| e-texts navigator |
| Wylie |
171b1 པ་ནི། །གཡས་བརྐྱང་བར་ནི་དེ་རབ་གྲགས། །དེ་ཉིད་རྣམ་པར་བཟློག་པ་ནི། །དེ་ནི་གཡོན་བརྐྱང་བ་རུ་བརྗོད། །ལྷོད་མིན་པ་དང་མཁྲང་བ་ཉིད། །མཉེན་ཞིང་ཡན་ལག་བརྟན་པ་ཉིད། །གང་ལས་སྐྱེ་མཆེད་རྣམ་པར་དག་།རང་གི་སྐུ་ཡི་ཕྱག་རྒྱ་མཛེས། །རིམས་ཀྱི
171b2 ནད་དང་དུག་གི་ནད། །མཁའ་འགྲོའི་འཚེ་བ་གདོན་དག་ནི། །འདིས་ནི་ཡན་ལག་ཀུན་བརྒྱན་པ། །ཐམས་ཅད་དུ་ནི་ཟིལ་གྱིས་གནོན། །གང་བའི་སྐྱེ་མཆེད་ཀྱི་ཕྱག་རྒྱའོ། །རང་སྙིང་འགུགས་པའི་རྣལ་འབྱོར་གྱིས། །ཤིན་ཏུ་མཛེས་པས་གཞུ་ཉིད་གཟུང་། །
171b3 གཡས་སུ་རབ་ཏུ་བསྒྱུར་བ་དང་། །མདའ་ནི་བཅུག་ན་འགྲུབ་པར་འགྱུར། །སྔོན་དུ་ལག་པ་མཉམ་བྱས་ནས། །རྒྱབ་ཏུ་བཀུག་ནས་རིམ་པར་ནི། །གང་ཞིག་དལ་གྱིས་དགུག་བྱ་ཞིང་། །འགྲོ་བ་ཐམས་ཅད་དགུག་པར་བྱ། །ཐམས་ཅད་དགུག་པའི་ཕྱག་རྒྱའོ། །
171b4 རྣ་བའི་སྐྱེ་མཆེད་དཀྱིལ་འཁོར་དུ། །བཅུག་ནས་རིམ་པ་ཇི་ལྟ་བར། །ོཾ་ནི་ཇི་སྲིད་རང་གི་ཁར། །ཇི་སྲིད་དུ་ན་འཛིན་པའོ། །དུས་སུ་ཨོཾ་ནི་ཟློས་གྱུར་པ། །དེ་སྲིད་དུས་སུ་གཟུང་བར་བྱ། །འཛིན་པ་ཡི་ནི་ཕྱག་རྒྱའོ། །རིམ་པ་ཇི་ལྟར་མཉམ་བཀུག་ནས། །ཆོ
171b5 ག་ཇི་བཞིན་གཟུང་བར་བྱ། །དེ་ལ་ཅུང་ཟད་དྲང་བྱ་ཞིང་། །ཡོངས་སུ་བཀང་ན་འགྲུབ་པར་འགྱུར། །དགང་བའི་ཕྱག་རྒྱའོ། །འཛུམ་ཞིང་མིག་གིས་བལྟ་བ་དང་། །འབེན་ལ་ཁུ་ཚུར་གདབ་པར་བྱ། །ལྟ་སྟངས་ཁུ་ཚུར་བཅུག་ནས་ནི། །རབ་ཏུ་བཏང་ནས་མཆོག་འགྲུབ
171b6 འགྱུར། །གཞུ་ཡིས་རྣམ་པར་རྒྱལ་བའི་ཕྱག་རྒྱའོ། །གྲུ་བཞི་རྣོན་པོ་ཟླུམ་པོ་དང་། །དེ་བཞིན་མཆོག་ཏུ་བསྐོར་བ་ཉིད། །གང་དུ་གཡས་ནས་བསྐོར་བྱ་ཞིང་། །དེ་བཞིན་འོག་དང་སྟེང་དུ་འགྲོ། །རིམ་པས་མནན་ཅིང་དྲག་མནན་པས། །ཆོ་ག་བཅུས་མཆོག་ཕྱག་རྒྱ
171b7 ཡིས། །ཁམས་གསུམ་རྒྱལ་པོ་ཆེན་པོ་དང་། །རྒྱལ་བའི་བདེ་བ་ཉེ་བར་སྤྱོད། །དཔལ་ལྡན་འཇིག་རྟེན་གསུམ་རྒྱལ་ནི། །ཕྱག་རྒྱ་བཅུག་ཅིང་མཉམ་བཅུག་དང་། །དེ་བཞིན་གློག་ལྟར་བཅུག་པ་ཉིད། །ཕྱག་རྒྱ་བཀུག་པའི་ཏིང་འཛིན་གྱིས། །དེ་བཞིན་གློག་ལྟར
iiif viewer powered by OpenSeadragon
