| e-texts navigator |
| Wylie |
239a1 @##། །རྒྱ་གར་སྐད་དུ། ཤྲཱི་ཛྙཱ་ན་ཨཱ་ཤ་ཡ་ཏནྟྲ་རཱ་ཛ། བོད་སྐད་དུ། དཔལ་ཡེ་ཤེས་བསམ་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔའ་བོ་དང་མཁའ་འགྲོ་མའི་འཁོར
239a2 གྲངས་མེད་པ་དང་། ཡེ་ཤེས་གསང་བའི་གནས་ན་ཐབས་ཅིག་ཏུ་བཞུགས་པའི་དུས་སུ་དཔའ་བོ་ཡེ་ཤེས་མཁའ་འགྲོ་ཞེས་བྱ་བས་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ། ཐལ་མོ་སྦྱར་ནས་གསོལ་པ། བཅོམ་ལྡན་ཡེ་ཤེས་མངའ་བདག་ཆེ། །ཡེ་ཤེས་ཀྱི་ནི་རང་བཞིན་དང་། །
239a3 ཡེ་ཤེས་སྐྱེ་གནས་གང་དང་གང་། །རྒྱལ་པོ་ཇི་ལྟར་ལགས་པ་དང་། །གང་ལ་དབང་བྱེད་གང་གིས་འདུལ། །དེ་ཉིད་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །དཔའ་བོ་ཡེ་ཤེས་མཁའ་འགྲོ་ཉོན། །ཡེ་ཤེས་ཞེས་བྱ་རྣམ་པ་ལྔ། །དེ་ཉིད་དོན་ལ་ཤེས་པ
239a4 དང་། །ལོག་རྟོག་ཤེས་པས་མ་བསྒྲིབས་ཕྱིར། །སྤྱི་བོའི་ཡེ་ཤེས་བཤད་པའོ། །མེ་ལོང་ཡེ་ཤེས་མཉམ་ཉིད་དང་། །སོ་སོར་རྟོག་དང་བྱ་ནན་ཏན། །ཆོས་དབྱིངས་ཡེ་ཤེས་ལྔ་པའོ། །དེ་ལ་མེ་ལོང་ཡེ་ཤེས་ནི། །དཔེར་ན་གཡའ་དག་མེ་ལོང་ལ། །གཟུགས་བརྙན་གསལ་བར་སྣང་བ
239a5 བཞིན། །དེ་བཞིན་སེམས་ཀྱི་མེ་ལོང་ལ། །ཉོན་མོངས་གཡའ་ནི་དག་བྱས་ན། །ཆོས་རྣམས་གཟུགས་བརྙན་སྒྱུ་མར་མཐོང་། །སེམས་ཀྱི་མེ་ལོང་གང་ཡིན་ལ། །སྒྱུ་མ་ཙམ་དུ་སྣང་བ་དེ། །ཐ་དད་མི་ཕྱེད་མཉམ་ཡེ་ཤེས། །མཉམ་ཉིད་ཡེ་ཤེས་གང་ཡིན་པ། །ཀུན་རྫོབ་སྒྱུ་མ་ཙམ་དེ་ནི། །
239a6 ལས་དང་མཚན་ཉིད་མ་འདྲེས་པ། །དེ་ཉིད་སོ་སོར་རྟོག་ཡེ་ཤེས། །དེ་ཉིད་ནན་ཏན་སྒྲུབ་བྱེད་དེ། །དེ་ཉིད་དོན་གྲུབ་ཡེ་ཤེས་ཏེ། །ཐམས་ཅད་ཆོས་དབྱིངས་གཞན་མིན་ཏེ། །དེ་ཕྱིར་ཆོས་དབྱིངས་ཡེ་ཤེས་ཡིན། །ཡེ་ཤེས་སྐྱེ་གནས་གང་ཡིན་པ། །ཁ་སྦྱོར་དབུས་ཀྱི་རྩ་བརྒྱད་དོ། །དབྱིངས
239a7 དང་ཡེ་ཤེས་གཉིས་མེད་ཚུལ། །ཤར་དང་ལྷོ་དང་ནུབ་དང་བྱང་། །ཡེ་ཤེས་བཞི་པོ་སྐྱེ་བའི་གནས། །དེ་དག་ཀུན་འདུས་ལྟེ་བ་ནི། །ཆོས་དབྱིངས་ཡེ་ཤེས་སྐྱེ་བའི་གནས། །མེ་ལོང་ཡེ་ཤེས་མཉམ་ཉིད་དང་། །སོ་སོར་རྟོག་དང་བྱ་བ་གྲུབ། །ཆོས་དབྱིངས་ཡེ་ཤེས་ལ་སོགས་པ། །བདག
iiif viewer powered by OpenSeadragon
