| e-texts navigator |
| Wylie |
237a1 སྔགས་ཀྱི་ལྟ་སྤྱོད་གང་སྤྱོད་པ། །རང་ཡང་ཕུང་ལ་གཞན་ཡང་ཕུང་། །མཐོང་བའི་ཆོས་ལ་དམྱལ་སོགས་འཚེད། །དེ་བས་དངོས་གྲུབ་འདོད་པ་ཡིས། །བླ་མ་དམ་པ་མཉེས་བྱས་ཏེ། །མན་ངག་དམ་པ་བླང་བར་བྱ། །ངེས་པའི་ལྟ་སྤྱོད་མ་རྙེད་པར། །གསང་བའི་ལྷ
237a2 དང་སྤྱོད་པ་དང་། །མོས་པའི་རྗེས་སུ་གང་བྱེད་དང་། །ཉོན་མོངས་ཟིལ་ནོན་ལ་སོགས་དག་།གསང་སྔགས་ལྟ་བུར་སྤྱད་པ་སྤྱོད། །འདི་དག་རྐུན་པོ་མ་རུངས་པ། །མཐོང་བའི་ཆོས་ལ་དམྱལ་བར་སྐྱེ། །དང་པོ་སྲིད་པ་སྐྱེ་བ་ཡང་། །ཡར་ངོ་མར་ངོ་མཚམས་དང་གསུམ། །སིཧླའི་དང
237a3 པོ་ཐ་མ་དང་། །འབྲས་བུ་སྲེད་པ་སྐྱེ་བ་ཡི། །དུས་དེར་ཀུན་དུ་རུ་བྱེད་ན། །འབྱུང་བའི་རླུང་གི་ནང་ཞུགས་ན། །ནད་གཞི་བསྡུས་ཤིང་ནད་གཞི་སྐྱེད། །སྲོག་དང་ཚངས་པར་སྤྱོད་པ་འབྱུང་། །དེ་ལ་འདོད་པའི་མཚོན་ཆས་ནི། །གཡེང་བ་མེ་དང་གཏར་ཀ་བྱ། །ཕྱི་ནས་རིགས་ཀྱི་བདག
237a4 པོས་སོ། །སྲིད་པར་སྐྱེ་བའི་དུས་ཚོད་ཀྱང་། །རྒྱུན་ཆད་ཞག་གསུམ་ཞག་ལྔ་དང་། །བདུན་དང་དགུ་ཡི་དུས་རྣམས་སྤང་། །དེ་ལྟར་རྒྱུད་མཆོག་རྒྱལ་པོའི་དོན། །ཁྱོད་ལ་གཏད་ཀྱིས་ལེགས་པར་ཟུང་། །དེ་ནས་འཁོར་ཐམས་ཅད་དགའ་ཞིང་མགུ་སྟེ་རྗེས་སུ་ཡི་རངས་པར་གྱུར་ཏོ། །དཔལ
237a5 དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ་རྫོགས་སོ། །པཎྜི་ཏ་ག་ཡ་དྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @##། །རྒྱ་གར་སྐད་དུ། །ཤྲཱི་བཛྲ་རཱ་ཛ་མ་ཧཱ་ཏནྟྲ། བོད་སྐད་དུ། དཔལ་རྡོ་རྗེ
237a6 རྒྱལ་པོ་ཆེན་པོའི་རྒྱུད། དཔལ་སྡོམ་པའི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་རྡོ་རྗེ་སྙིང་པོ་ལ་སོགས་པའི་དཔའ་བོ་མཁའ་འགྲོ་གྲངས་མེད
237a7 པ་དང་ཐབས་ཅིག་ཏུ་བཞུགས་པའི་དུས་སུ་ཕྱི་ནང་གསང་བ་བླ་ན་མེད་པའི་མཆོད་པས་མཆོད་ནས། བཅོམ་ལྡན་འདས་ལ་མངོན་དུ་ཕྱོགས་པ་དང་། བཅོམ་ལྡན་འདས་ཞལ་འཛུམ་པ་མཛད་དེ། རྡོ་རྗེ་སྙིང་པོ་ལ་སོགས་པས་གསོལ་པ། རྡོ་རྗེ་གང་ལགས་ཆེན་པོ་གང་། །རྒྱུད་ནི་གང་ལགས
iiif viewer powered by OpenSeadragon
