| e-texts navigator |
| Wylie |
136b1 ལྡན། །སྐྲག་ནས་གཞན་ནི་ཐལ་མོ་སྦྱར། །གཤིན་རྗེ་མ་ཧེ་ལ་ཞོན་པ། །ཁ་དོག་ནག་པོ་ལག་བཞི་པ། །དབྱུག་པ་དང་ནི་ཐོད་པ་འཛིན། །དེ་བཞིན་སྐྲག་ནས་ཐལ་མོ་བྱེད། །བདེན་བྲལ་དང་ནི་ཁྱི་ལ་ཞོན། །ཁ་དོག་ལྗང་གུ་ལག་བཞི་པ། །རལ་གྲི་ཉིད་དང་ཐོད་པ་འཛིན། །སྐྲག་ནས་གཞན་དག་ཐལ་མོ་སྦྱོར། །
136b2 ཆུ་ཡི་ཕྱོགས་ནི་ཆུ་སྲིན་ཞོན། །ཁ་དོག་དཀར་པོ་ལག་བཞི་པ། །ཞགས་པ་དང་ནི་ཐོད་པར་ལྡན། །གཞན་དག་ཐལ་མོ་ཁ་སྦྱོར་བྱེད། །རླུང་ནི་ཞོན་པ་སྟེ། །དུ་བའི་མདོག་ཅན་ལག་བཞི་པ། །བ་དན་དང་ནི་ཐོད་པར་ལྡན། །དེ་བཞིན་གཞན་ནི་ཐལ་མོ་སྦྱོར། །ནོར་སྦྱིན་ན་ནི་གཏེར་ལ་ཞོན། །ཁ་དོག་སེར
136b3 པོ་ལག་བཞི་པ། །རིན་པོ་ཆེ་དང་ཐོད་པར་ལྡན། །གཞན་དག་ཐལ་མོ་སྦྱར་བའོ། །གཟའ་དང་རྒྱུ་སྐར་ཐམས་ཅད་ནི། །སོ་སོའི་དཀྱིལ་འཁོར་ལ་བསམ་བྱ། །རང་གི་དམ་ཚིག་ལས་བྱུང་བ། །སྟོབས་པོ་ཆེ་ལ་རྫུ་འཕྲུལ་ལྡན། །མ་མོ་ཀུན་གྱི་ཡང་མ་མོ། །དེ་བཞིན་རིག་པར་གྱུར་པའི་མཆོག་།ཉོན་ཅིག་ལྷ་མོ་ཆེ
136b4 ཆེན་མོ། །གཏོར་མ་རེ་རེས་གཟུང་བར་བྱ། །དངོས་གྲུབ་ཐམས་ཅད་རབ་སྟེར་བའི། །རྟག་ཏུ་རྣལ་འབྱོར་གར་སྤྱོད་ན། །དེ་ལ་འབད་པས་ཁུར་བྱེད་པའི། །ཕོ་ཉའི་སྒྲུབ་ཐབས་རབ་བཤད་པ། །རྒྱུད་རྣམས་ཀུན་ནས་རྙེད་དཀའ་བའི། །དེ་ཡིས་ལྡན་བྱས་དངོས་གྲུབ་འགྱུར། །རྣལ་འབྱོར་གཅིག་པས་རྟག
136b5 གནས་པས། །འཁོར་བའི་སྐྱོན་དང་ངེས་པར་གྲོལ། །ཕོ་ཉ་མོར་ཆགས་རྟག་པར་གྲོལ། །མཆོག་གི་རིམ་པས་སྤྱད་པར་བྱ། །བསྙེན་བཀུར་ཙམ་ནི་བྱ་མིན་གྱི། །སྐྱེ་གནས་དམན་པའང་དགའ་བདེའི་གནས། །མ་དང་སྲིང་མོ་བུ་མོ་དང་། །ཆུང་མ་ཡང་ནི་ཕོ་ཉར་གནས། །འཇིག་རྟེན་ལ་རྟག་གཡོན་པས
136b6 སྤྱོད། །རྐང་པ་གཡོན་པ་སྔོན་དུ་འདོར། །ལག་པ་གཡོན་པས་ཡོངས་སུ་བསྒྱུར། །གཡོན་པ་དང་པོར་མཆོད་པར་བྱ། །གཡོན་པ་ཕྱོགས་ཀྱིས་བསྒྱུར་བྱ་ཞིང་། །གཡོན་པས་འབད་པས་ཚིམ་པར་བྱེད། །དཔལ་རྡོ་རྗེ་མཁའ་འགྲོའི་སྙིང་པོའི་རྒྱུད་ཆེན་པོ་ལས་ལེའུ་བཅུ་བཞི
136b7 པའོ། ། །།དཔལ་རྡོ་རྗེ་མཁའ་འགྲོའི་རྒྱུད་ཕྱི་མ་སྙིང་པོ་བསྡུས་པ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་མཆོག་གི་དབང་ཕྱུག་གི་ཞལ་སྔ་ནས་དང་། བོད་ཀྱི་དགེ་སློང་ཤཱཀྱ་བརྩོན་འགྲུས་ཀྱིས་གྲོམ་པ་རུ་ལག་རྒྱང་ཕུའི་ལྷ་རི་མོའི་མགུལ་གྱི་དབེན་གནས་སུ་བསྒྱུར་བའོ།། །།
iiif viewer powered by OpenSeadragon
