| e-texts navigator |
| Wylie |
138a1 སེམས་མེད་པ། །སྒྱུ་མའི་རང་བཞིན་ཁྱོད་བཞུགས་ནས། །ཁམས་གསུམ་མ་ལུས་བསྒྲལ་བར་མཛོད། །ཡོན་ཏན་དག་འདི་ཐོས་ནས་ནི། །སེམས་ཅན་གྲོལ་བྱེད་འདི་ལྟར་བསྒོམ། །དེ་བཞིན་གཤེགས་པ་ཀུན་རྣམ་པ། །འགྲོ་བའི་གཙོ་བོ་ཧེ་རུ་ཀ། །དཔལ་ནི་སྔོན་དུ་མངོན
138a2 བརྗོད་པས། །རྟེན་ལ་སོགས་པ་བསྐྱེད་པ་སྟེ། །གླུ་དང་རོལ་མོ་དྲི་ཟ་དང་། །གཞན་རྣམས་གང་རྣམས་དེ་རྣམས་དང་། །འགྲོ་བའི་སྡེ་དང་ལས་དང་ནི། །དེ་ཡི་རྒྱུན་ལས་ཡོངས་སུ་བྱུང་། །དེ་ལ་སོགས་པ་མཐའ་མེད་དང་། །སྟོང་ཕྲག་སུམ་ཅུ་རྩ་གསུམ་མོ། །གསང་བ་མཆོག་གི་དགྱེས་པ
138a3 ན། །ཐམས་ཅད་བདག་ཉིད་རྟག་ཏུ་བཞུགས། །དེ་ཉིད་རྣམ་པ་བཅུ་དྲུག་དང་། །སྐྱེ་བ་དང་ནི་ཐིམ་པའི་རྒྱུ། །རྣལ་འབྱོར་རྣལ་འབྱོར་མའི་དེ་ཉིད། །ཟླ་བའི་དབྱེ་བས་འགྲོ་བའོ། །དགའ་བ་རྟག་ཏུ་ཤེས་བྱས་ནས། །ཚེས་གཅིག་ཟླ་བ་འཕེལ་བས་སོ། །ནག་པོ་སོགས་དང་དཀར་མཐར
138a4 ཡང་། །ཐུང་ངུ་དེ་བཞིན་འདིར་ཤེས་བྱ། །འདི་སྐད་ཐོས་པ་བདག་གི་ངག་།གསང་བའི་འདོད་པ་ཐམས་ཅད་སྟེར། །དེ་བཞིན་འདིར་བདག་ཐེ་ཚོམ་མཆིས། །གསང་བ་ལ་སོགས་གསུང་ནི་ཅི། །བདག་གི་བདག་པོས་གསུང་བར་མཛོད། །སེམས་ཅན་རྣམས་ཀྱི་དོན་བྱེད་པ། །ལྷ་མོ་ཆེན་མོ
138a5 བདག་དགའོ། །སེམས་ཅན་ཀུན་གྱི་དགོས་པའི་རྒྱུར། །མདོར་བསྡུས་བདག་གིས་བཤད་བྱ་སྟེ། །རྩེ་གཅིག་པ་ཡི་སེམས་ཀྱིས་ཉོན། །གསང་བ་ཁམས་ཐམས་ཅད་ཀྱི་མཐའ། །དབང་པོའི་གནས་ནི་མཆོག་ཡིན་ལ། །རྣམ་ཤེས་ཕུན་ཚོགས་དེ་རྣམས་སུ། །དགྱེས་པ་ནམ་མཁའ་ལས
138a6 བྱུང་བའོ། །ཐམས་ཅད་བདག་ཉིད་ཁམས་གསུམ་གྱི། །ཁྱབ་བྱའི་གཟུགས་སུ་ཡང་དག་སོན། །རྟག་བཞུགས་གཉིས་སུ་མེད་པའི་ཆོས། །སྒྱུ་མ་རྨི་ལམ་ལྟ་བུ་མཆོག་།ཡང་ན་བདག་མེད་བཅུ་དྲུག་དང་། །ཁྱད་པར་དུ་ཡང་སྙིང་རྗེའོ། །དེ་ཡི་རྣམ་པ་ཡེ་ཤེས་ཆེ། །དེ་ཁོ་ན་ཉིད
138a7 ཀུན་དུ་སོན། །འདིར་ནི་སྐྱེ་བར་གོ་བྱ་བ། །རྣལ་འབྱོར་རྗེས་སུ་རྣལ་འབྱོར་རོ། །ཐིམ་པ་སྒྲུབ་པ་གཉིས་དང་ནི། །དེ་བཞིན་བསྙེན་པ་གཉིས་ཀྱང་ངོ་། །རྣལ་འབྱོར་ཐིག་ལེར་བཤད་པ་སྟེ། །ཕྲ་མོའི་རྣལ་འབྱོར་རྣལ་འབྱོར་མའོ། །དུས་ཀྱིས་ཕྱེད་དང་ཟླ་བ་ཡི། །རྫོགས་ལྡན
iiif viewer powered by OpenSeadragon
