| e-texts navigator |
| Wylie |
159a1 ཐིག་ལེ་དག་གི་དོན། །གཏན་ཕབ་ཡང་དག་གསལ་གསུངས་ན། །བདག་གི་དབུས་སུ་རང་བྱུང་བས། །དེས་ན་རང་བྱུང་བརྗོད་པར་བྱ། །རང་བྱུང་ཞེས་བྱ་འབྱུང་ཆེན་གྱི། །དོན་ནི་རྗེས་སུ་དཔག་བྱའི་ཕྱིར། །འདི་ནི་རང་བྱུང་བཅོམ་ལྡན་འདས། །
159a2 གཅིག་པུ་ཉིད་ནི་ལྷག་པའི་ལྷ། །ལྷག་པའི་ལྷ་ཞེས་བྱ་བ་ནི། །གོང་དུ་གསུངས་པའི་ཁམས་རྣམས་སོ། །དེ་རྣམས་དབུས་སུ་ཕུལ་བྱུང་ཆེ། །ཞེས་བྱ་གཙོ་བོའི་གཟུགས་ཀྱིས་སོ། །གསང་བ་མཆོག་ཏུ་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །
159a3 ཇི་ལྟ་བུར་ནི་བཅོམ་ལྡན་འདས། །སངས་རྒྱས་ཀུན་དང་མཉམ་སྦྱོར་བ། །མཁའ་འགྲོ་མ་ཡི་དྲ་བའི་སྡོམ། །གཞན་དུ་ཇི་ལྟར་རྣམ་པ་འདིས། །སྡོམ་པ་མཆོག་ཏུ་ཕན་པ་ལགས། །གསང་བའི་སྒྲས་ནི་ཡོན་ཏན་ཅན། །གསང་བའང་ཡོན་ཏན་དུ་ནི་གྲགས། །
159a4 རྡོ་རྗེ་ཅན་ནི་ཡོན་ཏན་ཅན། །འཇིག་རྟེན་མཆོག་དགྱེས་སྨོད་པ་སྤངས། །གསང་བའི་སྒྲ་ནི་ཀླ་ཀློའི་སྐད། །ཕྱི་རོལ་རྗེས་སུ་བཙལ་བས་ཀྱང་། །འདི་ནི་མངོན་སུམ་ཤེས་པར་བྱ། །རྗེས་དཔག་ཡོན་ཏན་ཅན་གྱི་སྒྲས། །གང་ཚེ་སེམས་ནི་མི་མཐོང་སྟེ། །
159a5 སེམས་ཞེས་བྱ་བ་འདི་ཡང་ནི། །ཡོན་ཏན་ཅན་དང་ཡོན་ཏན་གསུངས། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །གསང་བ་འདི་ལ་ཆོས་ཉིད་གནས། །དེ་ལ་ཐམས་ཅད་བདག་ཉིད་ནི། །དེ་ནི་ཐམས་ཅད་རྣམ་པར་གནས། །
159a6 དེ་གང་སྟོང་པའི་རྡོ་རྗེ་ཅན། །སྡུག་དང་ལྷན་ཅིག་དགའ་བའོ། །གང་ཚེ་སེམས་ཀྱི་གཟུགས་ཀྱིས་ནི། །སྔོ་སོགས་མིག་གིས་མི་དམིགས་ཤིང་། །རྣ་སོགས་ཐོས་པར་མི་འགྱུར་བ། །དེ་ཚེ་སེམས་ནི་ཇི་ལྟ་བུར། །དེ་ཚེ་རྗེས་དཔག་ཇི་ལྟར་ལགས། །འདི་ནི་སྣ་ཡིས
159a7 མི་དམིགས་ན། །དྲི་དབུས་སུ་གནས་སམ་ཅི། །སེམས་ནི་ཕྱི་རོལ་མི་དམིགས་ཤིང་། །དེ་བཞིན་ཉེ་བའི་ལོངས་སྤྱོད་མེད། །རོ་ནི་མངར་དང་ཁ་ལ་མིན། །དེ་བཞིན་དུ་ནི་རེག་བྱ་ཉིད། །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །
iiif viewer powered by OpenSeadragon
