| e-texts navigator |
| Wylie |
147b1 ངོ་བོ་སེམས་ཀྱིས་མཚོན་པར་བྱ། །སྔར་གསུངས་སྟོང་པ་ཉིད་ཀྱིས་ནི། །སྔར་གྱི་མཚན་ཉིད་ཡང་དག་ལྡན། །ཧཱུ~ཾ་ལ་གནས་པའི་སེམས་ཀྱིས་ནི། །གཟུགས་ལ་སོགས་པ་ཐམས་ཅད་གཞིག་།ཟླ་བའི་དཀྱིལ་འཁོར་དབུས་གནས་པར། །ས་བོན་གྱིས་ནི
147b2 གཟུགས་བསྐྱེད་ནས། །པདྨའི་གདན་ལ་བཞུགས་པར་ནི། །ཡེ་ཤེས་མཁའ་འགྲོར་བདག་ཉིད་བསམ། །ཞལ་གསུམ་པ་ལ་ཕྱག་དྲུག་ཉིད། །སྤྱན་གསུམ་དབུ་རྒྱན་གྱིས་ནི་བརྒྱན། །བཞད་དང་ཁྲོ་ཞིང་སྒེག་པ་དང་། །རྒྱན་རྣམས་ཀུན་གྱིས་རྣམ་པར་བརྒྱན། །ཀུན
147b3 ད་ཟླ་བའི་མདོག་ལྟར་དཀར། །ཤིན་ཏུ་མཛེས་པའི་གོས་ཀྱིས་བརྒྱན། །སངས་རྒྱས་སྤྲིན་ནི་སྤྲོ་བར་བྱ། །སེམས་དཔའ་སྐྱིལ་མོ་ཀྲུང་དུ་གནས། །དང་པོར་མདའ་ནི་དགོད་པར་བྱ། །དེ་བཞིན་གཉིས་པར་ལྕགས་ཀྱུ་ཉིད། །གསུམ་པར་རྡོ་རྗེ་འཕྱར་བའོ། །གཡོན
147b4 པ་སྡིགས་མཛུབ་ཞགས་པ་ཉིད། །གཉིས་པར་དཔག་བསམ་ཤིང་ལྕུག་མ། །གསུམ་པར་གཞུ་ཡི་ཆོ་གས་ཁྱབ། །འོད་ཟེར་ཕྲེང་བ་དུ་མ་དང་། །དབུགས་ནི་གཡོ་བ་མེད་པར་བསྒོམ། །ས་བོན་བརྒྱད་ལ་སོགས་པ་ཡིས། །ཡི་གེ་རྣམ་དགོད་དགོད་པར་བྱའོ། །ཱ
147b5 ལི་ཀ་ལི་རབ་སྦྱོར་བས། །ཇི་ལྟར་བཏུས་པའི་ས་བོན་བཞིན། །ཐམས་ཅད་ཁ་དོག་དཀར་པོ་རྣམས། །ས་བོན་ཟླ་བའི་འོད་ཟེར་ལྡན། །པདྨའི་ཆུ་ཤིང་མེ་ཏོག་གི་།སྙིང་ལ་སྒོང་སྐྱེས་གཞག་པར་བྱ། །དེ་ཡི་དབུས་སུ་ཡེ་ཤེས་དང་། །རྣམ་པར་ཤེས་པ་ལྷན་ཅིག
147b6 ཏུ། །དངོས་པོའི་ངོ་བོས་བསྒོམ་པར་བྱ། །གཡོ་བ་མེད་ཅིང་འཚེ་བ་མེད། །དེ་ནས་ཕྱི་རོལ་རྣལ་འབྱོར་རྣམས། །རྣམ་པར་མཁས་པས་གཟུང་བར་བྱ། །གནས་གཉིས་ཀྱི་ནི་སེམས་དང་ནི། །རླུང་གི་དཀྱིལ་འཁོར་སེམས་ཀྱིས་ནི། །དེ་ཡི་དབུས་སུ་མེ་ཉིད་དེ། །
147b7 དེ་ཡི་སྟེང་དུ་ཉི་མ་དེར། །ཱ་ལི་ཀ་ལི་ལྡན་པ་ཡི། །ས་བོན་དེ་ཉིད་དམར་པོའོ། །རྣལ་འབྱོར་པ་ཡི་ཁྱད་པར་དུ། །དབྱུང་དང་རྔུབ་པའི་བཟླས་པ་བྱ། །ཡེ་ཤེས་ས་བོན་དབུས་སུ་ནི། །འབྱུང་བ་ཡིས་ནི་བསྣུན་བྱ་ཞིང་། །བསྣུན་པས་སྙིང་གའི་ཡེ་ཤེས་ནི། །མེ་ཏོག
iiif viewer powered by OpenSeadragon
