| e-texts navigator |
| Wylie |
238a1 ཞིང་དང་ལ་འཇོམས་པར་བྱེད། །ཕ་ལམ་ཟླུམ་པོས་རྩུབ་པ་འཇོམས། །ཟུར་ལྔས་ཐམས་ཅད་ཅི་དགར་བྱེད། །དེ་ནས་ཆེན་པོའི་དོན་བཤད་དེ། །དམིགས་དང་བསམ་པ་སྤྱོད་པ་དང་། །བརྟུལ་ཞུགས་བརྩོན་འགྲུས་སྨོན་ལམ་དང་། །དེ་བཞིན་ཡེ་ཤེས་ཆེན་པོ་སྟེ། །རེ་རེ
238a2 ལ་ཡང་བདུན་བདུན་སྦྱར། །དེ་ཕྱིར་ཆེན་པོ་ཞེས་ནི་བསྟན། །རྒྱུད་ནི་རྣམ་པ་ལྔ་ཡིན་ཏེ། །ཕྱི་དང་ནང་དང་གསང་བ་དང་། །རབ་ཏུ་གསང་དང་གསང་བ་ཆེ། །དེ་རྣམས་རྒྱུན་དུ་གནས་པ་ལ། །རྒྱུ་ཡི་རྒྱུད་དུ་བསྟན་པ་ཡི། །དེ་རྣམས་དོན་ནི་ཇི་བཞིན་རྟོགས། །འབྲས་བུའི་རྒྱུད་དུ་བསྟན་པ
238a3 ཡིན། །རྒྱུད་དང་འབྲས་བུ་གཉིས་མེད་པ། །རྒྱུ་ནི་གཉིས་སུ་མེད་པ་ཡི། །རང་རིག་ཡེ་ཤེས་མཐར་ཐུག་པ། །མཐར་ཐུག་བླ་ན་མེད་པའི་རྒྱུད། །རྒྱལ་པོ་ལ་ཡང་ལྔ་ཡིན་ཏེ། །ཕྱི་ནང་གསང་དང་རབ་ཏུ་གསང་། །ཤིན་ཏུ་གསང་བ་ཆེན་པོ་སྟེ། །དེ་རྣམས་དོན་ལ་དབང་བསྐུར་དང་། །དེ་ཡི
238a4 མི་མཐུན་ཕྱོགས་འཇོམས་ཕྱིར། །དེ་ཕྱིར་རྒྱལ་པོ་ལྔ་རུ་བསྟན། །རྡོ་རྗེ་སྙིང་པོས་ཡང་གསོལ་པ། །བཅོམ་ལྡན་འདས་ནི་ཇི་ལྟར་ལགས། །དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ནི་ཇི་ལྟར་ལགས། །བཙུན་མོའི་བྷ་ག་ཇི་ལྟར་ལགས། །རྡོ་རྗེ་གང་ལགས་སྙིང་པོ་གང་། །
238a5 དཔའ་བོ་གང་ལགས་མཁའ་འགྲོ་གང་། །དཔག་ཏུ་མེད་པ་ཇི་ལྟར་ལགས། །ཐབས་ཅིག་བཞུགས་པ་ཇི་ལྟར་ལགས། །ཕྱི་ནང་གསང་བ་བླ་མེད་པའི། །མཆོད་ནས་ཞེས་པ་ཇི་ལྟར་ལགས། །མངོན་ཕྱོགས་འཁོད་པ་ཇི་ལྟར་ལགས། །ཞལ་འཛུམ་མཛད་པ་ཇི་ལྟར་ལགས། །གཟིགས
238a6 པ་ཞེས་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་མོངས་དང་ནི་འཆི་བདག་བདུད། །ཕུང་པོའི་བདུད་དང་ལྷ་ཡི་བདུད། །བདུད་བཞི་བཅོམ་པས་བཅོམ་པའོ། །ལྡན་པ་ཡོན་ཏན་དྲུག་ལྡན་ཕྱིར། །དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང
238a7 སྐལ་བ་བཟང་། །ཡེ་ཤེས་ཕུན་སུམ་ཚོགས་པ་ལ། །དྲུག་པོ་དེ་ལྡན་ཞེས་བྱ་བ། །འཁོར་བའི་ཆོས་ནི་མྱ་ངན་ཏེ། །དེ་ལྟར་བྲལ་ཕྱིར་འདས་པའོ། །འདས་པའི་དེ་བཞིན་གཤེགས་པ་ཀུན། །འགྲོ་བའི་དོན་མཛད་དེ་བཞིན་གཤེགས། །ཐམས་ཅད་དུས་གསུམ་སངས་རྒྱས་ཀྱི། །སྐུ
iiif viewer powered by OpenSeadragon
