| e-texts navigator |
| Wylie |
160a1 སྐུ་ལ་སོགས་པ་དེ་བཞིན་གཞན། །ཉན་ཐོས་རྣམས་ཀྱིས་ཁྱོད་གསུངས་དང་། །དེས་ཀྱང་དགོས་པ་ཅི་ཞིག་མཆིས། །རྡོ་རྗེ་སེམས་དཔའ་བདེ་བ་ཆེའི། །རྣམ་པའི་རྣལ་འབྱོར་གྱིས་ནི་ཅི། །ཚངས་པ་དབང་ཕྱུག་ཁྱབ་འཇུག་ཀྱང་། །དེ་བཞིན
160a2 གསོལ་བ་ཅི་ཡི་དོན། །འདོད་པའི་ལྷ་ནི་ཆུང་མར་བཅས། །ལྷ་མོ་དཀའ་ཟློག་གཟུངས་མ། །གོང་དུ་སྐྱབས་སུ་སོང་བ་ཉིད། །གཉིས་གཉིས་སྦྱོར་བ་འདོད་མཛད་པ། །འདི་ལྟར་སྦྱོར་བའི་འཐབ་མོ་དང་། །དེ་ལ་གསང་བ་ཇི་ལྟ་བུ། །རྡོ་རྗེ་ཅན་གྱིས
160a3 རྫུན་པ་ཡི། །ཕྱིས་ནི་ཚིག་ཏུ་སྨྲ་བར་མཛད། །སངས་རྒྱས་རྡོ་རྗེ་སེམས་དཔའ་ཡང་། །ཚངས་པ་ཁྱབ་འཇུག་དབང་ཕྱུག་དང་། །ཟླ་བ་སྔར་གསུངས་གཞན་དུ་ནི། །ཐམས་ཅད་བདག་ཉིད་རྟག་ཏུ་བཞུགས། །ཇི་ལྟར་རྡོ་རྗེ་ཅན་ཞི་བས། །ཁྲོ་བོའི་གཟུགས
160a4 ཅན་ཇི་ལྟར་ལགས། །ཆོས་ཀྱི་སྐུ་ནི་ཇི་ལྟར་ལགས། །ལོངས་སྤྱོད་རྫོགས་པ་ཅི་ཞིག་ལགས། །སྤྲུལ་པ་རྡོ་རྗེ་ཉིད་འབྱུང་དང་། །ཧེ་རུ་ཀ་ནི་ཇི་ལྟར་གསུངས། །པདྨ་གར་དབང་ཇི་ལྟར་ལགས། །གཤིན་རྗེའི་གཟུགས་སུ་ཇི་ལྟར་འགྱུར། །དེ་བཞིན་དུ་ནི་རྟ
160a5 མཆོག་ཉིད། །ཇི་ལྟར་ཆོ་གས་ཅི་གསུངས་དང་། །ལྷ་མོ་དེ་བཞིན་ཁྲོ་བོ་ཉིད། །ཀླ་ཀློ་ཁྱོད་ཀྱིས་བཤད་པ་ནི། །དེས་ཀྱང་དགོས་པ་ཅི་ཞིག་མཆིས། །རེ་ཞིག་ལྷ་མོ་རྣམས་ཀྱི་ཚིག་།བཏུ་བར་བྱས་པ་ཇི་ལྟར་ལགས། །སྔགས་ཀྱི་སྨྲ་པོས་འདི་དག་ནི། །ཇི་ལྟར་རྡོ
160a6 རྗེ་སེམས་ཁྱོད་ཀྱིས། །ཐམས་ཅད་ཡང་དག་རྣམ་པར་ཤོད། །བཅོམ་ལྡན་འདས་ཀྱིས་བཀའ་སྩལ་པ། འདི་སྐད་བདག་གིས་ཞེས་བྱ་བ་ལ་སོགས་པ་ནས་གཟུང་སྟེ། དང་པོར་བརྩམ་པར་བྱས་ནས་འདིར་ཡང་རྗེས་སུ་འབྱུང་སྟེ། རིགས་ཀྱི་བུ་ཡང་བརྗོད་པར་བྱའོ། །
160a7 གསང་བའི་སྒྲས་ནི་བདུན་གྱི་རྣམ་པ་སྟེ་བདུན་པ་ཞེས་བྱ་བའི་དོན་ཏོ། །བརྒྱད་པ་ནི་བརྗོད་དུ་མེད་པའི་མཚན་ཉིད་དོ། །གསང་བ་ཞེས་བྱ་བའི་སྒྲས་ནི་སེམས་དང་སེམས་ལས་བྱུང་བ་གཉིས་སུ་མེད་པ་སྟེ། དེ་བཞིན་གཤེགས་པ་ཉིད་དུ་གསུངས་སོ། །དེ་བཞིན་ཉིད་དུ་རོ་གཅིག
iiif viewer powered by OpenSeadragon
