| e-texts navigator |
| Wylie |
169a1 ཨ~ཾ་ཀོ་ཊ་ནི་ཀོ་ཊ་ནིའི་ཤིང་ངོ་། །དྲི་ཞིམ་པ་ནི་བ་གླང་ངོ་། །~ཾ་ཀོ་ཊའི་ས་བོན་བཏུས་པའི་མར་ཁུ་དེས་གྲུབ་པའི་མིག་སྨན་འོ་མ་དང་བསྲེས་པའི་མིག་སྨན་དེས་མིག་བྱུག་པར་བྱའོ། །རྒྱལ་ནི་སྐར་མ་རྒྱལ་ལོ། །~ཾ་ཀོ་ཊའི་མར་ཁུའི་རྩིགས་མ་དང་། ཏ་ཀ་རའི
169a2 འབྲས་བུ་དང་། ཨ~ཾ་ཀོ་ཊའི་ས་བོན་གྱི་མར་ཁུ་དང་། གང་ཞིག་གཉིས་ཀའི་རྩིགས་མ་དག་གིས་མིག་བྱུགས་ན་ལྷའི་གཟུགས་སུ་འགྱུར་རོ། །ཏ་ཀ་རའི་འབྲས་བུའི་མིག་སྨན་གྱིས་བྱུགས་ན་སྔར་གྱི་རང་བཞིན་དུ་འགྱུར་ཏེ། རང་གི་ངོ་བོ་ཉིད་ཅན་དུ་མཐོང་ངོ་། །
169a3 རི་བོང་ཅན་གྱི་ཆུ་ནི་སེ་བ་ལའོ། །ཛ་ལུ་ཀ་ནི་པད་པ་ཉིད་དོ། །སྦལ་པའི་མར་ཁུ་ནི་སྙིང་པོ་ཅན་གྱི་མར་ཁུའོ། །བ་ཏ་ལའི་རྩ་བ་དང་ལྷན་ཅིག་གོ། །དགེ་སྦྱོང་ནི་སྐྲ་བྲེག་པའོ། །ཟླ་བ་ལས་བྱུང་བ་ནི་སེ་བ་ལས་བྱུང་བའོ། །དུན་དྷུ་བྷ་ནི་སྦྲུལ་གདོང་གཉིས་པའོ། །ཁྲག
169a4 ནི་གཟུགས་འཛིན་པའོ། །གོས་ཀྱི་ནང་དུ་གཞུག་པར་བྱས་ནས་ཁར་གཞུག་གོ། །སྱེ་ནཱ་ཀ་ཞེས་བྱ་བའི་ཤིང་ངོ་། །མར་སར་ནི་མར་དཀར་ཉིད་དོ། །དམར་པོའི་བཙག་ནི་གསེར་གྱི་བཙག་གོ། །དྲི་ངན་པ་ཞེས་བྱ་བ་ནི་སྨན་ནོ། །མི་ན་ནི་ཉའོ། །སྲིན་བུ་ནི་ཤིང་གི
169a5 རྗེས་སུ་རྒྱུ་བའི་འབུ་སྲིན་ནོ། །ཀོ་ཀི་ལ་ནི་སྦྲང་བུའོ། །བུ་རམ་ནི་གུ་ཌ་ཉིད་དོ། ། རན་ལ་ནི་སིངས་པོའོ། །སྐྱེ་བ་གཉིས་པ་ནི་བྲམ་ཟེའོ། །བྱི་ལ་ནི་རྟུག་པ་སྦེད་པའོ། །སྤྲེའུ་ནི་བཱ་ནཱ་རའོ། །རང་འཚེད་པ་ནི་གཡུང་པོའོ། །ཁྭའི་དགྲ་ནི་འུག་པའོ། །ན་གུ་ལེ
169a6 ནི་སྲེ་མོང་ཉིད་དོ། །ཙ་ར་མོ་ནི་བྱི་ལའོ། །འདི་དག་གི་ཕྱེ་མའོ། །བ་གླང་ཚེ་ནི་ཅེ་སྤྱང་ངོ་། །མ་ཏུ་ལུང་ག་ནི་ས་བོན་གང་བའོ། །ཕུག་རོན་ནི་ཀ་པོ་ཏའོ། །ཟངས་ཀྱི་གཙུག་པུད་ཅན་ནི་ཁྱིམ་བྱའོ། །འདི་དག་གི་རྟུག་པ་བསྡུ་བར་བྱའོ། །སྐྲའི་ལས་ཀྱི་མཐའ་ཞེས
169a7 བྱ་བ་ནི་མགོ་རེག་གོ། །པི་ཙུ་མརྡ་ནི་ནིམ་པའོ། །གཏོར་ཟན་ནི་ཁྭའོ། །དགའ་བ་དང་བཅས་པའི་དཀར་མོ་ནི་ཁྱི་མོ་དཀར་མོའོ། །ནུས་པ་ནི་འབྱར་བའོ། །མདའི་རྨ་ནི་སྦྲང་བུའོ། །བསྣུན་པ་ནི་བརྡུངས་པའོ། །རང་གི་ས་བོན་ནི་བདག་གི་རྫས་སོ། །རྒྱལ་ནི་སྐར་མ་རྒྱལ
iiif viewer powered by OpenSeadragon
