| e-texts navigator |
| Wylie |
168b1 གེ་སར་ནི་ནཱ་གའོ། །ནད་ཀྱི་དབང་པོ་ནི་རུ་རྟའོ། །མྱོས་བྱེད་ཀྱི་འབྲས་བུ་ནི་ཚེར་མའི་འབྲས་བུའོ། །ཛ་གུའི་ཡུལ་ནི་མྱོས་བྱེད་ཀྱི་སྤྲོ་བར་རྟོགས་པར་བྱའོ། །ཏ་ཀ་ར་ནི་དྲིའི་ཏ་ཀ་རའོ། །ལྡན་པ་ནི་སྦྱོར་བའོ། །འབྲས་ཀྱི་ཆུ་ནི་ཀོ་ཤའོ། །ཇི་སྙེད་པའི་དུག་སྣ
168b2 ཚོགས་ནི་དུ་མའི་རྣམ་པའོ། །འཇིག་པར་བྱེད་དོ་ཞེས་བྱ་བ་ནི་ཟད་པར་བྱེད་དོ་ཞེས་བྱ་བའི་དོན་ཏོ། །དེའི་ཉིན་པར་སྐྱེས་པ་ནི། དེའི་ཉིན་པར་ཤི་བའོ་ཞེས་བྱ་བའི་དོན་ཏོ། །བྱིས་པ་ནི་བུ་ཆུང་ངོ་། །རོ་ཙ་ནི་བཤང་བའོ། །ཏ་ག་ར་ནི་ཀླུའི་ཤིང་བུའོ། །སྙིང་པོའི་གནས
168b3 ནི་བཅུག་པར་བྱས་པའོ། །སྦལ་པ་ནི་སྙིང་པོ་ཅན་ནོ། །སྤྲུལ་མགོ་གཉིས་པ་ནི་ལྟོ་འཕྱེ་མགོ་གཉིས་པའོ། །ཁྲག་དང་ཚིལ་བུ་བསྐོལ་བ་ནི་སྣུམ་དུ་བརྗོད་དོ། །བ་རུ་རའི་ཤིང་ནི་དེའི་འབྲས་བུའོ། །ལག་པ་ནི་ཕྱག་གོ། །དུག་གིས་ཟིན་པ་འཇིག་པར་བྱེད་དོ་ཞེས་བྱ
168b4 བ་ནི་ཟིན་པ་འཕྲོག་པར་བྱེད་དོ་ཞེས་བྱ་བའི་དོན་ཏོ། །བ་ལང་གི་མར་ནི་བའི་མར་རོ། །རྡོ་རྗེ་ཅན་ནི་སྣུ་ཧིའི་འོ་མའོ། །བརྷི་ནི་རྨ་བྱའོ། །ཁྲག་ནི་རྨ་སྐྱེས་སོ། །སྦྲུལ་མགོ་གཉིས་པའི་ཤ་ནི་ཤའོ། །བ་ལ་ཀའི་རྩ་བ་ཆ་བདུན་པ་ནི་བདུན་གྱི་དུམ་བུའོ། །ོཾ་བཛྲ་ཀ་ར་ཧཱུ~ཾ
168b5 ཕཊ། འབྱུང་པོ་འདུལ་བའི་སྒྲས་འབྱུང་པོ་མཐར་བྱེད་པ་ནི་འབྱུང་པོ་ཉིད་དུ་རབ་ཏུ་གྲགས་སོ། །ལག་པ་གཡས་པར་བཏགས་ན་གདོན་ལས་ཐར་བར་བྱེད་དེ། གཞན་དུ་ནི་མ་ཡིན་ནོ། །ལྟོ་འཕྱེའི་དབང་པོ་ནི་སྦྲུལ་གྱི་རྒྱལ་པོ་འོ། །ཤུན་པ་ནི་བཤུས་པའོ། །ལྟོ་འཕྱེའི
168b6 དགྲ་ནི་རྨ་བྱ་སྟེ་དེའི་གཤོག་པའོ། །ཁྭ་གཉིས་ནི་ཁྭའོ། །ཉིན་མོ་འཇིགས་པ་ནི་འུག་པའོ། །རྟ་ནི་འགྲོ་མགྱོགས་སོ། །རྨིག་པ་ནི་རྐང་པའོ། །ཁུང་བུ་ནི་བུག་པའོ། །གཞག་པ་ནི་བཅུག་པའོ། །སྦྲུལ་ནི་ལྟོ་འཕྱེའོ། །གནོད་སྦྱིན་ནི་ཁྱིའོ། །ཐོད་པ་ནི་རྨོད
168b7 བྱེད་དོ། །ཕག་ནི་ཕག་པའོ། །མགོ་སྐྱེས་ནི་སྐྲའོ། །མགྲིན་ནི་རྔ་མོའོ། །དམར་པོ་ནི་ཁྲག་གོ། །བྷལླ་ཏ་ཀ་ཉིད་དང་། སྟར་བུ་ནི་ཨ~ཾལ་བེ་ཏ་ཉིད་དོ། །ལག་སྐྱེས་ནི་སེན་མོའོ། །ཁ་སྦྱོར་གྱི་མེ་ནི་ཁ་སྦྱར་གྱི་འཚེད་པའོ། །བསྲེགས་པ་ནི་ཐལ་བར་བྱས་པའོ། །
iiif viewer powered by OpenSeadragon
