| e-texts navigator |
| Wylie |
229b1 པའི་གཞི། །འདོད་ཆགས་འདོད་ཆགས་ཆེན་པོ་སྟེ། །འཁྲུལ་གཞི་འཁྲུལ་པ་ལས་འདས་ན། །འདོད་ཆགས་ཆེན་པོ་བཅོམ་ལྡན་འདས། །ཞེ་སྡང་ཞེ་སྡང་ཆེན་པོ་དང་། །དེ་བཞིན་ཞེ་སྡང་བཅོམ་ལྡན་འདས། །གཏི་མུག་གཏི་མུག་ཆེན་པོ་སྟེ། །དེ་བཞིན་གཏི་མུག་བཅོམ་ལྡན་འདས། །
229b2 འདི་ཡིས་ངེས་པར་གྲོལ་འགྱུར་གྱིས། །འདི་སྤངས་གཞན་གྱིས་གྲོལ་བ་མིན། །བདག་པོ་ལྷ་དང་བླ་མ་སྤུན། །བདག་པོ་ལྷན་ཅིག་རྣལ་འབྱོར་ཙམ། །ཐེག་པ་སྤྱི་བསྡུས་དེ་ལས་གཞན། །སྐྱེ་བོའི་བེམས་པོ་ཆ་དང་བརྒྱད། །དེ་དག་རང་རིག་ཐོབ་པའི་རྒྱུ། །དེ་ཕྱིར་དམ་ཚིག་གཙོ་བོར
229b3 བསྲུང་། །འབྲས་བུའི་ཁྱད་པར་རང་རིག་འབྱུང་། །ཀྱེ་མ་མགོན་པོ་ཀྱེ་སངས་རྒྱས། །འདོད་ཆགས་དབྱེ་བ་དེ་ལྟར་ན། །དེ་ཡི་ངོ་བོ་ཇི་ལྟར་ལགས། །ཞེ་སྡང་ལ་སོགས་དེ་དང་འདྲ། །རྡོ་རྗེ་སྙིང་པོ་སྙིང་རྗེ་ཆེ། །ལེགས་པར་ཉོན་ལ་ཡིད་ལ་ཟུང་། །ལས་དང་ལས་ཀྱི་རྣམ་སྨིན་གྱི། །རྒྱུ
229b4 འབྲས་མི་ཤེས་གཏི་མུག་སྟེ། །ལུས་སེམས་ཀུན་ནས་འཁྲུག་པ་དག་།ཞེ་སྡང་ཡིན་ཏེ་སྒོ་གསུམ་གྱིས། །ཀུན་ནས་བསླང་སྟེ་ནོར་བུའི་མཐར། །ས་བོན་འབྱུང་བ་འདོད་ཆགས་སོ། །དབང་སོགས་ངོ་བོ་གང་ལས་ཤེས། །འདོད་ཆགས་ལ་སོགས་ཆེན་པོར་ངེས། །རང་རིག་ངོ་བོ་གང
229b5 ལ་གནས། །འོག་མ་སྤོང་བའི་གཉེན་པོ་སྟེ། །ངོ་བོར་སྒྱུ་མར་གང་ཤེས་དང་། །དབང་པོའི་སྒོ་བསྡུས་ཐབས་ཡིན་ནོ། །གོང་མ་སྐྱེ་བའི་རྒྱུར་འགྱུར་བའི། །ཕྱིར་ཡང་ཆེན་པོར་གྱུར་པ་སྟེ། །གཞན་གྱི་དོན་དུ་གྱུར་པ་དང་། །དེ་ལས་གཞན་དག་མོས་འགྱུར་དང་། །མང་པོ་མི་མོས་སྤོང་བ་དང་། །
229b6 ཉོན་མོངས་སྤྱི་ཡིས་ཟིལ་མ་ནོན། །བྱེ་བྲག་འདོད་ཆགས་ཞེ་སྡང་སོགས། །ཟིལ་གྱིས་མི་ནོན་འོག་མ་ཡི། །རྣམ་རྟོག་གང་ཡང་མི་སྐྱེ་དང་། །ཉོན་མོངས་སྤྱི་དང་བྱེ་བྲག་སྤོང་། །གཉེན་པོ་ཡིན་པར་ངེས་པ་དང་། །ཉོན་མོངས་སྐྲ་རྩེ་ཙམ་མི་སྐྱེ། །གཉིས་ནི་གོང་དང་འདྲ་བ་སྟེ། །བཅུ་གཉིས
229b7 འདོད་ཆགས་ཆེན་པོ་དག་། བཅོམ་ལྡན་འདས་སུ་གསུངས་པ་སྟེ། །ཞེ་སྡང་ལ་སོགས་དེ་བཞིན་ནོ། །ཟབ་མོའི་ལྟ་སྤྱོད་མ་རྟོགས་པར། །སྔགས་སྤྱོད་བཟླས་པ་ལ་སོགས་བྱེད། །དེ་དག་ངལ་བ་དོན་མེད་ཡིན། །དེ་དག་བླ་མ་དམ་པ་ལས། །མན་ངག་དམ་པ་བཙལ་བྱ་སྟེ། །འཁྲུལ
iiif viewer powered by OpenSeadragon
