| e-texts navigator |
| Wylie |
232a1 རྩོལ་བ་ལ་ཐིམ་སྟེ། །རྩོལ་བ་རྣམ་ཤེས་ལ་ཐིམ་པའི། །སྐད་ཅིག་དང་པོ་འཆི་བ་སྟེ། །རྡོ་རྗེ་ཅན་སོགས་རིགས་བཞི་དང་། །རྣམ་སྣང་ཐ་དད་བྲལ་བ་ཡི། །སྐད་ཅིག་དང་པོ་ཤི་བ་སྟེ། །དེ་ནས་ཞག་བདུན་བར་དུ་གཞག་།ལུས་ཀྱི་མཁའ་འགྲོ་མྱ་ངན་འདས། །དེ་ནི་ཤི་བ
232a2 ཆེན་པོར་གྲགས། །ལུས་ནི་ཏ་ལའི་མགོ་བོ་འདྲ། །འདི་ཉིད་རོ་ཞེས་གསུངས་པ་སྟེ། །ཡེ་ཤེས་དབབ་དང་ཡེ་ཤེས་བརྟན། །མཁའ་སྤྱོད་ས་སྤྱོད་ས་འོག་སྤྱོད། །སྤྱི་བོ་མགྲིན་པ་སྙིང་ག་རུ། །དྲི་ཡི་ཐིག་ལེ་གསུམ་བྱས་ཏེ། །སྐུ་གསུང་ཐུགས་སུ་བྱིན་གྱིས་བརླབ། །ཐོག་མར་དྲི་ཞིམ་སྣ
232a3 ཚོགས་ཀྱིས། །ཁྲུས་བྱས་གནས་ནི་བཅུ་གཉིས་སུ། །དྲི་ཡི་ཐིག་ལེ་བཅུ་གཉིས་བྱ། །དཔའ་བོ་མཁའ་འགྲོས་བྱིན་གྱིས་བརླབ། །གཞན་ཡང་རྒྱན་ལ་སོགས་པ་ཀུན། །དངོས་སུ་གནས་པས་རབ་ཏུ་ངེས། །རི་མོར་བྲིས་པ་འབྲིང་པོ་སྟེ། །དྲི་ཡི་ཐིག་ལེ་ཐ་མར་ངེས། །གཡས་བརྐྱང་ལ
232a4 སོགས་འདུག་སྟངས་ཀྱིས། །ཧེ་རུ་ཀར་གྲགས་ཆེན་པོར་བཞེངས། །རང་རིག་བདག་པོ་གང་ཡིན་པ། །ཧེ་རུ་ཀ་རུ་ངེས་པ་དང་། །དེ་ལ་དུས་དྲུག་མཆོད་པས་མཆོད། །འདི་དག་རོ་ནི་ཆེན་པོ་སྟེ། །འཆི་བ་ཞེས་ནི་རྣམ་རྟོག་སྟེ། །མཁའ་སྤྱོད་གནས་སུ་འཁྲིད་པར་བྱེད། །རང་བཞིན་བསྲེགས
232a5 པ་ཐལ་བ་སྟེ། །རྩ་བའི་དཀྱིལ་འཁོར་ལ་བརྟེན་ནས། །ཆོས་སྐུ་གཟུགས་བརྙན་རིམ་བཞིན་བརྩིག་།ཡང་ན་བུམ་པ་ལྟ་བུ་ཡི། །གཞལ་ཡས་ཁང་པ་བརྩེག་མར་བརྩིག་།མི་འཆི་བཅུ་ཕྱེད་སྙིང་པོ་དང་། །ཙནྡན་གུར་ཀུམ་ལ་སོགས་པའི། །དྲི་ཡིས་བྱུགས་ཤིང་བསྒོ་བར་བྱ། །ཙནྡན་དམར
232a6 པོ་ལ་སོགས་པའི། །དྲི་ཞིམ་ལྡན་པའི་ཤིང་བུ་འམ། །ཡང་ན་འབྲས་བུ་ཡོད་པ་ཡི། །བུད་ཤིང་ཚད་དང་མཐུན་པ་ཡིས། །ཐབ་ཁུང་ཆེན་པོར་རྫོགས་པར་བརྩིག་།བླ་མ་དམ་པ་མཉེས་བྱས་ལ། །ཞལ་ནས་ཡང་དག་ཤེས་པར་བྱ། །ཟུར་བཞི་རྒྱལ་པོ་ཆེན་པོ་བཞི། །ཕྱོགས་བཞི་མི་འཇིགས་སེང་གེ
232a7 བརྒྱད། །ཀ་བ་བཞི་དང་གདུང་བཞིར་ལྡན། །ཆོ་ག་ཡོངས་སུ་རྫོགས་པ་དང་། །རིག་པའི་དཀྱིལ་འཁོར་གཞུག་པ་དང་། །སྔར་གྱི་དབང་ཐོབ་རྫོགས་པར་བསྐུར། །དེ་ནས་རྒྱུན་གཞག་མེ་སྦར་ཏེ། །མེ་ལྷ་ལ་སོགས་གཞན་དང་འདྲ། །དེ་ནས་རིག་པ་དེ་ཉིད་ཀྱང་། །མེ་ཡི་ཁང་པ་མཛེས་པ་རུ། །རང
iiif viewer powered by OpenSeadragon
