| e-texts navigator |
| Wylie |
235a1 ན་གཏོར་མ་སྟེ། །འབྲས་སོགས་ཕྱི་ཡི་གཏོར་མ་ཡིས། །གདོན་སོགས་ཞི་བར་མི་འགྱུར་ཏེ། །རང་གི་སྒོ་གསུམ་རྣམ་རྟོག་དག་།གདོན་ལ་སོགས་པར་སྣང་བ་སྟེ། །འཁྲུལ་པའི་རྣམ་རྟོག་མ་སྤངས་པར། །གདོན་སོགས་ཞི་བར་མི་འགྱུར་ཕྱིར། །སྒོ་གསུམ་རྣམ
235a2 རྟོག་འཇོམས་པ་ཡི། །སེམས་ཀྱི་གཏོར་མ་གཏོར་མའི་མཆོག་།གདོན་དང་གནོད་པ་ཞི་བ་དང་། །དམ་ཚིག་གསོ་དང་ལྷ་རྣམས་འགོ། །དངོས་གྲུབ་ཐམས་ཅད་འབྱུང་བར་འགྱུར། །ཕྱི་ནང་གཏོར་མར་ངེས་པའོ། །རྒྱུད་རྣམས་ཉེ་བར་ཞི་བ་དང་། །ལུས་ལས་འབྱུང་ཕྱིར་ལྷ་ཡིན་ཏེ། །ཕྱི་ཡི
235a3 དཀྱིལ་འཁོར་ལྷ་མ་ཡིན། །ལུས་དང་ཡན་ལག་ལྷ་མ་ཡིན། །ཁ་མིག་ལ་སོགས་ལྷ་མ་ཡིན། །ལུས་ལས་མ་བྱུང་གཡེང་བའི་ཕྱིར། །དབང་པོ་སྒོ་གསུམ་གཡེང་བ་དགག་།རང་གི་ལུས་ལ་རང་ལུས་འབྱུང་། །སྒོ་གསུམ་ཞི་ཕྱིར་ལྷ་ཞེས་བརྗོད། །ཡིད་སྐྱོབ་ཕྱིར་ན་སྔགས་ཡིན་ཏེ། །
235a4 རང་སེམས་ལས་སུ་རུང་བ་དང་། །རྣམ་རྟོག་གདོན་རྣམས་ལས་སྐྱོབ་ཕྱིར། །འདི་ནི་སྔགས་ཀྱི་རྒྱལ་པོར་གསུངས། །གཞན་ཡང་དངོས་གྲུབ་འདོད་པ་ཡིས། །ཐམས་ཅད་བླ་མའི་ཞལ་ནས་བླང་། །རྒྱུད་འདི་གཏད་ཀྱིས་ནན་ཏན་གྱིས། །དེའི་ཚེ་འཁོར་འདུས་པ་ཐམས་ཅད་རྒྱུད་ཀྱི་དོན་ལ་ཡི
235a5 རངས་པར་གྱུར་ཏོ། །དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ་རྫོགས་སོ། །རྒྱ་གར་གྱི་མཁན་པོ་ག་ཡ་བྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @##། །རྒྱ་གར་སྐད་དུ། ཤྲཱི་ཤྨཱ་ཤཱ་ནི་ཨ་ལཾ་ཀཱར་ཏནྟྲ
235a6 རཱ་ཛ། བོད་སྐད་དུ། དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །འཇིགས་བྱེད་ཆེ་ལ་ཕྱག་འཚལ་ཏེ། །ཞབས་ལ་སྤྱི་བོས་ལེགས་བཏུད་ནས། །དུར་ཁྲོད་གང་ལགས་རྒྱན་གང་ལགས། །རྒྱུད་ནི་གང་ལགས་རྒྱལ་པོ་གང་། །བཅོམ་ལྡན་འདས་ཀྱིས
235a7 བཀའ་སྩལ་པ། །ལེགས་སོ་རྡོ་རྗེ་སྙིང་པོ་ལེགས། །ལེགས་པར་ཉོན་ལ་ལེགས་པར་ཟུང་། །དང་པོར་དུར་ཁྲོད་བཤད་བྱ་སྟེ། །དུར་ཁྲོད་སྤྱི་དང་བྱེ་བྲག་གནས། །གཞལ་ཡས་ཁང་གི་ཕྱི་རོལ་ཏེ། །རྡོ་རྗེ་ར་བའི་ནང་རོལ་དུ། །འཇིགས་པ་ཆེན་པོ་སྤྱི་ཡི་གནས། །བྱེ་བྲག་ཤར་ལ་སོགས
iiif viewer powered by OpenSeadragon
