| e-texts navigator |
| Wylie |
173b1 རྐང་པ་གཡོན་པ་བཞག་ནས། འཕགས་པ་མི་གཡོ་མགོན་གྱི་སྔགས་བརྒྱ་རྩ་བརྒྱད་དུ་བཟླ་བར་བྱའོ། །རྡོ་རྗེའི་སྟེང་དུ་བཅོམ་ལྡན་འདས་རྣམ་པར་སྣང་མཛད་དང་། འཕགས་པ་མི་གཡོ་མགོན་ཞབས་གཡས་བརྐྱང་བས་ཐམས་ཅད་གནོན་ཅིང་བཅོམ་ལྡན་འདས
173b2 ཀྱི་སྔོན་དུ་ལག་ན་རལ་གྲི་དང་། ཞགས་པས་རླུང་བསྡིགས་པར་བསམ་པར་བྱ་སྟེ། དེ་སྐད་དུ་འཇིག་པའི་དུས་ཀྱི་རླུང་ཐམས་ཅད་ཀྱང་བཅིང་བ་བྱས་པར་འགྱུར་རོ། །ཆར་དབབ་པའི་དོན་དུ་སྟོབས་པོ་ཆེ་ཞེས་བྱ་བ་ལ་སོགས་པ་ནི་པདྨ་འདབ་མ་བརྒྱད་པ་བྲིས་ནས་དེའི
173b3 འདབ་མ་བརྒྱད་ལ་མཐའ་ཡས་དང་། རིགས་ལྡན་དང་། ནོར་རྒྱས་ཀྱི་བུ་དང་། དུང་སྐྱོང་དང་། འཇོག་པོ་དང་། པདྨ་ཆེན་པོ་དང་། སྟོབས་ཀྱི་རྒྱུ་དང་། པདྨ་ཞེས་བྱ་བ་ནི་བདག་ཉིད་ཀྱི་རིམ་པ་ལས། སེར་པོ་དང་དཀར་པོའོ། །ཤ་ཥ་ས་ཧ་ས~ཾ་སྭཱ~ཾ་སྭ~ཾ་སྭ་རང་གི་ས་བོན
173b4 གྱིས་བྱིན་གྱིས་བརླབས་པའི་ཀླུ་བརྒྱད་པོ་རྣམས། སྙིང་པོ་བརྒྱད་དུ་གནས་པའི་སྔ་མ་བཀུག་ནས་མཆོད་དེ། འདིར་བཞུགས་པ་ཁྲོ་བོའི་སྐུ་འབར་བའི་ཚོགས་ཀྱི་བདག་ཉིད་ཧཱུ~ཾ་ན~ཾ་ཧཱུ~ཾ་ཞེས་མཆོག་ཏུ་བཟླས་པས། ཞབས་ཀྱི་འོག་ཏུ་ཀླུ་རྣམས་གཟེར་བར་སྒོམ་པར་བྱེད
173b5 ན་ཆར་མཆོག་ཏུ་རབ་ཏུ་འབེབས་པར་འགྱུར་རོ། །ཆར་བཟློག་པའི་དོན་བཀའ་སྩལ་པ། བདག་ཉིད་ཁྲོ་བོའི་གཟུགས་ཉི་མའི་མདོག་གི་འོད་ལྟར་ཤིན་ཏུ་དམར་བར་བསམས་ནས་རང་གི་ཁ་རུ་ཧཱུ~ཾ་འབར་བའི་ལྕེ་ནམ་མཁའི་ཚད་འདིས་དྲལ་ཞིང་ཡོངས་སུ་གང་བ་ལས
173b6 སྤྲིན་སྙིང་གའི་སྦུབས་ཀྱི་དབུགས་ཀྱིས་འགུགས་ཤིང་དབུགས་འབྱིན་པས་རས་བལ་གྱི་ཕུར་མ་ལྟར་གཏོར་བར་བྱེད་དོ། །ཡང་ན་རང་གི་ཕྱག་རྒྱའི་ཚོགས་འབར་བར་བཏོན་པས་དྲལ་ཞིང་བཅད་ནས་ཧཱུ~ཾ་གིས་མཆོག་ཏུ་བསྡིགས་པར་བྱའོ། །དེ་གཞིག་པའི་དོན་བཀའ
173b7 སྩལ་པ། མེའི་དཀྱིལ་འཁོར་ཞེས་བྱ་བ་ལ་སོགས་པ་ནི་རྟག་པའི་རྣལ་འབྱོར་དང་ལྡན་པས། རང་གི་དཔྲལ་བ་ནས་འཕགས་པ་མི་གཡོ་མགོན་ར~ཾ་ལས་བྱུང་བ་བཏོན་ནས་མེའི་དཀྱིལ་འཁོར་ལ་གནས་པ་ཕྱག་དྲུག་པ་གཡོན་ཀྵིཾ་ལས་སྡིགས་མཛུབ་དང་། ཧཱུ~ཾ་ལས
iiif viewer powered by OpenSeadragon
