| e-texts navigator |
| Wylie |
223b1 འཚལ་ལོ། ཀྱེ་ཧོ་མགོན་པོ་རྡོ་རྗེ་ཅན། །སྒྲོན་མ་ཉི་ཤུ་རྩ་བཞི་ཡི། །ངེས་པ་གང་ལགས་ཚད་གང་ལགས། །རང་བཞིན་གྲུབ་པ་ཇི་ལྟར་ལགས། །མགོན་པོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །རང་བཞིན་གྲུབ་པ་སྒྲུབ་འདོད་པ། །བླ་མའི
223b2 བཀའ་དྲིན་ལེགས་མནོས་ཏེ། །དུར་ཁྲོད་ལ་སོགས་ས་ཕྱོགས་སུ། །བར་ཆད་གསུམ་མེད་ཡོན་ཏན་ལྡན། །བརྟགས་པ་ལས་དང་པོ་ཡི་གནས། །གང་ཟག་མཆོག་ལ་བརྟག་ཏུ་མེད། །ཡོན་ཏན་ལྡན་པའི་སར་འདུག་སྟེ། །བླ་མེད་སེམས་གཟུང་རྣལ་འབྱོར་པས། །སྒོ་གསུམ
223b3 དལ་བའི་ཚད་བརྟག་སྟེ། །བཅིང་བ་གསུམ་ནི་ངེས་བསྒོམས་པས། །སྐྱེ་བ་གཅིག་གིས་གྲུབ་པར་ངེས། །དབུགས་བཅིང་ཀུན་རྫོབ་སྣ་རྩེ་ཡིན། །ཡིད་བཅིངས་སོར་བཞི་ནམ་མཁའི་ཁམས། །སེམས་བཅིངས་རང་རིག་བསམ་མི་ཁྱབ། །རྒྱུ་རྐྱེན་ལས་ནི་སྣ་ཚོགས་ལས། །སེམས
223b4 ཅན་མོས་པ་སྣ་ཚོགས་འབྱུང་། །དེ་དག་བཅིངས་གསུམ་དག་པ་ཡིས། །སེམས་ཅན་བཅིངས་ལས་ངེས་པར་གྲོལ། །བླ་མའི་ཞལ་ནས་ཤེས་པར་བྱ། །འདུ་ཤེས་གསུམ་གྱི་ཆ་ལས་གྲོལ། །ཐིག་ལེ་ཆ་གསུམ་ཕྲ་མོ་ནི། །ཡན་ལག་ལྔ་ལྡན་འབྱུང་བའི་རིམ། །སྒྲ་དང་རང་རིག་རེ
223b5 རེར་སྣང་། །སྟོང་ཉིད་ཐབས་དང་ཤེས་རབ་ཚུལ། །ས་དང་ལམ་སོགས་རིམ་པ་ཀུན། །རང་བཞིན་གྱིས་གནས་མཁས་པས་སྦྱར། །དེ་ནས་སྒྲོན་མའི་ཚད་བསྟན་ཏེ། །ཚད་ནི་སྤྱི་དང་བྱེ་བྲག་སྟེ། །བརྒྱ་ཕྲག་གཉིས་དང་བཅུ་གཉིས་དང་། །ཡི་གེ་གསུམ་ལས་ངེས་འབྱུང་བ། །
223b6 གསང་བ་གཅོད་པའི་རྒྱུད་ཀྱི་ཚད། །བརྒྱ་ཕྲག་གཅིག་དང་སུམ་ཅུ་ལྔ། །ཡི་གེ་བཅུ་དགུ་ལས་བྱུང་བ། །རིན་ཆེན་ཕྲེང་བའི་ངེས་པའི་ཚད། །བརྒྱ་ཕྲག་གཅིག་དང་སུམ་ཅུ་བཞི། །མི་འགྱུར་བཅུ་གསུམ་ལས་བྱུང་བ། །སྐུ་གསུང་ཐུགས་ཀྱི་སྒྲོན་མའོ། །བརྒྱད་ཅུ་རྩ་ལྔར་ཡི་གེ་བཞིས། །
223b7 མ་ཚང་པ་ལས་གང་འགྱུར་བ། །གསང་བ་བསམ་གྱིས་མི་ཁྱབ་པའོ། །བརྒྱད་ཅུ་རྩ་གཉིས་ཡི་གེ་གཅིག་།རིན་ཆེན་འབར་བའི་ལྡང་ཚད་དོ། །སུམ་ཅུ་རྩ་གཅིག་ཡི་གེ་ནི། །ཉི་ཤུ་རྩ་གཉིས་ལས་བྱུང་བ། །ནམ་མཁའ་མཉམ་པའི་ཚད་ཡིན་ནོ། །དྲུག་ཅུ་རྩ་དྲུག་ཡི་གེ་དྲུག་།དམ
iiif viewer powered by OpenSeadragon
