| e-texts navigator |
| Wylie |
171a1 རྒན་པོ་གཞོན་པར་བྱེད་པའོ། །ཀེཾ་སུ་ནི་དེའི་ཡོངས་སུ་སྨིན་པའི་འབྲས་བུའོ། །དཀྱིལ་འཁོར་ལ་སོགས་པའི་སྒྲུབ་པ་དང་རབ་ཏུ་ལྡན་པ་ལ་ལྷའི་བུའི་བདུད་ལ་སོགས་པ་ཁ་ཅིག་འབྱུང་བ་ཚར་གཅད་པའི་ཕྱིར། མཚོན་ཆ་ཀུན་གྱི་ཕྱག་རྒྱ་ཆེ། །འཁྲུལ་འཁོར
171a2 འཕངས་དང་མ་འཕངས་དང་། །དེ་བཞིན་ལག་པས་འཕངས་པ་ཉིད། །འཕངས་པ་འཛིན་པར་བཅས་པ་དང་། །ལག་པའི་འཐབ་མོ་ལྔ་པ་ཉིད། །གཞུ་ཡི་རིག་བྱེད་རང་གྱུར་པས། །ཕྱག་རྒྱ་རབ་ཏུ་གནས་པར་བྱ། །དེ་ལ་སྦྱོར་འཕངས་མདའ་ལ་སོགས། །མ
171a3 འཕངས་བ་ནི་རལ་གྲི་སོགས། །ལག་པས་གྲོལ་བ་འཁོར་ལོ་སོགས། །འགྲོ་བ་འཛིན་བཅས་ཞགས་པ་སོགས། །མཚོན་ཆ་ཐམས་ཅད་ཡོངས་སྤངས་ནས། །ལག་པའི་འཐབ་མོས་དགྲ་འདུལ་སོགས། །དེ་བཞིན་བཅིང་བ་ཡང་དག་ལྡན། །དཔལ་ལྡན་རྡོ་རྗེ
171a4 སེམས་དཔའ་ཡིས། །མཚོན་ཆའི་མཆོག་ནི་སྣ་ཚོགས་པའི། །གནས་དག་དབྱིབས་ནི་རབ་བཤད་བྱ། །རྣལ་འབྱོར་སྒྲུབ་ཐབས་ཤིན་ཏུ་མཛེས། །སྦྱོར་དང་མྱུར་བར་གསོར་བ་དང་། །དགུག་པ་དང་ནི་འཛིན་པ་ཉིད། །གསལ་བ་རུ་ནི་གཏོང་བ་སྟེ། །ས་ལ་མཉམ
171a5 སྟབས་ཕྱག་རྒྱས་བཏབ། །བཻ་ཤ་ཁ་སར་ཕྱག་རྒྱས་གདབ། །དཀྱིལ་འཁོར་དེ་ཉིད་ཕྱག་རྒྱས་གདབ། །གནས་ནི་གསུམ་དུ་གཡས་བརྐྱང་བས། །དབྱིབས་ཀྱི་ཕྱག་རྒྱ་བཀའ་སྩལ་པ། །མཐེ་བོ་དང་ནི་སོར་མོ་རྣམས། །ལོང་བུའི་ནང་དུ་སྦྱར་བ་ཡིན། །གང་ཞིག
171a6 བརྟན་པར་སྦྱར་བ་ནི། །མཉམ་པའི་རྐང་སྟབས་གནས་སུ་གསུངས། །རྐང་པའི་སོར་མོ་ཕྱིར་བཞག་ནས། །པུས་མོ་གཉིས་ནི་བསྲང་སྟེ་གཡོ། །སོར་མོ་ཉི་ཤུ་རྩ་དྲུག་ཆད། །གནས་ནི་བཻ་ཤ་ཁ་རུ་བརྗོད། །ངང་པའི་གཤོག་པའི་དབྱིབས་སུ་ནི། །པུས་མོ་གཉིས
171a7 ནི་མཉམ་སྦྱར་བ། །བར་དུ་ཡང་ནི་ཁྲུ་གཉིས་ཉིད། །དེ་ནི་དཀྱིལ་འཁོར་རྐང་སྟབས་གསུངས། །གང་ཡང་གཤོལ་གྱི་དབྱིབས་མཉམ་པར། །པུས་མོ་བརླ་ཡི་གཡས་བསྲུངས་ན། །གཡོན་ནི་བྱོལ་སོང་འགྲོ་བ་ཡིན། །འཁྱུད་ནས་བརླ་དང་རྗེ་ངར་གནས། །མཐོ་ལྔ་རྣམ་པར་རྒྱས
iiif viewer powered by OpenSeadragon
