| e-texts navigator |
| Wylie |
224a1 ཚིག་ཆེན་པོའི་རྒྱུད་ཀྱི་ཚད། །དྲུག་ཅུ་ཡི་གེ་ཉི་ཤུ་གཅིག་།གསང་བ་རྡོ་རྗེར་རབ་ཏུ་གྲགས། །དྲུག་ཅུ་རྩ་གཉིས་མི་འགྱུར་བ། །བཅུ་དྲུག་སྟོབས་པོ་ཆེ་ཡི་ཚད། །བཞི་བཅུ་རྩ་གཅིག་ཡི་གེ་ལྔ། །ནམ་མཁའ་ཆེན་པོའི་ཚད་ཡིན་ནོ། །དྲུག་ཅུ་རྩ་དྲུག་ཡི་གེ་དྲུག་།ཡེ
224a2 ཤེས་འབར་བའི་ལྡང་ཚད་དོ། །སུམ་ཅུ་རྩ་དྲུག་ཡི་གེ་དགུ། །ཡེ་ཤེས་ཕྲེང་བའི་ཚད་ཡིན་ནོ། །སུམ་ཅུ་རྩ་བཞི་ཉི་ཤུ་བཞི། །མཁའ་འགྲོ་གསང་བའི་ཚད་ཡིན་ནོ། །སུམ་ཅུ་རྩ་བཞི་བཅུ་བཞི་དག་།མེ་ཡི་ཕྲེང་བའི་ཚད་ཡིན་ནོ། །ཉི་ཤུ་རྩ་གཉིས་བརྒྱད་དག་།ཡེ་ཤེས
224a3 རྒྱལ་པོའི་ལྡང་ཚད་དོ། །བདུན་ཅུ་རྩ་བརྒྱད་རྐང་པ་ཕྱེད། །ཆགས་པའི་རྒྱལ་པོའི་ཚད་ཡིན་ནོ། །ཚིགས་སུ་བཅད་པ་ཉི་ཤུ་ལྔ། །ཡེ་ཤེས་བསམ་པའི་ལྡང་ཚད་དོ། །དགུ་བཅུ་གོ་བརྒྱད་ལས་བྱུང་བ། །ཡེ་ཤེས་གསང་བའི་ཚད་ཡིན་ནོ། །ཉི་ཤུ་ཐམས་པ་གང་ཡིན་པ། །
224a4 གསང་བ་རྡོ་རྗེ་རྒྱལ་པོའི་ཚད། །བརྒྱ་དང་ཉི་ཤུ་རྩ་གཉིས་ནི། །རྡོ་རྗེ་རྒྱལ་པོ་ར་ལིའི་ཚད། །ལྔ་བཅུ་རྩ་གསུམ་ཡི་གེ་བཅུ། །དུར་ཁྲོད་རྒྱན་གྱི་ལྡང་ཚད་དོ། །སུམ་ཅུ་རྩ་གསུམ་ཡི་གེ་ནི། །བཅུ་དྲུག་མཁའ་འགྲོ་མ་སྡོམ་ཚད། །ལྔ་བཅུ་ཡི་གེ་ལྔ་ལས། །བྱུང་བ་གསང
224a5 བ་བདུད་རྩིའི་རྒྱལ། །བཞི་བཅུ་ཡི་གེ་ཉི་ཤུ་བཞི། །ཉི་མའི་འཁོར་ལོའི་གཞུང་ཚད་དོ། །སུམ་ཅུ་ཡི་གེ་བཅུ་དྲུག་ལས། །བྱུང་བ་ཟླ་བའི་ཕྲེང་ཚད་དོ། །དེ་ནས་ངེས་པར་བཤད་བྱ་སྟེ། །གསང་བའི་འཁོར་ལོ་གང་སྟོན་པ། །གསང་བའི་རྡོ་རྗེའི་དམ་ཚིག་དག་།སྟོན་པ་དམ
224a6 ཚིག་ཆེན་པོར་ངེས། །དགྲ་དྲུག་སྟོན་པ་སྟོབས་པོ་ཆེ། །དབང་བཞི་དགག་སྒྲུབ་གསང་བ་གཅོད། །རང་རིག་དེ་སྟོན་བསམ་མི་ཁྱབ། །ཡི་གེ་གསུམ་སྟོན་རིན་ཆེན་འབར། །སྒོ་གསུམ་ལམ་སྟོན་ནམ་མཁའ་མཉམ། །བཅོམ་ལྡན་ལ་སོགས་ཐེ་ཙོམ་མེད། །སྟོན་པ
224a7 ནམ་མཁའ་ཆེན་པོ་སྟེ། །དབང་བཞིའི་དེ་ཉིད་གང་སྟོན་པ། །ཡེ་ཤེས་གསང་བའི་རྒྱུད་དུ་ངེས། །ལྟ་སྤྱོད་རྨད་དུ་གང་བྱུང་བ། །སྟོན་པ་ཡེ་ཤེས་ཕྲེང་བར་ངེས། །གླེང་བསླང་རྣམ་པ་ལྔ་ཡི་དོན། །སྟོན་པ་མཁའ་འགྲོ་གསང་བའི་རྒྱུད། །ཧེ་རུ་ཀ་དཔལ་གང་སྟོན་པ། །
iiif viewer powered by OpenSeadragon
