| e-texts navigator |
| Wylie |
224b1 མེ་ཡི་ཕྲེང་བའི་རྒྱུད་དུ་གྲགས། །དབང་གསུམ་དོན་ནི་གང་སྟོན་པ། །སྐུ་གསུང་ཐུགས་ཀྱི་ར་ལིར་ངེས། །སྣོད་བཅུད་རིན་ཆེན་སྟོན་བྱེད་པ། །རིན་ཆེན་ཕྲེང་བའི་ར་ལིར་ངེས། །ལྷན་ཅིག་སྐྱེས་སྟོན་ཡེ་ཤེས་བསམ། །རྡོ་རྗེ་རྙོག་པ་མེད་པའོ། །ལྷ་ཡི་དེ་ཉིད་གང་སྟོན་པ། །
224b2 ཆགས་པའི་རྒྱལ་པོའི་ར་ལིར་ངེས། །ངེས་པ་ལྔ་སྟོན་རྡོ་རྗེ་རྒྱལ། །རི་གི་ཨཱ་ར་ལི་ཞེས་གྲགས། །དུར་ཁྲོད་བརྒྱད་སྟོན་དུར་ཁྲོད་རྒྱན། །དམ་ཚིག་སྡོམ་པ་མཁའ་འགྲོ་གསུམ། །སྟོན་པ་མཁའ་འགྲོ་སྡོམ་པའོ། །དཀྱིལ་འཁོར་ལ་སོགས་དྲུག་སྟོན་པ། །གསང་བ་བདུད་རྩིའི་རྒྱལ
224b3 པོའོ། །འཁྲུལ་པ་འཁྲུལ་གཞི་དེ་བསད་པ། །གསུམ་སྟོན་ཡེ་ཤེས་རྒྱལ་པོའི་རྒྱུད། །མ་སྤངས་ངེས་སྟོན་ཉི་འཁོར་ལོ། །ཚད་ངེས་བསྒྲུབ་གསུམ་སྟོན་ཟླ་ཕྲེང་། །རྒྱུད་སོགས་ལྔ་སྟོན་ཡེ་ཤེས་འབར། །དེ་ནས་འཁོར་ཐམས་ཅད་དགའ་ནས་རྒྱུད་ཐམས་ཅད་ཀྱི་དོན་ལ་ཡི་རངས་པར
224b4 གྱུར་ཏོ། །དཔལ་ཟླ་བའི་ཕྲེང་བའི་རྒྱུད་ཀྱི་རྒྱལ་པོ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @##། །རྒྱ་གར་སྐད་དུ། ཤྲཱི་རཏྣ་ཛྭ་ལ་ཏནྟྲ་རཱ་ཛ་ནཱ
224b5 མ། བོད་སྐད་དུ། དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཧེ་ཧེ་རྡོ་རྗེ་སྙིང་པོ་དང་། །མཁའ་སྤྱོད་མ་ལ་སོགས་པ་དག་།སྒོ་གསུམ་ལེགས་པར་བསྡུས་ནས་ནི། །ར་ལི་ཆེན་པོའི་དབྱེ་བ་ཉོན། །ལ་ལས་བྱུང་བ་ཐབས་ཀྱི་རྒྱུད། །
224b6 ར་ལས་བྱུང་བ་ཤེས་རབ་རྒྱུད། །ི་ཕྱིས་ཨ་ལས་གཉིས་མེད་རྒྱུད། །ཐབས་ནི་སྐུ་སྟེ་ཤེས་རབ་གསུང་། །གཉིས་མེད་ཐུགས་སུ་ཤེས་པར་བྱ། །སྐུ་གསུང་ཐུགས་ཀྱི་རང་བཞིན་ལས། །ཉི་ཤུ་རྩ་བཞི་བྱུང་བའོ། ། ལ་ལ་ཧོ་ཨེ་མའོ། །ཐབས་ནི་ལ་ལས་ཇི་ལྟར་བྱུང་། །ར་ལས
224b7 ཤེས་རབ་ཇི་ལྟར་བྱུང་། ། ལས་གཉིས་མེད་ཇི་ལྟར་བྱུང་། །སྐུ་གསུང་ཐུགས་སུ་ཇི་ལྟར་འགྱུར། །ཉི་ཤུ་རྩ་བཞིར་ཇི་ལྟར་དབྱེ། །ེ་མའོ་མགོན་པོས་བཤད་དུ་གསོལ། །འཇིགས་བྱེད་ཆེན་པོས་བཀའ་སྩལ་པ། ། ལས་ཨ་བ་དྷཱུ་ཏཱི་སྟེ། །འདི་ཉིད་ལས་ནི་གཉིས་མེད་རྒྱུད། །
iiif viewer powered by OpenSeadragon
