| e-texts navigator |
| Wylie |
222a1 @##། །རྒྱ་གར་སྐད་དུ། ཤྲཱིཛྙཱ་ན་ཛྭ་ལ་ཏནྟྲ་རཱ་ཛ། བོད་སྐད་དུ། དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཀྱེ་མ་སངས་རྒྱས་ཀྱེ་སངས་རྒྱས། །ངོ་མཚར་རྨད་དུ་བྱུང་བ་ཡི། །རྒྱུད་ནི་གང་ལགས་རྒྱལ་པོ་གང་། །
222a2 ཡེ་ཤེས་གང་ལགས་འབར་བ་གང་། །དཔལ་ནི་གང་ལགས་བདག་ལ་གསུངས། །འཇིགས་བྱེད་ཆེན་པོས་བཀའ་སྩལ་པ། །དཔལ་ནི་གཉིས་མེད་ཡེ་ཤེས་ཏེ། །གཉིས་མེད་བདེ་ཆེན་རོ་ལས་བྱུང་། །གཟུང་འཛིན་མཐའ་སྤངས་རང་རིག་གོ། །སྣ་ཚོགས་མདུད་པ་ཡེ་ཤེས
222a3 ཆེ། །རང་བྱིན་བརླབ་པ་ལྟེ་བར་ཏེ། །དཀྱིལ་འཁོར་འཁོར་ལོ་གསང་བར་རོ། །སྨིན་མཚམས་ཀྱི་ནི་མཛོད་སྤུ་ལྟར། །ཐུང་དུ་གནས་ཤིང་རིང་དུ་འགྱུར། །དེ་ཉིད་དྲང་དང་ཁ་དབྱེ་དང་། །རྒྱས་པར་བྱ་བ་གསུམ་ཡོད་དེ། །དང་པོར་དྲང་བའི་རྣམ་པ་ཡང་། །འདྲོངས་པའི
222a4 ཚད་ནི་གསུམ་ཡོད་དེ། །སྒོ་གསུམ་ཡོན་ཏན་གསུམ་ལྡན་ན། །སོར་བཞི་ཕྱི་རུ་འབྱུང་བར་ངེས། །འབྲིང་ལ་སོར་གཉིས་ཐ་མ་ལ། །སོར་དང་ནས་ཀྱི་ཚད་ཀྱིས་འབྱུང་། །སྦོམ་ཕྲ་གཞན་སྐྱེས་ཕྲ་མོ་ཙམ། །དང་པོ་བྱ་གདོང་ཉིད་ན་གནས། །རྣམ་ཐར་སོར་གཉིས་སྐྱེ་མཆེད་བཞི། །
222a5 སྟོང་པ་བཅུ་དྲུག་ཁམས་བརྒྱད། །ཉི་ཤུ་ལྟེ་བར་ཉི་ཤུ་ལྔ། །སྙིང་ག་རུ་ནི་གནས་པའོ། །སྨན་ལ་སོགས་པ་ཀུན་ལྡང་བས། །དྲང་བའི་སྦྱོར་བ་བརྩམ་པར་བྱ། །རྣམ་སྣང་སྐུ་རགས་བཅིང་བ་དང་། །རྒྱབ་ཡོལ་དབུལ་དང་མཆོད་པ་དབུལ། །གདན་ཁྲི་དབུལ་དང་སྐུ་ཁྲུས་དབུལ། །
222a6 སྨན་མཆོད་དབུལ་དང་མེ་མཆོད་དབུལ། །དེ་ནས་རེག་བྱའི་མཆོད་པ་དབུལ། །ཀུན་རྫོབ་ལྕེ་ཡི་རྩེ་མོ་འམ། །ཁྲོ་བོ་མཛུབ་མོའི་རྩེ་མོ་ལ། །བདུད་རྩི་རིལ་བུ་ལེགས་བྱས་ཏེ། །མཁས་པས་རེག་བྱའི་མཆོད་པ་དབུལ། །མངོན་དུ་ཤེས་པ་གདོན་མི་ཟ། །བདེ་བ་ཆེན་པོའི་མཆོད་པ
222a7 ཡིས། །ཁམས་གསུམ་མཆོད་པ་གདོན་མི་ཟ། །དར་རམ་མེན་ཏྲི་སོར་བཞིའི་ཚད། །རྐེད་པར་སྐ་རགས་དབུལ་བར་བྱ། །སྤྲུལ་པའི་གཡས་དང་གཡོན་གཉིས་སུ། །རས་བལ་ལ་སོགས་རྒྱབ་ཡོལ་དབུལ། །ཤིང་བུ་རིགས་དང་མཐུན་པ་ཡིན། །སྦོམ་ཕྲ་རིགས་ཀྱི་བདག་པོ་ཙམ། །
iiif viewer powered by OpenSeadragon
