན་རྫོགས་པ་ཡ། །འདུ་ཤེས་མེད་མིན་ལ་འདས་ཏེ། །འདུ་ཤེས་ཚོར་བ་འགོག་པའི
241b2 ལུས། །མངོན་སུམ་བྱས་ནས་རྫོགས་པ་ནི། །རྣམ་པར་ཐར་པ་བརྒྱད་པ་ཤ། །སྙིང་ག་ཆོས་ཀྱི་འཁོར་ལོ་ཧཱུ~ཾ། །གཙོ་བོ་རྣམ་ཐར་བརྒྱད་དང་ལྡན། །འདི་དག་རྩ་ཡི་རྣམ་པར་གནས། །འཁོར་ལོའི་རྒྱ་ནི་སོར་གསུམ་སྟེ། །སེམས་ཅན་ཀུན་ལ་རང་བཞིན་གནས། །དེ་ཕྱིར་སེམས་ཅན་སངས
241b3 རྒྱས་ཡིན། །སྣ་ཚོགས་སྡུད་པའི་མཚན་ཉིད་ཀྱང་། །རིང་དུ་འབྱུང་ཞིང་ཐུང་དུ་གནས། །སྨིན་མཚམས་ཀྱི་ནི་མཛོད་སྤུ་བཞིན། །ཆོས་ཀྱི་འབྱུང་གནས་ལྟེ་བ་ལ། །གཡས་གཡོན་བུ་ག་ལྔ་ལྔ་སྟེ། །སྟེང་འོག་ཁ་ཡི་བར་ནས་འབྱུང་། །རོ་མ་ཤར་དུ་མངོན་དུ་ཕྱོགས། །རྐྱང་མ་ནུབ་སྟེ་འོག
241b4 གི་ཆར། །རོ་མས་རྐྱང་མ་ལ་འཁྱུད་ཅིང་། །གཡས་པའི་ཆ་རུ་ཟུང་འཇུག་ཉིད། །རྐྱང་མས་རོ་མ་ལ་འཁྱུད་ཅིང་། །གཡོན་གྱི་ཆ་རུ་ཟུང་འཇུག་ཉིད། །གཡས་གཡོན་རྩེ་མོ་སྐུ་གསུང་ཐུགས། །དེ་སྒྲ་སྔགས་སུ་རབ་ཏུ་གྲགས། །སྔགས་དང་རྒྱུད་དང་དངོས་གྲུབ་སོགས། །དེ་ཉིད་ལས་ནི་བྱུང
241b5 བས་ན། །སེམས་ཅན་སངས་རྒྱས་རང་བཞིན་ནོ། །སྐྱེ་བ་བཞི་ཡི་རིམ་པ་ཡང་། །སྣོད་བཅུད་ཡབ་ཡུམ་ལ་ཐིམ་སྟེ། །ཡབ་ཡུམ་ཉི་མ་ཟླ་བར་འགྱུར། །སྣང་བའི་ཐིག་ལེ་ཡང་དག་བཅས། །འདི་དག་ནང་གི་མངལ་སྐྱེས་ཚུལ། །ཱ་ལི་ཀཱ་ལི་ཉི་ཟླ་སྟེ། །སེམས་ནི་ཐིག་ལེའི་ངོ་བོར་གནས། །
241b6 ནང་གི་སྒོང་སྐྱེས་ཡིན་པར་འདོད། །ཀཱ་དང་ཨཱ་ལས་ཉི་ཟླ་སྟེ། །རང་བྱུང་ཐིག་ལེ་དྲོད་གཤེར་ཡིན། །དེ་དག་སྐད་ཅིག་རྐྱེན་མེད་ལས། །རང་བཞིན་འབྱུང་བ་རྫུས་སྐྱེས་སོ། །རྐྱེན་མེད་སྦྱོར་བ་སྒོང་སོགས་ལས། །བདེ་བ་སྐྱེ་དང་བདེ་བའི་རྒྱུ། །ཐམས་ཅད་དྲན་པ་གསང་བ་ཡི། །མངལ་ནས་སྐྱེས
241b7 པའི་ཚུལ་ཡིན་ཏེ། །ཡར་ལ་སྲེག་དང་མར་ལ་གསོ། །གནས་གསུམ་ཉི་ཤུ་བཞིར་འཕོ་ཡིན། །ཕྱི་ནང་འདོད་པའི་མཚན་མ་ཡིས། །རྩ་རྒྱས་བདེ་བ་སྟེར་བ་དང་། །རིན་པོ་ཆེ་ཡི་ཕོ་བྲང་དུ། །སེམས་འཛིན་གསང་བའི་སྒོང་སྐྱེས་ཡིན། །ནང་གི་འདོད་པའི་མཚོན་ཆ་ཡིས། །བདེ་བ་སྐྱེ་བ་དྲོད
iiif viewer powered by OpenSeadragon
