| e-texts navigator |
| Wylie |
146b1 འདི་ཡི་ས་བོན་རྣལ་འབྱོར་པས། །བསྒོམས་ན་མྱུར་དུ་སངས་རྒྱས་ཐོབ། །བརྒྱད་པ་ལས་སྔགས་ཀྱི་བཟླས་པ་དང་སྒོམ་པ་སྟེ་རབ་ཏུ་བྱེད་པ་གཉིས་པའོ།། །།འཕོ་བའི་རྣལ་འབྱོར་མཚན་ཉིད་ཀྱི། །དེ་ཉིད་ཇི་ལྟར་རྡོ་རྗེ་ཉོན། །བཟང་པོའི་ལམ
146b2 དུ་རྣལ་འབྱོར་པས། །འགྲོ་བ་མཛེས་པ་ཁྱོད་ལ་བསྟན། །ཡེ་ཤེས་དབང་པོ་ཉན་པར་འཚལ། །སྒོ་རྣམས་དགུ་ནི་ཇི་ལྟར་ལགས། །ཡེ་ཤེས་སྒོ་ཡི་དབྱེ་བས་ནི། །ཡོན་ཏན་སྐྱོན་ནི་ཇི་ལྟར་ལགས། །དུས་སུ་སྲོག་ནི་འཆད་པ་ཡི། །ཡང་དག་རབ་ཏུ་སྦྱོར་བ་ཉོན། །ལེགས
146b3 པའི་ལམ་ནི་མཛེས་པའི་གནས། །ངན་པའི་ལམ་ཡང་སྐྱོན་རྣམས་ཉིད། །ལྟེ་བའི་སྟེང་ན་ཐིག་ལེ་དང་། །མིག་དང་སྣ་སོགས་རྣ་བ་དག་།བཏུང་དང་བཏུང་བ་མིན་པའི་སྒོ། །མཚན་ཉིད་ལྟེ་བར་འདོད་པ་ཅན། །མཐོ་རིས་ཐིག་ལེས་གཟུགས་ལུས་ཅན། །སྟེང་ནི
146b4 སྟེང་དུ་གནས་པ་ཡི། །འགྲོ་དང་འོང་བར་ཡོངས་སུ་གྲགས། །སྣ་ལས་གནོད་སྦྱིན་དག་ཏུ་འགྱུར། །རྣ་བ་དག་ལས་གྲུབ་པའི་ལྷ། །གལ་ཏེ་མིག་ལས་ཤེས་འགྲོ་ན། །མི་རྣམས་ཀྱི་ནི་རྒྱལ་པོར་འགྱུར། །སྲིད་པའི་སྒོ་ལས་ཏེ། །གཅི་ལས་དེ་བཞིན
146b5 བྱོལ་སོང་ངོ་། །དམྱལ་བ་བརྒྱད་ནི་བཏུང་མིན་པས། །དེ་ལྟར་སྤང་ཕྱིར་རིགས་ཀྱི་བུ། །སྲིད་པའི་འཕོ་བའི་མཚན་ཉིད་ནི། །གང་ཕྱིར་སྒ་ཡི་ཁྱད་པར་ནི། །འཁོར་བའི་དབྱེ་བ་ཡང་དག་འབྱུང་། །དེ་ཕྱིར་སྒོ་ཡི་ཁྱད་པར་གྱིས། །རྣལ་འབྱོར་པས་ནི་མཉམ་གཞག
146b6 པ། །འཆི་བའི་དུས་ཀྱི་ཐོབ་པ་ནི། །འཆི་བའི་མཚན་མ་བསྟན་པ་ཉིད། །རིམ་ལ་སོགས་པས་མ་ཕྱེ་བའི། །འཕོ་བའི་རྣལ་འབྱོར་དམ་པ་ཉིད། །བུམ་པ་དང་པོར་བརྩམས་ནས་ནི། །སྒོ་རྣམས་ཐམས་ཅད་རེངས་པར་བྱེད། །མཆོད་རྟེན་རྣམས་ཀྱི་ལྕགས་སྒྲོག
146b7 ལྔ། །སྒོ་ཡི་བུག་པའི་བསྒོམ་པ་ནི། །དེ་བས་དམའ་བའི་སྒོ་ཉིད་དོ། །ས་བོན་ཆུ་ལྟར་དཀར་པོ་ཉིད། །བཏུང་དང་བཏུང་མིན་མེ་ཡི་ནི། །དེ་ཡི་ས་བོན་འབར་བ་ལྟར། །དེ་ཡི་དང་པོ་དབུགས་ཀྱི་ཡང་། །དེ་ལ་ཤིན་ཏུ་མཉམ་གཞག་པས། །དབུགས་ནི་བུམ་པ
iiif viewer powered by OpenSeadragon
