| e-texts navigator |
| Wylie |
158a1 ཐབས་ནི་སངས་རྒྱས་རྣམས་ཀྱིས་བསྟན། །སྐྱེ་བ་དང་ནི་སྤངས་མེད་ན། །བསོད་ནམས་མིན་ལ་སུ་ཞིག་ཞེན། །དཔེར་ན་སེམས་ཅན་ཕ་རོལ་འགྲོ། །ཆུ་ཀླུང་ཆུ་ཡིས་གང་བ་ལ། །ཤིང་དང་རྩཝ་ནི་བསྡུས་ནས་ནི། །ཆུ་ལ་གཟིངས་ནི་བྱས་ནས་སུ། །
158a2 དེ་ལ་འཇུས་ནས་བརྒལ་ནས་ཀྱང་། །སྤངས་ནས་བདེ་བར་འགྲོ་བར་འགྱུར། །དེ་ལྟར་འཁོར་བའི་ཕ་རོལ་དུ། །ཆོས་དང་ཆོས་མིན་ཞོན་ནས་ནི། །བདེ་བས་བྱང་ཆུབ་འཐོབ་པར་འགྱུར། །ཆོས་དང་ཆོས་མིན་རྣམ་པར་སྤངས། །དེ་ཕྱིར་རྟོག་པའི་དྲ་བ་ནི། །སྤངས
158a3 ནས་ཟབ་མོའི་ཆོས་ནི་འཕེལ། །དེ་བཞིན་གཤེགས་པས་གསུངས་པའི་ལམ། །ལམ་རིག་རྣམ་པར་རྟོག་མི་བྱ། །རྣམ་རྟོག་གཏི་མུག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །མི་རྟོག་ཏིང་འཛིན་ལ་གནས་པ། །མཁའ་བཞིན་དྲི་མ་མེད་པར་འགྱུར། །
158a4 དབང་པོ་གཉིས་ནི་མཉམ་སྦྱོར་བས། །སྐུ་གསུང་ཐུགས་ནི་འདུས་པ་ཡིས། །ང་རྒྱལ་ལས་ནི་རྒྱལ་བའི་གཟུགས། །རྣམ་པ་ཐམས་ཅད་ཡོངས་སུ་སྤངས། །རྣམ་པར་ཤེས་པ་རྫོགས་པས་ནི། །སྐྱེ་བ་འདིར་ནི་ཡེ་ཤེས་ཅན། །བུད་མེད་དང་ནི་སྐྱེས་པའི་ལུས། །
158a5 ལས་ནི་དུ་མས་བསྐྱེད་པ་སྟོན། །མི་ཤེས་པས་ཀྱང་མི་བྱ་སྟེ། །སྐུ་ཡི་རྡོ་རྗེའི་དམ་ཚིག་གོ། །སེམས་ཅན་སྣ་ཚོགས་གདུང་བ་དང་། །ཀུན་རྟོག་ངན་པའི་རྣམ་རྟོག་གིས། །སེམས་ལ་སྨད་པར་མི་བྱ་སྟེ། །ཐུགས་ཀྱི་རྡོ་རྗེའི་དམ་ཚིག་གོ། །ཕྲག་དོག་ཉིད་ཀྱིས
158a6 མ་རུངས་པས། །ཚིག་རྩུབ་ལ་སོགས་སྨྲ་མི་བྱ། །རྣ་བ་བདེ་བར་བྱེད་པ་ཉིད། །གསུང་གི་རྡོ་རྗེའི་དམ་ཚིག་གོ། །ཤ་ཡི་ཁམས་གནས་སངས་རྒྱས་ནི། །རྣམ་སྣང་ཆེན་པོ་རྩེ་མོར་སྐྱེ། །རྐང་ལ་མི་བསྐྱོད་གནས་པ་ཉིད། །ཁྲག་ནི་རིན་ཆེན་ལྟ་བུར་ནི། །ནོར་བུ
158a7 ཆེན་པོས་རྣམ་པར་བརྒྱན། །རུས་པ་ལ་ནི་འོད་དཔག་མེད། །སེམས་ཅན་རྣམས་ཀྱི་རིགས་བཅས་འབབ། །རྩ་ཡི་འཆིང་བའི་ཚོགས་ཀྱི་སྒོར། །དོན་ཡོད་ཐུབ་པ་རྒྱལ་པོ་ཉིད། །ཁྱོད་ལ་གསང་བ་ང་ཡིས་བཤད། །དམ་ཚིག་ཡེ་ཤེས་རིག་པས་བསྟེན། །བློ་ལྡན
iiif viewer powered by OpenSeadragon
