| e-texts navigator |
| Wylie |
234a1 པའི་རང་བཞིན་གཏུམ་མོ་སྟེ། །ནང་གི་ལྷ་ཡི་ངོ་བོ་སྟེ། །གསང་བའི་ལྷ་ཡི་རིང་བའི་རྒྱུ། །དེ་ནས་གསང་བའི་དཀྱིལ་འཁོར་ཡང་། །དབང་པོ་གཉིས་སྦྱོར་ཀུན་དུ་རུ། །དེ་ཡི་ཕྱིར་ན་བྷ་ག་ཡིན། །དགའ་བ་ལ་སོགས་སྒྱུ་མ་ཡི། །ཕྲ་བའི་ལམ་སྤོང་ལས་ཡིན
234a2 ཏེ། །སེམས་ཀྱི་དྲི་འཁྲུད་འདོད་ཆགས་དག་།རང་རིག་སེམས་ཀྱི་རྒྱལ་པོའི་རྒྱུ། །དེ་ནས་བཞི་བའི་དཀྱིལ་འཁོར་ནི། །ཆོས་སྐུ་སྐྱེ་མེད་ནམ་མཁའ་བཞིན། །རང་རིག་སྟོང་པ་འོད་གསལ་ལ། །བསྒོམས་པས་ཉེས་པ་མ་ཡིན་ཏེ། །མ་བསྒོམས་པས་ཀྱང་ཉེས་པ་མིན། །བསྒོམ
234a3 པ་ཉིད་ཀྱང་རྟོག་པ་སྟེ། །མི་བསྒོམ་པ་ཡང་རྟོག་པ་ཉིད། །བསྒོམ་དུ་རྡུལ་ཙམ་མེད་པ་ལ། །ཡེངས་སུ་སྐད་ཅིག་མེད་པ་འདི། །ལྷ་ཡི་རྒྱལ་པོ་ཡིན་པར་འདོད། །དཀྱིལ་འཁོར་རྣམས་ཀྱི་མཆོག་གྱུར་པ། །རང་རིག་ཡེ་ཤེས་མེ་བོ་ཆེ། །ཐམས་ཅད་འདི་ལ་གནས་པ་སྟེ། །དཔེར
234a4 ན་འཁོར་ལོས་སྒྱུར་བའི་རྒྱལ་པོ་དག་། ཡུལ་དང་གྲོང་ཁྱེར་དག་ཏུ་མི་འགྲོ་ཡང་། །ཡུལ་ན་འདོད་པ་ཐམས་ཅད་སྡུད་པ་ལྟར། །མཆོད་དང་གཏོར་མ་ལ་སོགས་པའི། །ལས་དང་བྱ་བ་སྣ་ཚོགས་ཀུན། །སེམས་ཀྱི་དེ་ཉིད་ཤེས་གྱུར་ན། །ཐམས་ཅད་འདི་ལ་སྡུད་པར་ངེས། །ལས
234a5 ནི་ཟབ་པའི་ལམ་སྤོང་སྟེ། །སྒོ་གསུམ་རྣམ་དག་དུག་གསུམ་འཇོམས། །གཟུགས་སྐུ་གཉིས་ནི་འབྱུང་བའི་རྒྱུ། །སྦྱིན་སྲེག་རྣམ་པ་བཞི་ཡིན་ཏེ། །སྤྱི་ཡི་ཐུན་མོང་ཡིན་པར་གསུངས། །དེ་ནས་ནང་གི་སྦྱིན་སྲེག་ཀྱང་། །ལྟེ་བ་སྙིང་ག་སྤྱི་བོ་མགྲིན། །རིགས་ནི་ངེས་པའི་ཐབ་ཁུང་སྟེ། །
234a6 སྐུ་ནི་སྤྱི་བོ་གསུང་མགྲིན་པ། །སྙིང་གར་ཐུགས་ཏེ་ཡོན་ཏན་དང་། །ཕྲིན་ལས་གཏུམ་མོ་གཉིས་སུ་ངེས། །རླུང་དང་རྩ་དང་ཐིག་ལེ་དང་། །རང་བཞིན་གནས་པའི་ཡེ་ཤེས་མེ། །མེ་ལྷ་དག་པས་བདག་པོའི་ལྷ། །སྐུ་མདོག་ཕྱག་མཚན་རྣམ་རྟོག་དག་།སྲེག་རྫས་བསྲེག་སྟེ་མེ
234a7 མཆོད་བྱ། །ཉེ་བར་ཞི་བ་སྦྱིན་པ་དང་། །རྣམ་རྟོག་སྲེག་ཕྱིར་སྦྱིན་སྲེག་སྟེ། །རང་ལུས་ཡེ་ཤེས་མེ་ཡིས་ནི། །རྟོག་པའི་བུད་ཤིང་བསྲེག་བྱ་བ། །འདི་ནི་སྦྱིན་སྲེག་ཚད་མ་སྟེ། །ཏིལ་སོགས་སྡིག་པར་ངེས་པའམ། །ལས་ཀྱི་མེ་ཉིད་ཡེ་ཤེས་སམ། །བསྲེགས་པས་ངེས་པར
iiif viewer powered by OpenSeadragon
