| e-texts navigator |
| Wylie |
221b1 རྒྱལ་པོའི་ལྟ་སྤྱོད་ཀྱིས། །འཁོར་གྱི་དཔའ་བོ་མཁའ་འགྲོ་ཚོགས། །དུས་དང་བརྒྱལ་དང་འགྱེལ་གྱུར་པས། །དབུགས་དབྱུང་བ་ཡི་ཏིང་འཛིན་གྱིས། ཐམས་ཅད་དྲན་པ་སླར་རྙེད་ནས། །ཐམས་ཅད་མགྲིན་གཅིག་འདི་སྐད་གསོལ། །དངོས་པོ་རོ་མཉམ་གྱུར་པ་ཡི། །
221b2 ལྟ་བ་འདི་ཡང་ངོ་མཚར་ཆེ། །གཡེང་བས་གཡེང་བ་སྤང་བ་ཡི། །སྤྱོད་པ་འདི་ཡང་ངོ་མཚར་ཆེ། །ཆོས་རྣམས་སྟོང་པར་རོ་མཉམ་ན། །ལྟ་དང་མི་ལྟ་ག་ལ་ཡོད། །གཙང་སྨེ་བདུད་རྩི་རོ་གཅིག་ལ། །སྤྱོད་དང་མི་སྤྱོད་ག་ལ་ཡོད། །དབང་བསྐུར་བ་དང་རྡོ་རྗེ་འཛིན། །
221b3 མཉམ་གཞག་རྗེས་ཐོབ་ག་ལ་ཡོད། །ཐམས་ཅད་སེམས་ཀྱི་ངོ་བོ་ལ། །གཟུང་དང་འཛིན་པ་ག་ལ་ཡོད། །འཇིགས་བྱེད་ཆེན་པོས་བཀའ་སྩལ་པ། །འཁོར་བ་ཐོག་མ་མེད་པ་ནས། །ལྷན་ཅིག་སྐྱེས་པའི་སྒྲིབ་གཡོགས་ཀྱིས། །རིན་ཆེན་སེམས་ནི་དྲི་ཅན་བྱས། །ཟླ་བ
221b4 རབ་རིབ་སེལ་བྱེད་དེ། །མིག་གིས་རང་གི་རྡུལ་མི་མཐོང་། །སེམས་ཀྱིས་དེ་ཉིད་མ་རྟོགས་པར། །ཐ་དད་གཟུང་འཛིན་སྣ་ཚོགས་འཛིན། །དེ་ཕྱིར་ལྟ་བའི་རྒྱལ་པོ་བསྟན། །མི་ཤེས་པ་ཡི་རབ་རིབ་ཀྱིས། །བདུད་རྩིའི་དེ་ཉིད་མ་ཤེས་ཏེ། །གཙང་དང་མི་གཙང་ལ
221b5 སོགས་བརྟགས། །དེ་ཕྱིར་སྤྱོད་པའི་རྒྱལ་པོ་བསྟན། །གནས་པའི་རྐྱེན་དང་གཡེང་བའི་རྐྱེན། །དེ་ཕྱིར་ཟུང་འཇུག་རྒྱལ་པོ་བསྟན། །རྐྱེན་དང་དབང་པོ་རབ་འབྲིང་གིས། །མཉམ་གཞག་རྗེས་ཐོབ་རྒྱལ་པོ་བསྟན། །མི་ཤེས་པ་ཡི་རབ་རིབ་ཀྱིས། །འཁྲུལ་པས
221b6 གཟུང་འཛིན་གཉིས་སུ་བརྟགས། །དེ་ཕྱིར་སེམས་ཀྱི་རྒྱལ་པོ་བསྟན། །ལྟ་སྤྱོད་འདི་ལ་ནན་ཏན་གྱིས། །དེ་ནས་ཐམས་ཅད་དགའ་ཞིང་མགུ་ནས་ཡི་རངས་ཏེ། ཕྱི་ནང་གི་མཆོད་པས་མཆོད་ནས་མི་སྣང་བར་གྱུར་ཏོ། །དཔལ་ཡེ་ཤེས་ཕྲེང་བའི་རྒྱུད་ཀྱི་རྒྱལ་པོ
221b7 ལྟ་སྤྱོད་ཟུང་དུ་འཇུག་པ་རྫོགས་སོ། ། །།རྣལ་འབྱོར་མ་ཙནྡྲ་མཱ་ལ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།
iiif viewer powered by OpenSeadragon
