| e-texts navigator |
| Wylie |
222b1 དྲི་མེད་སྨན་དང་སྣུམ་ལྡན་པའི། །ཟུག་རྔུ་མི་སྐྱེད་མཆོད་རྫས་ཀྱིས། །བཻ་རོ་ཙ་ནའི་ལམ་དུ་མཆོད། །དྲི་ཞིམ་ཆུ་ཡིས་ཁྲུས་བྱས་ཏེ། །ཁྲུས་ཀྱིས་ལུས་ལ་མཆོད་པ་དབུལ། །སྨན་དང་སྣུམ་གྱི་ཕྱེ་མ་ཡིས། །སྒོ་གཉིས་དག་ཏུ་མཆོད་པ་དབུལ། །ཤིན་ཏུ་དྲོ་བའི་མེ་དག་གིས། །
222b2 གཏུམ་མོའི་མེ་ལ་མཆོད་པ་དབུལ། །རྐེད་པའི་ཚད་མཉམ་ཀ་ཏི་ཀ། །གདན་ཁྲི་བསྟབ་པའི་མཆོད་པ་དབུལ། །དེ་ཡིས་འདྲོངས་པར་གདོན་མི་ཟ། །དེ་ནས་རྒྱས་པར་བྱ་བ་ཡང་། །གཞན་ནི་གོང་དང་འདྲ་བ་སྟེ། །ཕྱི་ནང་འདོད་པའི་མཚན་མ་ཀུན། །རྒྱས་པར་བྱེད་པའི་ལས་ཡིན་ཏེ། །
222b3 རྒྱས་པའི་སྦྱོར་བ་གསུམ་བྱས་ན། །དཔེར་ན་མེ་ཏོག་པདྨ་བཞིན། །དེ་ནས་དབྱེ་བའི་རིམ་པ་ཡང་། །གོང་དུ་གསུངས་པ་ཐུན་མོང་སྟེ། །དུས་གསུམ་ལྕེ་ཡི་རྩེ་མོས་ཀྱང་། །བསྐྱོད་ན་ངེས་པར་ཁ་འབྱེད་དོ། །དེ་ཉིད་གསུམ་ནི་མེ་རང་བཞིན། །མེ་འབར་བ་ཡི་རྐྱེན་གྱུར་པ། །རླུང་ཉིད
222b4 ཡིན་པར་གསུངས་པ་སྟེ། །རྐྱེན་དེས་མེ་ཉིད་འབར་བར་བཤད། །གཞན་ཡང་རྐྱེན་གྱི་བྱེ་བྲག་དང་། །སྲོག་རྩོལ་རླུང་ནི་དབུ་མར་དགག་།བུམ་པ་ཞབས་མེད་རླུང་ཕུལ་ནས། །སྒོ་དགུ་ཕྱི་རོལ་དྲག་ཏུ་བུད། །ལུས་ཀྱི་ངལ་དུབ་ཆ་མཉམ་སྟེ། །སྦྱོར་བ་རྫོགས་ན་བདེ་བའི་རྐྱེན། །
222b5 བདེ་བ་ལས་ནི་རྡོ་རྗེ་འཆང་། །བདེ་བ་ཡིས་ནི་བདེ་བ་འགྲུབ། །རྒྱུ་བདེ་བ་ལས་འབྲས་བུ་བདེ། །རྒྱུ་ཡི་ནང་ན་འདི་མཆོག་ལ། །འབྲས་བུའི་ནང་ན་འདི་མཆོག་གོ། །དེ་ནས་བདེ་བའི་རྐྱེན་གྱུར་པ། །སྲིད་པ་དགག་དང་རླུང་དགག་པ། །གནས་ནས་གནས་སུ་རྟེན་གཟུང་སྟེ། །གཡས
222b6 བརྐྱང་བས་ནི་རོ་མ་དགག་། དཔའ་བོ་གཡས་ནས་མཁའ་འགྲོ་གཡོན། །གཡོན་བརྐྱང་བས་ནི་རྐྱང་མ་སྟེ། །ས་གས་ཀུན་འདར་མ་རུ་གཟུང་། །དེ་བཞིན་ཟླུམ་པོས་དབུ་མར་གཟུང་། །དེ་དག་ཀུན་གྱི་བྱེ་བྲག་ཀྱང་། །དཔའ་བོས་གཡས་དང་གཞན་གྱིས་གཡོན། །དེ་བཞིན་ཀུན་ལ་སྦྱར་བར
222b7 བྱ། །གཞན་ཡང་གཟུང་བའི་བྱེ་བྲག་ཀྱང་། །དྲིལ་ཅན་བུ་གུ་དགུ་ལམ་གྱིས། །རླུང་རྒྱུ་ཕྱི་རུ་བུས་བྱས་ཏེ། །རྐང་ལག་དྲག་ཏུ་བསྒྲིམས་བྱས་ན། །ཟིན་པར་འདི་ལ་ཐེ་ཙོམ་མེད། །དཔའ་བོ་མཁའ་འགྲོ་མ་གཉིས་ཀྱིས། །ཐུན་མོང་དུ་ནི་བྱ་བར་གསུངས། །བཻ་རོ་ཙ་ན་ལས་ཀྱི
iiif viewer powered by OpenSeadragon
