| e-texts navigator |
| Wylie |
138b1 ན་མྱུར་དུ་སངས་རྒྱས་ཉིད་ཐོབ་པར་འགྱུར་རོ། །དང་པོ་ན་རལ་གྲིའོ། །གཉིས་པ་ན་ཨུཏྤ་ལའོ། །གསུམ་པ་ན་མདའོ། །བཞི་པ་ན་རྡོ་རྗེའོ། །ལྔ་པ་ན་ལྕགས་ཀྱུའོ། །དྲུག་པ་ན་དབྱིག་པའོ། །བདུན་པ་ན་གྲི་གུག་གོ། །བརྒྱད་པ་ན་མི་འཇིགས་པའོ། །གཡོན
138b2 པའི་དང་པོ་ན་ཐོད་པའོ། །གཉིས་པ་ན་སྡིགས་མཛུབ་བོ། །གསུམ་པ་ན་གཞུའོ། །བཞི་པ་ན་ཁ་ཊྭ་གའོ། །ལྔ་པ་ན་ཞགས་པའོ། །དྲུག་པ་ན་མིའི་མགོ་བོའོ། །བདུན་པ་ན་རིན་པོ་ཆེའོ། །བརྒྱད་པ་ན་བུམ་པ་འཛིན་པའོ། །གཡས་པའི་ཞལ་དང་པོ་ནི་སྔོན་པོའོ། །
138b3 གཉིས་པ་ནི་སེར་པོ་ཡང་དག་པར་འབར་བའོ། །གཡོན་པའི་དང་པོ་ནི་དཀར་པོའོ། །གཉིས་པ་ནི་ལྗང་གུ་དང་། བཻཌཱུ་རྱ་ལྟ་བུའོ། །སྟེང་གི་ཞལ་ནི་རྣམ་པར་གཙིགས་ཤིང་། དུ་བའི་མདོག་དང་། འཇིགས་པ་ཆེན་པོ་དང་། ཁྲོ་གཉེར་ཤིན་ཏུ་འཇིགས་པར་བྱེད་པ།
138b4 དངོས་གྲུབ་ཐམས་ཅད་སྦྱིན་པར་བྱེད་པ། དེ་ལྟར་ལྷ་མོ་བསྒོམ་པར་བྱའོ། །དེ་ནས་སྟེང་གི་ཞལ་བོང་བུའི་རྣམ་པ་དང་། འདོད་པའི་གཟུགས་ཅན་མ། ཞབས་བཞི་པ། རྩེ་གསུམ་སྦྲུལ་གྱིས་བསྐོར་བ། དེ་བཞིན་དུ་ཧེ་རུ་ཀ་ཞེས་བྱ་བ་ངེས་པར་རྒྱུའི་མཆོག་བསྒོམ་པར
138b5 བྱའོ། །བྷ་གའི་ནང་དུ་ཡཾ་ལས་རླུང་གི་དཀྱིལ་འཁོར་དུ་བའི་རྣམ་པར་བསམ་པར་བྱའོ། །དེའི་སྟེང་དུ་ཟླ་བའི་དབུས་སུ་དྷཱིཿཡོངས་སུ་གྱུར་པ་ལས་འཇམ་པའི་དབྱངས་ཀྱི་གཟུགས་སུ་བདག་ཉིད་བསམས་ནས་དེའི་སྙིང་གར་ཨ་ལས་ཉི་མའི་དཀྱིལ་འཁོར་བསམས་ཏེ། དེ་ནས
138b6 ཉི་མའི་དཀྱིལ་འཁོར་ལས་འོད་ཟེར་ཕྱུང་སྟེ་ཆོ་ག་བཞིན་དུ་མཆོད་པར་བྱའོ། །དེའི་སྟེང་དུ་ཧཱུ~ཾ་འོད་ཟེར་ལྔ་དང་ལྡན་པ་བསམས་ནས་དེ་ཡོངས་སུ་གྱུར་པ་ལས་རྡོ་རྗེ་འཇིགས་བྱེད་ཞལ་དགུ་པ་མ་ཧེའི་གཟུགས་དང་། ཞབས་བཅུ་དྲུག་པ། ཕྱག་སུམ་ཅུ་རྩ་བཞི་པ། གཅེར་བུ
138b7 སྐུ་མདོག་ནག་ཅིང་གཟི་བརྗིད་ཆེན་པོ། ཐོད་པ་མཆོག་གིས་བརྒྱན་པར་མཛད་ཅིང་། འཇིགས་བྱེད་ཆེན་པོའི་སྟེང་གི་ལིང་ག་དང་། གཡོན་བརྐྱང་བས་བཞུགས་ཤིང་། གསུས་པ་ཆེ་བ་དང་། སྐུ་ཆེ་ཞིང་སྐྲ་སྟེང་དུ་འབར་བས་འཇིགས་པའི་རྣམ་པ་དང་། ཐོད་པའི་ཕྲེང
iiif viewer powered by OpenSeadragon
