| e-texts navigator |
| Wylie |
153b1 ནས། །དེ་ལ་ལྷ་མོ་དེས་ཞུས་པ། །སྦས་པ་དམ་པའི་དངོས་སྤྱོད་ཡུལ། །བདེ་གཤེགས་ཀུན་གྱི་དཀྱིལ་འཁོར་དང་། །ཁྲོ་བོ་རྣམས་དང་ལྷ་རྣམས་དང་། །ཐམས་ཅད་ལྷ་ནི་ཁྱོད་ཀྱིས་གསུངས། །ཇི་ལྟར་ནང་ལ་རྣམ་གནས་པའི། །དེ་ཉིད་བླ་མེད་བདག་འཚལ
153b2 ཡང་། །བདག་ལ་ད་དུང་ཐེ་ཚོམ་མཆིས། །གང་གི་ཆོ་གས་བྲིས་སྐུ་དང་། །གླེགས་བམ་ཡང་ནི་བྲི་བར་བགྱི། །ལྷ་ལགས་འདི་དག་མི་འཚལ་བས། །བདེ་བ་ཆེན་པོས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །དེ་བདག་ལང་ཚོ་དལ་བ
153b3 དང་། །རྒྱས་ཤིང་རྣམ་རྟོག་མེད་པ་དང་། །ཁྲོ་མེད་ལྐོག་འཕྱས་མེད་པ་དང་། །ཤིན་ཏུ་ཆ་ཕྲ་མཁས་སྤྲོ་དང་། །བཟོད་དང་དད་པ་སྙིང་རྗེ་ལྡན། །དེ་ལྟར་གྱུར་པའི་རི་མོ་མཁན། །ཡང་ན་དམ་ཚིག་ཅན་གྱི་ཡང་། །རི་མོ་མཁན་གྱིས་བྲི་བར་བྱ། །སྒྲུབ་པ་པོ་དམ་པས
153b4 དཔའ་བོ་ཤི་བའི་རས་སམ། རོ་ལ་དཀྲིས་པའི་རས་སམ། བུ་བཙས་པའི་རས་སམ། ཁྲག་ཆེན་པོས་བཙོས་པའི་རས་སམ། བུད་མེད་ཀྱི་མེ་ཏོག་གིས་རབ་ཏུ་བསྒྲུབས་པའི་རས་རྣམས་ལ་སྒྲོལ་མ་དང་། འོད་ཟེར་ཅན་དང་། དེ་བཞིན་དུ་ནི་རི་ཁྲོད་མ་ཤིང་ལོ་ཅན་ལ་སོགས་བྲི་བར་བྱའོ། །
153b5 དེ་ལ་འདིའི་ཆོ་ག་ནི་གསང་བའི་ཕྱོགས་གཅིག་ཏུ་འདུག་ནས་ཤིན་ཏུ་མཉམ་པར་གཞག་པས་འདྲིར་གཞུག་པར་བྱའོ། །སྐྱེས་པའི་ཐོད་པར་གནས་པར་ཇི་ལྟར་གསུངས་པའི་ཁ་དོག་ལྔ་སིཧླ་དང་། ག་བུར་ལ་སོགས་པ་བསྲེས་པ་དང་། རོའི་སྐྲའི་པིར་གྱིས་བྲིས་སྐུ་འཇིགས
153b6 པ་བྲི་བར་བྱའོ། །དང་པོར་སློབ་དཔོན་གྱིས་མཉམ་པར་གཞག་པས་ཤེས་རབ་དང་ལྡན་ཞིང་། །རྒྱན་ཐམས་ཅད་ཀྱིས་རྣམ་པར་བརྒྱན་པ་དང་། །དཔལ་ཡང་དག་པར་སྦྱོར་བའི་རྣལ་འབྱོར་དང་ལྡན་པས་ཡན་ལག་ལ་ནི་ར~ཾ་ཤུ་བསམ་ཞིང་གཅེར་བུར་གྱུར་པ་དང་། དེ་བཞིན
153b7 དུ་ཡང་ལྷག་མ་དང་། མ་དག་པས་མཁས་པས་མི་བྱའོ། །ཀྱེ་བཅོམ་ལྡན་འདས་གལ་ཏེ་སིཧླ་ལ་སོགས་པས་བསྲེས་པ་ལགས་ན། དེའི་ཚེ་ཇི་ལྟར་མ་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། །ཕོ་ཉ་གཙང་སྦྲ་དང་པོ་སྟེ། །གཉིས་པ་ལ་ནི་ཞི་བར
iiif viewer powered by OpenSeadragon
