| e-texts navigator |
| Wylie |
232b1 བཞིན་སྤྱན་དྲངས་བཞུགས་སུ་གསོལ། །མེ་མཆོད་སྡིག་པ་བསྲེག་པ་ཡི། །སྔགས་དང་རྫས་སོགས་གཞན་དང་འདྲ། །མེ་དང་དུ་བ་རླུང་སོགས་ཀྱི། །མཚན་མ་མཁས་པས་བརྟག་བྱ་སྟེ། །བཀྲ་ཤིས་རྟགས་རྣམས་བྱུང་ན་ལེགས། །མེད་ན་སྡིག་པ་བསྲེག་པར་བྱ། །དུང་ལ་སོགས་པ
232b2 བྱུང་ན་རབ། །མ་བྱུང་ན་ཡང་ཆོ་ག་རྣམས། །རྫོགས་པ་ལས་བྱུང་རུས་པ་རྣམས། །འདི་ནི་ཐལ་བ་ཆེན་པོ་སྟེ། །དེ་ལས་གཞན་པ་ཐལ་བར་གསུངས། །དེ་ནས་རུས་བ་ཞག་གསུམ་ནི། །གུར་ཀུམ་ལ་སོགས་དྲིས་གཏོར་ཏེ། །རུས་པའི་མཚན་མ་བརྟག་བྱ་སྟེ། །ཁ་དོག་དབྱིབས་དང་དྲི་དང་རོ། །
232b3 བླ་མའི་ཞལ་ནས་ཤེས་པར་བྱ། །གདོན་བསལ་ཁྲུས་བྱ་རུས་པ་བརྡུང་། །མཉམས་དུམ་བུ་གཅིག་པ་ལ། །དྲི་སོགས་བསྒོས་པའི་ནང་དུ་སྟེ། །དཀྱིལ་འཁོར་ཡོངས་སུ་རྫོགས་པ་ཡི། །སྟེང་དུ་སེང་གེའི་ཁྲི་དག་ལ། །སེང་གེ་རྒྱལ་ཆེན་འོག་གི་རྒྱན། །སྟེང་ནས་གདུགས་དང་རྒྱལ་མཚན་ཏེ། །
232b4 གནས་དེར་རུས་པ་གཞག་བྱས་ལ། །མེ་ཏོག་བྱས་ནས་ཞག་ལྔ་རུ། །བསྙེན་པ་བྱས་ཏེ་དྲུག་པ་ལ། །གདུང་བྱུང་སྟ་གོན་བདུན་པ་ལ། །ཚ་ཚ་རབ་ཏུ་གནས་པར་བྱ། །དང་པོར་རོ་བསྲེགས་དུས་སུ་ཡང་། །ཤི་བ་དང་པོ་ནས་བཟུང་སྟེ། །ཞག་ལྔ་རོ་ཡི་བསྙེན་པ་སྟེ། །དྲུག་པ་རོ་ཡི་སྟ་གོན་ནོ། །བདུན
232b5 པ་དུར་ཁྲོད་རབ་ཏུ་གནས། །དང་པོར་སྣང་བ་གཉིས་པར་རོ། །གསུམ་པ་རུས་པ་མྱ་ངན་འདས། །མྱ་ངན་འདས་པ་རྣམ་པ་གསུམ། །གཞན་ལ་མེད་ཅིང་རང་ལ་མེད། །དམན་ལ་མེད་ཅིང་དེ་རྗེས་མེད། །ཐབས་སུམ་གསུངས་ཤེས་རབ་ཀྱི། །རྩ་རྒྱུད་བཤད་རྒྱུད་ཕྱི་མ་དང་། །ཕྱི་མའི་ཕྱི་མར་མ
232b6 གསུངས་པའོ། །མྱ་ངན་འདས་པ་རྣམ་པ་གསུམ། །བདུད་རྩི་སྒྲོན་མ་ར་ལི་ཡི། །རྒྱུད་དུ་ཁྱོད་ལ་ང་ཡིས་བཤད། །དེ་ནས་ཚ་ཚའི་རིམ་པ་ཡང་། །སྣང་བ་རྒྱལ་པོ་ལ་སོགས་ལ། །མཐུན་པའི་གཏམ་གྱིས་ས་སོགས་བླང་། །མི་སྣང་ས་བདག་ལ་སོགས་ལ། །གཏོར་མ་མེ་ཡིས་ས་སོགས་བླང་། །
232b7 དེ་ནས་སྐུད་པ་རྣམ་ལྔ་ཡང་། །ཕན་པ་རྡོ་རྗེ་ཅན་དང་ཡང་། །གཟི་བརྗིད་གར་དང་རྡོ་རྗེ་རྒྱལ། །སྲད་བུས་ས་གཟུངས་སྦྱང་སོགས། །ཆོ་ག་གཞན་དང་མཐུན་པར་བྱ། །དུར་ཁྲོད་གནས་སུ་རྩ་བ་ཡི། །དཀྱིལ་འཁོར་ཆེན་པོ་བཞེངས་པར་བྱ། །ལྷ་གྲངས་དུ་ཡོད་གཏོར་མ་གཏང་། །སྦྱིན་སྲེག་དག
iiif viewer powered by OpenSeadragon
