| e-texts navigator |
| Wylie |
140b1 དགས་ཆེན་པོ་གདན་མཛད་པ། །པདྨ་ཆེན་པོ་འདབ་བརྒྱད་པ། །ཁ་དོག་དམར་པོ་མཉམ་འོད་དུ། །རིག་མ་བཞི་དང་མཉམ་པར་ལྡན། །སངས་རྒྱས་གཟུགས་བརྙན་ཉེ་བར་མཛེས། །རྟ་ཡི་གཟུགས་སོགས་ཕྱག་བཞི་མ། །ཞལ་བཞི་དང་ནི་སྦྲུལ
140b2 གྱིས་བརྒྱན། །ཡི་གེ་ཡི་གེ་ཡང་དག་ལྡན། །ཐོད་པར་བཞུགས་ཤིང་སྐུ་མདོག་དཀར། །ཞལ་བཞི་ཡིས་ནི་རྣམ་པར་སྤྲས། །ཡར་ལ་ཝས་རྣམ་པར་བརྒྱན། །ཆོ་གས་ཇི་སྲིད་བསྒྲུབ་བྱ་བརྩམ། །རླུང་སོགས་ཇི་ལྟར་རིམ་པས་ནི། །དུ་བ་དམར་དང
140b3 སེར་དང་དཀར། །བསམ་གཏན་འདིས་ནི་བལྟས་ཙམ་གྱིས། །འོ་མའི་ཤིང་ལྟར་བུད་མེད་རྣམས། །འཇུ་བར་འགྱུར་ཏེ་གཞན་དུ་མིན། །ར་ཡི་ཡི་གེ་ཡང་དག་ལྡན། །ཁ་དོག་དམར་པོ་ཕྱག་བཞི་མ། །འབར་བའི་ཕྲེང་ཁྱབ་འཇིགས་མ་སྟེ། །ཞལ་བཞི་ཝ
140b4 ཡི་གདོང་གིས་སྤྲས། །ཧཱུ~ཾ་གིས་བཀང་བ་ཉིད་ཀྱིས་ནི། །རྡོ་རྗེ་ཕྲ་མོ་རྣམ་བསྒོམས་པས། །སྣ་ཡི་རྩེ་མོར་རྫོགས་པ་ལས། །བསྒྲུབ་བྱའི་ལུས་ལ་དགང་བར་བྱ། །ཡན་ལག་ཚིགས་ནི་ཐམས་ཅད་ལ། །སྣ་ཚོགས་རྡོ་རྗེ་ངེས་སྦྱར་བ། །དེས་ནི་རྡོ་རྗེ་མཚོན
140b5 ཆ་ཡིས། །འབར་བ་དང་ནི་ཁྲག་གི་ལུས། །ཀུན་ཏུ་འཇིགས་པར་བྱེད་པར་ནི། །རྡོ་རྗེ་མཁའ་འགྲོ་མ་ནི་བསྒོམ། །ོ~ཾ་བཛྲ་ཌཱ་ཀི་ནཱི་ཨ་མུ་ཀ་སྱ་རཀྟ་མཱ་ཀར་ཥ་ཡ་ཧཱུ~ཾ་ཕཊ། །འདིས་ནི་རིམ་པའི་རྣལ་འབྱོར་གྱིས། །ཁྲག་ནི་འགུགས་པར་བྱེད་པའི་མཆོག་།ལྷ
140b6 མོ་དེ་ལྟར་བཤད་པས་ནི། །སྐེམས་པར་འདི་ལ་ཐེ་ཚོམ་མེད། །དེ་ནས་དེ་ཉིད་ཀུན་རྫོགས་ནས། །མ་ཧེའི་གཟུགས་ནི་འཇིགས་པ་མོ། །སྐུ་མདོག་ནག་པོ་འཇིགས་ཆེན་པོ། །ཞལ་བཞི་པ་དང་འཇིགས་པར་མཛད། །ཕྱག་བརྒྱད་པ་དང་ཞབས་བཞིས་སྤྲས། །
140b7 རྡོ་རྗེ་གཏུན་ཤིང་རལ་གྲི་དང་། །འཁོར་ལོ་དེ་བཞིན་ཅང་ཏེའུ་ཉིད། །གཡོན་ན་ཁ་ཊྭཱ~ཾ་ག་དང་ནི། །ཐོད་པ་གཞུ་དང་ཞགས་པ་ཉིད། །སྣ་ཚོགས་མཚོན་ཆ་འཛིན་པ་ཡི། །རྡོ་རྗེ་ཁྲོ་བོ་ཡང་ནི་སྤྲོ། །ཡིད་ཀྱིས་བསྒྲུབ་བྱའི་སྲུང་བ་ནི། །ཆོ་ག་ཡིས་ནི་བཀུག་ནས་ནི། །
iiif viewer powered by OpenSeadragon
