| e-texts navigator |
| Wylie |
146a1 ཕྱིས་ནི་སྔགས་པས་བཟླས་པ་བྱ། །རྡོ་རྗེ་གཉིས་མེད་དངོས་པོ་ལས། །གཡོན་པའི་རྡོ་རྗེ་ཅན་གྱི་དངོས། །ཞི་ལ་ཁྲོ་བོར་དགོད་པར་བྱ། །རྒྱས་ལ་དབུ་མའི་དེ་ཉིད་ལ། །སྲིན་ལག་ལ་ནི་དབང་དུ་གསུངས། །ཀུན་གྱི་མཐའ་མར་མངོན་སྤྱོད་ལ། །མཐེ
146a2 བོང་རྡོ་རྗེ་ལྕགས་ཀྱུ་ལྷ། །དངོས་པོ་ལས་ནི་དགུག་པར་བྱ། །མཉམ་གཞག་བཟླས་དང་སྒོམ་པ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །དེ་ཉིད་མེད་པའི་རྣལ་འབྱོར་པ། །དེ་ཉིད་མེད་པའི་སྔགས་ཟློས་དང་། །རྡོ་རྗེ་དྲིལ་བུ་དེ་ཉིད་མེད། །ཕྱག་རྒྱའི་དེ་ཉིད་སྐྱེ
146a3 མི་འགྱུར། །རྣལ་འབྱོར་པ་ཡིས་དེ་ཉིད་དམིགས། །དེ་ཉིད་ཐམས་ཅད་བྱེད་པ་ཉིད། །ཡི་གེ་རྣམས་ཀྱི་རྒྱུ་ལས་ནི། །གཟུགས་ཀྱི་སྙིང་པོ་བགྲང་བའི་གྲངས། །རྫུན་པས་རྣལ་འབྱོར་མ་སྙིང་འགྲུབ། །ོ~ཾ་པ་དེ་པ་དེ། མ་ཧཱ་ཛྙཱ
146a4 ན~ཾ། སརྦྦ་བུད་དྷ་མ་ཧ~ཾ་བྷ་བེ་ཏ་ཧཱུ~ཾ་ཧཱུ~ཾ་ཧཱུ~ཾ། ཧོ་ཧོ་ཧོ་ཨ་ཁ~ཾ་སྭཱ་ཧཱ། སྔགས་ཀྱི་ཕྲེང་བ་སྦྱངས་ནས་ནི། །གང་འདོད་དེ་ཉིད་བསྒྲུབ་པར་བྱ། །དེ་ཉིད་ལས་ནི་འགྲུབ་པར་འགྱུར། །ཀུན་དུ་གསལ་བ་མེད་ན་རིང་། །ཡེ་ཤེས་དེ་ཉིད་ཁྱད་པར་དུ། །ཡེ་ཤེས་ཆེན་པོ་ཡང་དག་ཉོན། །
146a5 མཉམ་ཉིད་སེམས་ཀྱིས་དབྱེ་བ་ལས། །མཉམ་པར་གཞག་པས་འཁོར་ལོ་བརྟག་།ཟླ་བའི་དཀྱིལ་འཁོར་དབུས་གནས་པར། །ཡེ་ཤེས་ས་བོན་གྱིས་ནི་སྤྲུལ། །སྐུ་མདོག་དཀར་པོ་བསྒོམ་པར་བྱ། །པདྨའི་གདན་ལ་བཞུགས་པར་ནི། །ཕྱག་གཉིས་སེམས
146a6 དཔའི་སྐྱིལ་མོ་ཀྲུང་། །རྒྱན་རྣམས་ཀུན་གྱིས་རྣམ་པར་བརྒྱན། །ཕྱག་རྒྱ་ཆེན་པོ་ཕྱག་གཉིས་ཀྱིས། །སྙིང་གའི་གནས་སུ་བཙིར་བ་ཉིད། །སྐུ་མདོག་དཀར་པོ་ཤིན་ཏུ་མཛེས། །འཕགས་པ་རྣམ་པར་སྣང་མཛད་གཙོ། །ཀུན་ཏུ་འོད་ཟེར་སྣ་ཚོགས་ཀྱིས། །
146a7 སངས་རྒྱས་དམ་ཚིག་སྤྲིན་གྱིས་སྤྲོ། །ཟུང་ལྟར་རིམ་པའི་ཆོ་ག་ཡིས། །སྔགས་ཀྱི་བཟླས་པར་རབ་ཏུ་གྲགས། །གཡོན་དང་གཡས་པའི་ལག་གཉིས་ཀྱིས། །བསྐོར་བ་མཁའ་འགྲོ་མ་དེ་བདེ། །ཱ་ལི་ཀཱ་ལི་ས་བོན་ནི། །ཧཱུ~ཾ་གི་སྲད་བུས་བརྒྱུ་བ་ཉིད། །
iiif viewer powered by OpenSeadragon
